رواية كامله

الجروب قدام القريب والغريب؟
رديت عليها بمنتهى الهدوء أسرارنا؟ هو إنتي مش لسه قايلة إن مراتي وولادي مش من العيلة؟ يبقى مفيش أسرار بيني وبينك يا ست الكل. والفلوس اللي وجعاكي دي، أنا دفعتلك قسطين قبل كده من جيبي عشان العيلة، بس من اللحظة دي، خدي قرشك في جيبك ودبري حالك مع البنك.. أنا بلغتهم إني بسحب ضمانتي.
بدأت ټعيط وتتوسل، وتدخل أمي في الخط وهي بتنهج وتقول يا ابني دي عمتك الكبيرة، متبقاش قاسې كده، هي غلت وشيطانها شطرها، والناس هتاكل وشنا.
قلت لأمي بوضوح يا أمي، اللي يكسر خاطر عيالي ويصغر مراتي قدام الناس، ملوش عندي خاطر. هي اختارت إن الفلوس هي اللي بتحدد مين العيلة ومين لأ، وأنا وافقتها على منطقها ووريتها إن الفلوس اللي بتتباهى بيها دي أنا اللي ساندها.
قفلت السكة، وعملت بلوك مؤقت لكل اللي بيحاول يضغط عليا.
بصيت ل ياسين وسلمى في المراية، لقيت ملامحهم هديت وبدأوا يبتسموا لما حسوا إن باباهم جاب لهم حقهم ومسمحش لحد يدوس عليهم. هناء مسكت إيدي وقالتلي مكنتش محتاج تعمل كل ده، أنا كفاية عليا إنك وقفت جنبي وصدقني كنت هعديها.
قلتلها إنتي والعيال العيلة الحقيقية، والرسول ﷺ وصى بالنساء خيرًا، وأنا مش هسمح لحد يهينك ونقعد نتفرج.
بعدها بساعتين، جروب العيلة بقى ساحة حرب، ناس بتلومها وناس خاېفة من رد فعلي، وهي بعتت رسالة أخيرة بتمسكن فيها أنا كنت بهزر، والعيال ولادي، وأنا شلتلهم العيدية أهم 200 جنيه لكل واحد.
رديت بكلمة واحدة وفري عديتك لأول قسط في البنك.. عشان الونش جاي في الطريق.
من يومها، مفيش مخلوق في العيلة قدر يفتح بقه بكلمة نص كم قدام هناء، وعرفوا إن الغريب الوحيد في البيت هو اللي مبيعرفش يحترم غيره. والعربية؟ سحبها البنك فعلاً بعد كام يوم لأنها معرفتش تتصرف، وبقت عمتي كريمة كل ما تركب مواصلات، تفتكر إن كسر الخواطر تمنه غالي قوي، وإن اللي يبيع عيلته عشان الفلوس، الفلوس هي أول حاجة بتبيعه.
الموضوع مقفش عند كدة، البيت كله اتقلب. عمتي كريمة بدل ما تعتذر، بدأت تبعت رسايل صوتية لمراتي هناء وتقولها يا بومة، خربتي البيت وفرقتي الأخوات، إنتي إيه ماب تشبعيش؟ عايزة تاخدي ابني وتوقعي بينه وبين أهله عشان شوية ورق؟
هنا بقى مبردتش عليها. أخدت الموبايل منها وبعتت رسايل صوتية لكل العيلة يا جماعة، اللي بيحبنا يخلي كلمته طيبة، واللي شايف إننا مش من العيلة ينسى رقمي. وعمتي كريمة، العربية هتتسحب الصبح، ولو حد فكر يتدخل ويدفع لها، ياريت يكمل جميله ويضمنها هو، لأن اسمي هينشال من الأوراق النهاردة.
ابن عمتي خالد حاول يكلمني ويقولي يا هشام عيب، دي مهما كان لحمك ودمك.
قلت له ولادي دول إيه؟ بلاستيك؟ مراتي اللي شالت أبوك وأبويا في مرضهم
دي إيه؟ لو إنتوا شايفين إن إهانة كرامتنا عادي، يبقى إحنا منشرفكوش.
بعد أسبوع بالظبط
العربية اتسحبت فعلاً. والبنك مفاصلش معاها لأنها أصلاً كانت متأخرة في الأقساط وأنا اللي كنت بغطي عليها من سكات. عمتي بقت بتمشي في الشارع تحكي للناس إني ابن عاق، بس الغريبة إن محدش بقا يصدقها، لأن الكل عارف هناء وعارف أصلها.
أمي في البداية كانت زعلانة، بس لما شافت ياسين وهو بيقولها يا تيتة أنا مش عايز فلوس، أنا بس كنت عايز عمتو تحبني زي مروان، أمي بكت وعرفت إن الحق معايا.
الخلاصة
العيد اللي فات كان أول عيد نقضيه في بيتنا، هدوء وراحة بال. مفيش حد بيقيمنا بالفلوس ولا حد بيقسمنا عيلة و أغراب. عمتي كريمة دلوقتي بتركب الميكروباص، وكل ما تدفع الأجرة تفتكر إن ال 1000 جنيه اللي استخسرتها في ولادي، كلفتها عربية ب 800 ألف جنيه.
الدنيا سلف ودين، واللي يستر الناس ربنا يستره، واللي يفضح ويجرح، ربنا بيردله الچرح في أعز ما يملك. والحمد لله، هناء دلوقتي هي الكل في الكل في نظر الكل، وعرفت إن وراها راجل مبيسمحش ل هوا يضايقها.