الكنز المستخبي في البيت العيلة كاملة بقلم مني السيد

في البلكونة الكبيرة بشرب قهوة وبقرأ، وفجأة وقفت عربية SUV سودة قدام الباب.. نزل منها وبص للبيت بذهول وصدمة مش طبيعية.
ليلى؟ نده وهو طالع السلم.. هو ده نفس البيت؟
هزيت راسي بابتسامة هادية.
انتي جددتيه! قالها وهو بيلف بعينه في كل ركن ببهار.. جبتي المصاريف دي كلها منين؟
رديت عليه ببرود وابتسامة نصر
لقيت كنز يا إيهاب.. كنز كان تحت رجلك بس أنت مكنتش شايف غير القشرة اللي بره.
ضحك هو، فاكرني بهزر.. بس لما دخل جوه وشاف اللوحات، وشاف ليلى الجديدة.. الضحكة فارقت وشه للأبد.
الجزء الثاني المواجهة الأخيرة.. وضحكة النصر
إيهاب كان بيمشي في الصالة ببطء، عينيه بتتحرك بين العفش المتجدد، وخشب الأرضية الباركيه اللي بيلمع، والنجف النحاس القديم اللي رجع ينور البيت من تاني. لحد ما وصلنا للدور التاني، وفتحت له باب الأوضة اللي خصصتها للوحات.
إيه ده يا ليلى؟ سأل وهو بيقرب من لوحة كبيرة، وصوته فيه رعشة خفيفة.
دي مجموعتي الخاصة.. الكنز اللي لقيته في السطح وسط الكراكيب اللي كنت بتضحك عليها.
وقف قدام لوحة ل محمود سعيد، وبدأ يقرأ التوقيع، وبعدها بص للوحة راغب عياد.. شوفت عينيه وهي بتتحول من الذهول للصدمة، ملامحه بدأت تبهت وكأنه شاف شبح. بقلم مني السيد
اللوحات دي.. أصلية؟ سأل والريق ناشف في حلقة. بقلم مني السيد
أيوة.. محمود سعيد، راغب عياد، يوسف كامل.. وغيرهم من العمالقة. قيمتهم التقديرية تعدي ال 50 مليون جنيه. بعت اتنين بس عشان أفرش القصر ده وأعيش ملكة، والباقي شايلاه للزمن.
إيهاب وشه بقى لونه أبيض زي الورق. بص لي، وبعدين بص للوحات، وبعدين رجع بص لي تاني.. كنت شايفة العداد شغال في دماغه، بيحسب الملايين اللي ضاعت من إيده، الملايين اللي سابها لمراته اللي كان فاكر إنه كسرها.
خمسين مليون.. كرر الجملة كأنه بيحلم. ليلى.. أنا.. أنا مكنتش أعرف. لو كنت أعرف..
لو كنت تعرف مكنتش وافقت تسيب لي البيت ده، صح؟ كملت أنا الجملة مكانه بابتسامة باردة.
بلع ريقه بصعوبة وقرب خطوة
ليلى، اسمعيني.. أنا كنت غبي، غلطت في حقك.. اللي حصل مع نيرمين كان مجرد طيش، أزمة منتصف العمر يا ستي. أنا اكتشفت إني مقدرش أعيش من غيرك. تعالي نرجع، تعالي نبدأ صفحة جديدة وننسى كل اللي فات.. فاكرة أيامنا الحلوة؟
بصيت في عينيه القوية.. كان بيقول كلام رومانسي، بس عينيه كانت مترشقة في اللوحات اللي ورايا. مكنش بيبص لي أنا، كان بيبص للملايين اللي طارت منه.
لأ يا إيهاب، قلتها بمنتهى الثبات. إحنا مش هنرجع. أنت مش عايزني أنا.. أنت عايز اللوحات دي، وعايز العز ده. أنت بعتني من سنة لما عرفت نيرمين، وبعتني قبلها بسنة لما بدأت تنقل أملاكنا باسم مامتك.
مش حقيقي! صړخ بيحاول يدافع عن نفسه. أنا فعلاً عرفت قيمتك دلوقت.. اديني فرصة واحدة أصلح اللي