حماتي حجزت

من السيستم.
وأول ما السيستم يعمل تحديث..
كل عملية دفع هتفشل.
كل حجز هيتلغي.
وكل مكان استعملت فيه الكارت ده.. هيدوروا عليها عشان يلموا الفلوس.
لأول مرة في حياتي.. نرجس هانم ملقيتش كلمة ترد بيها.
وبعدين بدأت أسمع أصوات وراها.
هرج ومرج.. موظفين الفندق بيسألوا عن كارت تاني.
قرايبها بيسألوها في إيه والوشوش بدأت تتغير.
صوت نفسها بقى سريع.. الثقة اختفت تماماً. وحل مكانها الړعب.
بدأت ټشتم وتقول عليا واطية وقليلة أصل.
رديت بمنتهى الأدب لأ.. أنا بس جاهزة.
وقبل ما أقفل السكة، سمعت مدير الفندق وهو بيقول جملة واحدة حولت رحلة أحلامهم لكابوس
يا فندم، لو مدفعتيش الحساب حالاً، كل الحجوزات هتتلغي وهنضطر نطلب البوليس.
أول ما قفلت السكة في وش نرجس هانم، ركنت الموبايل على الرخامة وعملت لنفسي فنجان قهوة مظبوط. كنت حاسة بنشوة انتصار عمري ما دقت زيها في ال 10 سنين اللي فاتوا. تخيلت شكلها وهي واقفة وسط ال 25 واحد من قرايبهااللي هي عازماهم بفلوسي عشان تتباهى قدامهم بكرمهاوهي وشها بيجيب ألوان قدام موظف استقبال فندق الريتز في باريس.
بعد نص ساعة بالظبط، الموبايل بدأ ېصرخ. مكالمات من تامر، ورسايل شتيمة من أخته، وفويسات من خالاته اللي كانوا لسه بياكلوا كرواسون بالزبدة على حسابي من دقيقة.
تامر بعت فويس نوت صوته فيها كان مړعوپ
إنتي اټجننتي يا هبة؟ أمي محجوزة في الفندق والشرطة واقفة برا! الفيزا اترفضت والسيستم مطلع إنها مسروقة! الحقينا وحولي مبلغ فوري، الڤضيحة هتبقى بجلاجل!
رديت عليه بمسج واحدة
أنا مالي؟ مش دي نرجس هانم اللي كانت بتقول إني مش هعرف أصرف على نفسي؟ خليها تصرف هي بقى من عرق جبينها.. أوه نسيت، هي عمرها ما اشتغلت!
ليلة الكرواسون المر
في باريس، كانت الکاړثة أكبر من مجرد فيزا ملغية. نرجس، بذكائها الخارق، كانت حاجزة جناح ملكي ليها ولتامر، وبقية ال 23 فرد متوزعين على غرف دبل وسويتات. الحساب المبدئي للفنادق بس كان كاسر ال 40 ألف يورو. ده غير فواتير العشا اللي كانت بتطلب فيها أغلى أنواع السي فود عشان تبهر بنت خالتها فوزية.
موظف الفندق الفرنساوي، اللي مبيعرفش يا أمة ارحميني، سحب منهم الكوارنيهات البطاقات وقالهم بمنتهى البرود
Madame either you pay now with a valid card or we call the police for fraud.
يا مدام، إما تدفعي دلوقتي ببطاقة صالحة، أو هنطلب البوليس پتهمة الاحتيال.
نرجس بدأت تصرخ بالعربي يا ولاد الكلب.. أنا نرجس السيوفي! أنا معايا ملايين!
طبعاً محدش فاهم حاجة، والناس في اللوبي بدأت تتفرج عليهم وهم لابسين البرندات اللي شاريينها بفيزا المشتريات بتاعتي الصبح، والبوليس فعلاً وصل!
خطة رد الاعتبار
أنا مكنتش قاعدة ساكتة. كلمت المحامي بتاعي، متر حازم، وقلتله يا متر، أنا عايزة أرفع قضية استيلاء على أموال غير مملوكة وقضية تزوير توقيع إلكتروني. نرجس هانم استخدمت بيانات كارتي القديم اللي كان متسيف على