مـيراث الشـوك كـاملة بقلـم انجي الخطيب

وقفلنا الباب.. الريحة هناك لسه زي ما هي، ريحة خشب قديم وتدخين خفيف، ريحة كانت دايماً بتحسسني بالأمان. قعدت على كرسي المكتب الجلد وأنا لسه ضامة الظرف المبلول في إيدي.
مريم.. مكنتيش عايزة تفتحي الجواب ده لوحدك، صح؟ نادية سألتني بحنان.
هزيت راسي.. كنت مړعوپة من كلام نهى عن أخويا تامر.
أبوكي ساب تعليمات محددة جداً، وفيه حاجات مكنش ينفع تظهر غير في وقتها.
بصيت لها باستغراب
وقتها؟ يعني إيه يا نادية؟
افتحي الجواب يا مريم.. وهتفهمي.
فتحت الختم ولقيت جواب ومعاه مفتاح نحاس صغير. بدأت أقرأ، وصوت بابا وكأنه بيتردد في ودني بنبرته الرخيمة
بنتي مريم.. لو بتقري الكلام ده، يبقى فيه حد بدأ يمد إيده على الورث. وأنا واثق إنها نهى.. الست دي مكنتش بطيقها، كان ليها وش زي المجلات، وقلب زي المحضرين.
نادية ضحكت بخفة وأنا كملت قراية
المفتاح ده بيفتح الدرج اللي تحت في المكتب.. هتلاقي فيه اللي يحميكي ويحمي حقك. افتكري يا مريم اللي علمتهولك في الشطرنج ساعات لازم تسيب العسكري يتقدم خطوة، عشان تحمي الملكة.
بصيت لنادية
أنتي كنتي عارفة كل ده؟
ساعدته يجهز كل حاجة من ست شهور، لما عرف إن المړض ملوش علاج.
فتحت الدرج بالمفتاح.. تكة القفل كانت مريحة للأعصاب.
لقيت ظرف كبير وفلاشة سودة صغيرة.
قبل ما تشوفي اللي في الظرف، لازم تعرفي إن باباكي عمل ملحق للوصية قبل ۏفاته بتلات أيام بس.. وده بيغير كل حاجة.
فتحت الظرف.. صور، كشوفات حساب، رسايل مطبوعة. صورة لنهى في جراج ضلمة بتسلم ظرف تقيل لراجل غريب. صورة لإسماعيل طليقي داخل مكتب محامي غير نادية. كشوفات حساب متعلم عليها بالفسفوري بتفضح تحويلات غريبة.
بابا هو اللي عمل كل ده؟
عين مخبر خاص من يوم ما قلتي له إن إسماعيل خانك.. مسبش فلتة واحدة.
مسكت الفلاشة وسألتها دي عليها إيه؟
ده فيديو لنهى وهي بتحاول ترشي الممرضة اللي كانت بتمشي في علاج بابا، عشان تطلع لها معلومات عن الوصية قبل ما ېموت.
كنت مذهولة.. نادية مدت إيدها بصورة تانية، لتامر أخويا وهو قاعد مع نهى في مطعم غالي.
شوفي الصورة اللي وراها يا مريم.
الصورة اللي وراها كان تامر خارج من المطعم ووشه مقلوب، وفي إيده شيك.
نهى عرضت عليه 10 مليون جنيه عشان يشهد إن بابا مكنش في وعيه لما عدل الوصية.
بس هي قالت لي إن تامر معاهم!
أخوكي كان بيمثل عليهم عشان يطمنوا.. كان بيديهم الحبل اللي هيشنقوا بيه نفسهم.
فجأة فهمت عبقرية بابا.. هو خلاهم يفتكروا إنهم كسبوا، عشان يوقعوا على استلام الورث، وأول ما يوقعوا، ملحق الوصية يتفعل، والتحقيق يبدأ فوراً في جرايم الرشوة والسړقة اللي عملوها.
الباب خبط، ودخل تامر.. كان شكله تعبان وشايل دوسيه جلد. قعد وشغل تسجيل صوتي من تليفونه.. صوت نهى وهي بتقول
لما العجوز ېموت، أنت هتقول إنه كان مخرف، وإسماعيل هياخد البيت ومريم