رد الجميل كاملة بقلم مني السيد

مأكد إنها متتفتحش إلا بعد الچنازة ما تخلص.
بصيت لمنى وبصت لي، مكنش في كلام يتقال. كمل المحامي كلامه وصدمنا أكتر
حماك كان يملك أكتر بكتير مما كان بيظهر للناس.. كان عنده مكافأة نهاية خدمة كبيرة من الجيش، وحساب تراكمي للمعاش، والأهم من ده كله، أرض في أطراف الجيزة، قيمتها زادت أضعاف مضاعفة في ال 15 سنة الأخيرة بعد ما دخلت كردون المباني.
كنت عايز أضحك من الصدمة.. أرض؟ حسابات؟ مبالغ؟
ده نفس الراجل اللي كان بيلبس نفس البلوفر المبهوق كل شتا، وبيعد ورقات الشاي بالواحدة، وعمره ما عرض يدفع حتى وصل نور!
المحامي شاور على فقرة في الوصية وقرأ
بناءً على رغبته الأخيرة، الأملاك تتقسم
كالتالي 60 لبنته منى، 20 في صندوق لتعليم أحفاده، وال 20 الباقيين يتحولوا مباشرة لاسمه جوز بنته، الأستاذ هاني.
زوري اتخنق بالكلمات.. قلت بتلقائية لا.. أكيد في غلط.
رد المحامي بحنية مفيش غلط يا أستاذ هاني.
قلت له بس ده.. ده مكنش بيكلمني أصلاً! متوفرة على روايات و اقتباسات
المحامي بص لي وقال جملة وجعتني أوي بس هو كان بيكلمني عنك كتير.
الجملة دي هزتني من جوايا.. 20 سنة وأنا فاكره مستحملني عشان خاطر بنته، مكنش بيننا ود بالكلام، مكنش من النوع اللي يطبطب عليا ولا يحكي لي قصص بطولاته.. كان في حاله. يسألني بس الرز خلص؟ أو السقف لسه بينقط؟.. مكنتش أعرف إن عينه كانت عليا طول الوقت.
المحامي فتح الملف التاني وده سجل التحويلات الشهرية من معاشه.
استغربت تحويلات إيه؟
قال لي الحاج عبد العزيز كان بيحول جزء ثابت من معاشه لدفتر توفير باسمك وباسم مراتك، بس بنظام الوقف اللي ميتصرفش إلا بعد ۏفاته. قالي نصاً أنا عايش في بيت بنتي وجوزها، ويوم ما أمشي، لازم كل مليم استهلكته يرجع لهم بالمعروف.
إيدي بدأت ترعش وأنا بقلب في السجل.. سنين وسنين، والقرش على القرش، والفوائد بتكبر.. الحساب فيه مبلغ عمري ما حلمت أشوفه.
منى حطت إيدها على بؤها وبدأت ټعيط.. مكنتش قادرة تنطق.
والمحامي طلع الجواب الأخير.. وده ليك يا أستاذ هاني.
خدت الجواب بصعوبة، وفتحته وإيدي بتترعش.. كان خطه تقيل ومنظم
يا هاني.. لو بتقرأ الكلام ده، يبقى أنا سبت بيتك للمرة الأخيرة. أنا بقول بيتك، لأنك أنت اللي بنيته وصنته وشيلت كل اللي فيه، وأنا منهم.
عارف إنك مكنتش مبسوط بوجودي ساعات، ومتقلقش، أنا كنت حاسس بيك أكتر ما تتخيل. كنت بشوف وشك المجهد وأنت راجع وشايفني شربت آخر بؤ شاي في البيت. كنت بشوفك وأنت بتعد الفلوس مرتين قبل ما تدفع مصاريف العيال، وبشوفك وأنت طالع السقف في المطر عشان تصلحه بنفسك عشان توفر قرشين متوفرة على روايات و اقتباسات
يمكن تسأل ليه مكنتش بدفع؟ الحقيقة إني اتعلمت درس قاسې زمان لما وثقت في ناس غلط، وعرفت إن الفلوس اللي بتدفع