الضړبة والقناع كاملة حكايات مني السيد

جوزي ضړبني بالقلم قدام مراته الجديدة.. ضرتي.
وبعدها بكل جحود قالي اركعي على ركبك، واعترفي إنك حرامية، واطلعي بره بيتي قبل ما أطلب لك البوليس.
أكبر غلطة عملها شريف في حياته؟ إنه افتكر إن العز اللي هو فيه ده بسببه هو، ونسي إن البيت ده والشركة دي، مكنوش هيتفتحوا لولا شقا عمري أنا.. لولا دهب شبكتي اللي بعته عشان يفتح أول مكتب، ولولا ليالي السهر والتعب اللي قضيتها جنبه وهو على الحديدة.
حكايات مني السيد
صوت القلم سمع في الصالة كلها. ثانية واحدة كنت واقفة مذهولة والدم نازل من إيدي بسبب كوباية مکسورة.. والثانية اللي بعدها وشي كان لافف الناحية تانية، وخدّي بيولع ڼار.
شريف كان واقف قدامي وعينه فيها جبروت، وجنبه كانت داليا.. العروسة اللي لسه مدخلها البيت عليا مكملتش شهر. كانت واقفة وبتمثل إنها مړعوپة، وهي اللي حطت العقد في شنطتي عشان تخلص مني وتخليني أخرج بڤضيحة.
حماتي، الحاجة فوزية، كانت ماسكة علبة المجوهرات الفاضية وبصت لي باحتقار
العقد ده ألماظ حر.. باين إن أصلك فضل غالب عليكي يا مريم، ومديتي إيدك على حاجة مش بتاعتك.. اهي دي آخرة جواز الندامة لما أخدناه من بيئة ميعرفوش الألماظ.
بصيت لها بقهره وقلت
أنا يا طنط؟ ده أنا اللي كنت بغسل لك هدومك بإيدي لما كنتي مريضة وشريف لسه بيبدأ.. ده أنا اللي بعت ورثي من أمي عشان أسد إيجار بيتكم اللي كان هيتحجز عليه!
هنا شريف ضړبني تاني.. المرة دي عشان يسكتني ويداري أصله قدام العروسة الجديدة.
إياكي تنطقي بكلمة! إحنا اللي عملنا لك قيمة.. سكنتك في فيلا وركبتك عربيات مكنتيش تحلمي بيهم.. ودي آخرة المعروف؟ تسرقينا؟
لمست خدي ببرود. الۏجع مكنش من القلم، الۏجع كان من الندالة.
داليا ضرتي قربت منه وقالت بصوت ناعم ومستفز
يا حبيبي، اللي زي دي مكانها مش هنا.. أنا قلت لك يا شريف إن في ناس مهما نضفوا، بيفضل طبعهم غلاب.. دي تربية شوارع.
أربع سنين وأنا الزوجة الأصيلة اللي شالت معاه الفقر قبل الغنى.
أنا اللي كنت بداري عليه في عز ما كان مديون.. أنا اللي كنت بوفّر في اللقمة عشان هو يظهر قدام الناس شريف بيه.. أنا اللي كنت بستحمل إهانة أمه عشان المركب تمشي.
كنت ساكتة وبقول ده جوزي ولازم أصونه، لدرجة إنه صدق إنه عبقري وبدأ يتكبر عليّا لحد ما جاب لي داليا في بيتي اللي أنا اللي بنيت طوبة طوبة فيه بعرقي. متوفرة على روايات و اقتباسات.. في الليلة دي، قلبي ماټ.
أخدت شنطتي ومشيت ناحية الباب بهدوء يخوّف.
شريف ضحك بتحدي
رايحة فين؟ مفيش خروج من هنا غير لما تعتذري وتبوسي إيد أمي وإيد داليا وتسيبي كل حاجة لبستيها هنا.. اطلعي زي ما جيتي.
وقفت عند الباب وقلت له بمنتهى الثبات
بكرة يا شريف.. بكرة الصبح، إنت اللي هتدور