حماتي منعتني أدخل فرح بنتها

دخلنا نفس الباب نفس الأمن بس المرة دي أنا مش ضيفة.
أنا صاحبة المكان.
لما ريم أعلنت الحقيقة، القاعة كلها سكتت المزيكا وقفت والعيون كلها راحت على سعاد، اللي وشها اصفر، وعلى آدم اللي واقف مش فاهم الدنيا پتنهار إزاي بالسرعة دي.
ريم فتحت الشنطة، وبدأت تطلع العقود عقد الإيجار، إيصالات الدفع، التحويلات البنكية، كل حاجة باسمي. وقالت بصوت واضح القانون بيدي الحق للمالكة إنها تمنع أي شخص من استخدام المكان بما فيهم أصحاب الحجز.
الهمهمة عليت شيرين بدأت ټعيط والعريس واقف محرج وسعاد حاولت تتكلم، بس صوتها ماطلعش.
بصيت لآدم أول مرة أشوفه ضعيف بالشكل ده. قرب وقال لي بصوت واطي نورا خلينا نحل الموضوع بهدوء. ضحكت نفس الضحكة اللي أمه ضحكتها عليا.
وقلت له بهدوء؟ زي ما اتطردت بهدوء؟
وسكت لأنه ماكانش عنده رد.
لحظة القرار كانت بإيدي كنت أقدر أطردهم أفضحهم أقلب الفرح جنازة.
بس أنا مش هما.
بصيت لريم وقلت الفرح هيكمل.
الكل اتفاجئ حتى أهلي.
كملت بس بعد ما الكل يعرف الحقيقة.
طلبت الميكروفون ووقفت في نص القاعة، وكل العيون عليا، وقلت كل حاجة من أول ما دخلت البيت ده، لحد اللي حصل على الباب. ماكذبتش وما زودتش بس الحقيقة لوحدها كانت كفاية.
الناس بدأت تبص لسعاد بنظرات مختلفة وآدم بقى مش قادر يرفع عينه.
وفي النهاية قلت الفرح ده هيكمل عشان شيرين مالهاش ذنب لكن أنا خلاص.
قلعت الدبلة وحطيتها على الترابيزة قدام آدم.
وقلت له أنا اشتريت المكان بس عمري ما اشتريت كرامتي.
ومشيت.
وراي همسات صدمة واڼهيار عيلة كاملة.
ومن يومها نورا الغرباوي بقت حكاية تانية حكاية ست فهمت الدرس متأخر شوية بس لما فهمته عمرها ما رجعت لنفس الغلطة تاني.
مشيت من القاعة وسايبة ورايا ضهر تقيل من الذكريات والۏجع، بس الغريب إني أول ما ركبت العربية وحطيت راسي على الكرسي، حسيت بحاجة عمري ما حسيتها قبل كده راحة. مش سعادة، لأ راحة حد أخيراً وقف يظلم نفسه.
أمي مسكت إيدي وسألتني بهدوء إنتي كويسة يا نورا؟
بصيت لها وابتسمت ابتسامة خفيفة وقلت دلوقتي بس بقيت كويسة.
أبويا كان ساكت طول الطريق، بس أول ما وصلنا البيت قال جملة واحدة بس اللي عملتيه النهارده ده اسمُه رجوع حق. الكلمة دي فضلت ترن في ودني طول الليل.
بس الليلة ماخلصتش عند كده
الساعة كانت داخلة على 2 بعد نص الليل، وموبايلي رن. اسم آدم. سبت التليفون يرن شوية وبعدين رديت.
صوته كان مكسور لأول مرة نورا ممكن نتكلم؟
قلت له ببرود قول.
سكت لحظة وبعدين قال إنتي بوظتي كل حاجة.
ضحكت ضحكة قصيرة بس تقيلة أنا؟ ولا إنتو اللي كنتوا فاكرين إنكم تقدروا تدوسوا عليا وأسكت؟
اتنهد وقال ماما تعبانة والناس كلها بتتكلم وشيرين مڼهارة.
قلت له وأنا؟ لما كنت واقفة بره لوحدي؟ كنت فين؟
ماعرفش يرد ودي كانت أول مرة يسكت بجد.
قال بصوت أهدى