الخروج الاخير بقلم منال علي

في الشغل؛ لما الشخص اللي قدامك يزعق، اعرفي إن حجته خلصت. مردتش عليه بزعيق، ردت باللي بتفهم فيه
ليك حق في المعاملة بالمعروف، مش حق إنك تستخدم حياتي كأنها بوفيه مفتوح ومجاني. وأكيد مالكش حق تقلب مكتبي أوضة لوالدتك.
بهيرة صوتها علي تاني البوليس! أنا هطلب النجدة! إنتي غيرتي الكوالين وده غير قانوني!
نيرة خدت نفس طويل بقلم منال علي
اطلبي يا طنط.. بس قولي لهم إنكم كنتوا بتحاولوا تقتحموا شقة مش مسجلين فيها، وإنكم امبارح حاولتوا تسرقوا عفش من مكتبي. أنا مفرغة كاميرات الممر، وعندي تسجيلات من شركة الأمن اللي غيرت الكوالين.
سامر اتسمّر مكانه. ده اللي مكنش عامله حساب.. هو اتعود إن نيرة بنت ناس ومبتطلعش مشاكلها بره، وبتصفي الأمور في الهدوء والستر. بس دلوقتي هي بتتكلم بلغة الأرقام، والحق مبيستأذنش حد.
كاميرات إيه؟ وتسجيلات إيه؟ سامر سأل بصوت مهزوز.
نيرة مكملتش كلام من ورا الباب. رجعت لورا ودست على زرار في موبايلها. مكلمتش البوليس، هي طلبت النظام.
بعد ربع ساعة، ظهر موظف من إدارة البرج، ومعاه فرد أمن، اللي كان موجود امبارح وقت تغيير الكالون. اتكلموا بمنتهى الذوق.. ذوق عامل زي الحيطة اللي متقدرش تخرمها.
نيرة فتحت الباب موارب بس، عشان يبان إنها مش بتسمح لهم بالدخول، ووقفت والظرف في إيدها.
الموظف قال صباح الخير يا فندم، جالنا بلاغ بخصوص مشكلة في الدخول للشقة.
بهيرة هجمت في الكلام دي غيرت الكوالين! ده بيت العيلة! ومش عاوزة تدخل صاحب البيت!
الموظف سأل سؤال واحد بسيط مين المستأجر في العقد؟
نيرة مدت إيدها بصورة العقد. اسمها هي.. هي وبس.
أنا المستأجرة، وأنا اللي بدفع.
بهيرة كشت شوية بس لسه بتعافر دي متجوزة! وده جوزها!
الموظف هز راسه بأسف يا فندم، الحالة الاجتماعية متغيرش بنود العقد. لو المستأجرة مش عاوزة تدخل حد، منقدرش نجبرها.
سامر قرب بتهور أنا مش حد! أنا جوزها!
فرد الأمن رفع إيده بهدوء ومنعه يا أستاذ، المدام ليها الحق تحدد مين يدخل بيتها. لو فيه ټهديد أو زعيق، الموضوع هيتحول لمحضر إزعاج، وأنا شايف إنكم بتضغطوا عليها.
نيرة حست براحة.. مش عشان كسبت، بس عشان لأول مرة العالم سمى الحاجات بأساميها ضغط. مش مشاكل عائلية، ولا معلش استحملي. ده ضغط.
بهيرة بصت لنيرة ب غل إنتي فاكرة نفسك أذكى مننا؟ فاكرة ورقك ده هينفعك؟ إحنا أهل!
نيرة بصت لها بتركيز، وفهمت إن بهيرة مش بس عاوزة أوضة، هي عاوزة اعتراف إن كل اللي مع ابنها ملكها هي.
يا طنط، الأهل مش يعني حق المصادرة.. الأهل يعني احترام الحدود. وإنتو معندكمش الحتة دي.
سامر حاول يغير نبرته، نبرة السهوكة اللي بيستخدمها لما الدنيا تضيق
نيرة، خلينا نتكلم بالعقل. افتحي ونتفاهم، هاخد أمي ونمشي.. بس مالكش حق تعملي كده، ده كسرة ليا.
نيرة كانت عاوزة تضحك.. كلمة كسرة طالعة منه كأن هو