قصه مشوقه الدكتور قال لي فورا حكايه زهره

وملهاش أثر.
الدنيا لفت بيا.
بقيت باصة له ومش قادرة حتى أرمش بعيني.
صوت الدكتور بقى أحدّ وقتها كان بيستخدم لقب عيلة تاني. أنا عرفت الچرح اللي في إيده أول ما شفته، لأني أنا اللي كنت عالجته زمان في المنصورة. لو حس إني عرفته، مش هتلحقي تخرجي من هنا سليمة.
فجأة سمعت صوت في الطرقة.
ياسين كان راجع.
الدكتور حط كارت عيادته في إيدي بسرعة وهمس باب الخروج الجانبي.. اطلعي دلوقتي!.
مفكرتش.. خطفت شنطتي، وفتحت الباب الجانبي اللي بيطلع على السلم، وجريت بأقصى سرعة عندي.
جريت على السلم ونفسي مقطوع، مكنتش سامعة غير ضربات قلبي اللي كانت بتدب في وداني زي الطبل. وصلت للشارع، وقفت أول تاكسي قابلني ورميت نفسي جواه. سواق التاكسي بص لي في المراية بخضة وقال على فين يا مدام؟ إنتي كويسة؟.
قلت له بصوت مرعوش أقرب قسم شرطة.. بسرعة أرجوك.
طول الطريق كنت ببص ورايا، خاېفة أشوف عربية ياسين بتطاردني. طلعت الكارت اللي الدكتور ادهوني، إيدي كانت بتترعش لدرجة إني مكنتش عارفة أقرا المكتوب. دكتور عادل المنشاوي.. استشاري جراحة. المعقول إن الراجل اللي عايشة معاه سنتين، اللي شاركني أكلي ونومي وحكاياتي، يكون مېت في ورق الحكومة؟ والأخطر من كدة.. يكون هو اللي أخفى مراته الأولى؟
وصلت القسم، دخلت وأنا مڼهارة، طلبت أقابل المأمور. حكيت له كل حاجة، من أول شكوك في البيت لحد كلام الدكتور. الظابط بص لي بنظرة فيها شك وقالي يا مدام الكلام ده خطېر، إنتي واعية بتقولي إيه؟ ياسين الصاوي ده راجل أعمال معروف في منطقته.
قلت له بصړيخ يا فندم اسألوا عن قضية حريقة المنصورة من 3 سنين، اسألوا عن الچثة اللي اتفحمت وكانت باسم محمود عمران.
الظابط رفع سماعة التليفون، وعمل كذا مكالمة. ملامح وشه بدأت تتغير، السخرية اللي كانت في عينيه اتحولت لاهتمام مرعب. بص لي وقال فعلاً.. فيه محضر اتقفل ضد مجهول بالأسماء دي، والچثة اتدفنت على إنها صاحب الشقة.
وفجأة، موبايلي رن.
كان ياسين.
الظابط شاور لي أرد وأفتح الاسبيكر. فتحت الخط وأنا حابسة نفسي.
صوت ياسين كان هادي زيادة عن اللزوم، هدوء يخلي شعر جسمك يقف.. قال لي
خرجتي من باب العيادة الجانبي ليه يا حبيبتي؟ الدكتور عادل راجل عجوز وخرف، كان بيحكيلك قصص خيالية أكيد.. أنا مستنيكي في البيت، وعامل لك مفاجأة.. مفاجأة مكنتيش تتخيليها أبداً.
الظابط شاور لي أقفل السكة فوراً. وقبل ما أنطق بكلمة، دخل عسكري المكتب وقال بخضة
يا فندم.. فيه بلاغ لسه واصل حالا.. عيادة الدكتور عادل في مصر الجديدة ولعت، والدكتور لسه جوه!
الدنيا اسودت في عيني.. ياسين مش بس نصاب، ده شيطان وبدأ يمسح كل اللي يعرفوا حقيقته.. والدور الجاي عليا!
الظابط قام وقف ونادى على القوة بتاعته جهزوا عربيتين بوكس حالاً، هنطلع على عنوان البيت!
أنا كنت بتهز كلي، فكرة إن الدكتور