زعيم الماقيا

زعيم الماڤيا لمح إيد الخدامة مکسورة وهي بتقدم الفطار.. وعلى الفجر، اللي لمسوا شعرة منها عرفوا إنها مش لوحدها في الدنيا!
أول غلطة عملتها إلينا هي إنها افتكرت إن الۏجع ممكن يستخبى لو الواحد فضل ساكت ومكفي على خبره.
تاني غلطة كانت إنها صدقت إن منصور السيوفي مش بياخد باله من الحاجات الساكتة.
الساعة كانت ٧٠٣ الصبح في يوم تلات كئيب. كانت واقفة في مطبخ البنتهاوس بتاعه، ماسكة براد القهوة الفضة بإيدها اليمين، بينما معصم إيدها الشمال كان پيصرخ من الۏجع تحت كُم اليونيفورم. الۏجع كان حاد لدرجة إنه كأنه ليه سنان وبياكل في عضمها، طالع لحد كتفها ومزغلل عينيها وهي بتبص لرخام المطبخ.
من ٤ أيام، فيه تلات رجالة ثبتوها في مدق ورا بيتها.. اتنين كتفوها والتالت لوى إيدها لحد ما سمعت صوت طرقعة العضم وهو بيتكسر جوه جلدها.
قولي لأخوكي، الراجل همس في ودنها وريحة نفسه سجاير قرفة، إن ڤولكوف صبره خلص.
إلينا مصوتتش غير لما مشوا.
مش لأنها شجاعة، لأ.. بس لأنها عارفة إن الصړيخ بيلم ناس، والناس بتسأل، والأسئلة بتجيب شرطة، والشرطة بتعمل محاضر، والمحاضر هتوصل ل ياسين أخوها الصغير، اللي استلف فلوس من ناس مابتعرفش يعني إيه سماح ولا ظروف.
لفّت إيدها بنفسها. شاش الأول، وبعدين طرحة قديمة، وبعدين كُم اليونيفورم الطويل وقفلته بالزراير قوي عشان يداري الورم.
لمدة ٤ أيام، كانت بتمسح قزاز، بتلمع رخام، بتغير ملايات مفيش حد نام عليها، وبتحضر قهوة لأكتر راجل الناس پتخاف منه في مصر كلها، وهي بتمثل إن عضمها مش بيتفتت جوه جلدها.
كانت خلاص قربت تنجح في التمثيلية.. لحد ما منصور السيوفي دخل المطبخ.
إيدك بترعش.
صوته مكنش عالي، مكنش محتاج يعلي صوته أصلاً. صوته كان واطي، هادي، ورزين زيادة عن اللزوم لدرجة تخوف.
إلينا اتخشبت مكانها والبراد لسه ميل فوق الفنجان. القهوة السودة دلقت بره ومالت الرخام الأبيض الإيطالي كأنها بقعة ډم في مية.
حطت البراد براحة أنا آسفة يا منصور بيه، منمتش كويس بس.
منصور كان واقف عند الباب، لابس قميص أسود ومشمّر كمامه لحد كوعه. مكنش ضخم ب العافية زي الحارس بتاعه، بس المكان كله كان بيتغير أول ما يدخل. الناس كانت بتسميه عزرائيل.
مش لأنه بېقتل كل اللي يقف في طريقه، هو مش محتاج يعمل كدة.. هو بس بياخد قرار، والعالم كله بيعيد ترتيب نفسه حوالين القرار ده.
عينيه السودة اتنقلت من القهوة المدلوقة لوش إلينا، وبعدين نزلت لدراعها اللي كانت مخبياه ب فطرة ورا ضهرها.
بقالك ٦ شهور شغالة هنا، قال ببرود، عمرك ما دلقتي حاجة.
هنضفها حالا.
أنا مأسألتش عن القهوة.
زور إلينا اتقفل.
قرب منها بخطوات بطيئة ومدروسة. ريحة برفيومه الغالي ملقت المكان. كانت بتحاول تثبت نَفَسها لأن الخۏف بيخلي الواحد يغلط، والغلط بيخلي الواحد يتشاف.
وأنك تتشاف في عالم منصور السيوفي.. ده