حماتي حجزت

موبايلها من أيام ما كنت ببعتلها تشتري طلبات البيت، وده يعتبر سړقة.
حازم ضحك وقالي ده إنتي ناوية ليهم على نية سودة يا هبة.. بس قانوناً، إنتي معاكي حق 100. الفيزا ملغية، وأي محاولة لاستخدامها بعد تاريخ الطلاق الرسمي تعتبر جنحة ڼصب.
طلبت منه يبعت إنذار رسمي للسفارة المصرية في باريس وللفندق اللي هما فيه، يوضح إن الكارت ده مسروق وإن صاحبة الكارت اللي هي أنا بتخلي مسؤوليتها عن أي مليم.
الشحاتة في شوارع الشانزليزيه
الساعة جت 10 بالليل بتوقيت القاهرة. تامر كلمني تاني، بس المرة دي كان بيعيط.
هبة.. أبوس إيدك.. طردونا من الفندق وخدوا الشنط والمشتريات رهن لحد ما ندفع الحساب. إحنا واقفين في الشارع بشنط الهدوم اللي علينا بس. ال 25 واحد قاعدين على الرصيف في الشانزليزيه والجو برد.. أمي جالها ضيق تنفس.
قلتله ببرود قاټل
والله يا تامر، الشانزليزيه في الوقت ده بيبقى رائع، والبرد ده بيخلي الواحد يفكر في أخطاء الماضي. مش إنت كنت بتقول كبري دماغك عشان المركب تمشي؟ أدي المركب ڠرقت يا حبيبي.. انزل بقى عوم وطلع أمك وقرايبك.
تامر معناش ولا مليم كاش! نرجس كانت معتمدة كلياً على فيزا المشتريات بتاعتك! مفيش حد من القرايب معاه أكتر من 200 يورو نثرية!
قلتله خلاص، بيعوا الساعات الماركة اللي اشتريتوها الصبح.. أوه صح، الفندق صادرها! يلا يا تامر، وريني شطارتك.. اتصرف. وقفل السكة.
المشهد الأخير في باريس
قضوا ليلة سودا. ناموا في لوبي مطار شارل ديجول بعد ما طردوا من كل مكان. القرايب اللي كانوا بيمجدوا في نرجس الصبح، قلبوا عليها بالليل.
بقى يا نرجس تغفلينا وتجيبينا على ملا وشنا وتقوليلنا العزومة على حسابي وإنتي سارقة فيزا طليقة ابنك؟
إحنا اتشردنا يا شيخة الله ېخرب بيتك!
الخناقات وصلت للضړب بالأيد وسط المطار، والأمن الفرنسي اتدخل وفض الليلة.
عشان يرجعوا مصر، تامر اضطر يكلم والده طليق نرجس اللي كان قاطع علاقته بيهم. والده وافق يبعتلهم تمن تذاكر الرجوع اقتصادية مش بزنس، وبشرط واحد تامر يوقع على وصلات أمانة بكل مليم هيدفعه.
العودة إلى أرض الواقع
بعد 3 أيام، وصل جيش نرجس لمطار القاهرة. المنظر كان يقطع القلب.. بس القلب القاسې!
نرجس نازلة بعباية متكرمشة، وشها أصفر، وضغطها عالي. وتامر ماشي وراها زي اليتيم.
أول ما خرجوا من صالة الوصول، لقوا محضر واقف مستنيهم ب أمر ضبط وإحضار في البلاغ اللي أنا قدمته.
نرجس صړخت حتى هنا يا بومة؟ مش سايبانا في حالنا؟
المحضر رد عليها يا مدام، حضرتك مطلوبة للتحقيق في بلاغ سړقة واستعمال كارت بنكي ملغي والاستيلاء على مبالغ تتخطى ال 2 مليون جنيه باعتبار المحاولات اللي عملتها.
النهاية السعيدة ليا أنا
نرجس قضت 4 أيام في الحجز على ذمة التحقيق. تامر اضطر يبيع عربيته عشان يدفع كفالة لأمه ويسدد جزء من الفواتير اللي الفندق بعتها للملحق
التجاري في السفارة.
ال 25 واحد من قرايبهم بقوا أعداء العمر، وكل واحد فيهم طلع عليه إشاعة شكل في العيلة.
أما أنا؟
بعت شقة الزمالك، وسافرت المالديف بفلوسي الحقيقية، وتعب شقاي اللي نرجس كانت فاكرة إنها شطارة إنها تاخده.
قعدت على البحر، فتحت الموبايل، وبعتت رسالة لتامر
شكراً يا تامر.. لولا طمع مامتك، عمري ما كنت هعرف قيمة نفسي. قول لنرجس هانم إن الفيزا بتاعتي دلوقتي مش بس ملغية.. دي بقت محرمة عليكي وعلى عيلتك ليوم الدين.
شربت العصير بتاعي، وقفلت الموبايل، وبدأت حياتي بجد.. من غير كركبة، ومن غير نرجس.
تمت