قهوة الاڼتقام حكايات صافي هاني

حاجة تانية خالص والمقلب بوظها عليه؟
فتحت باب الشقة بالراحة، وكنت متوقعة أسمعه لسه بيأنّ في الحمام أو نايم من التعب، بس البيت كان هس.. سكوت تام.
دخلت الصالة، لقيت الأنوار كلها مطفية، وفيه ريحة غريبة في الجو.. مش ريحة البرفان بتاعه، لا، ريحة ورد بلدي!
مشيت كام خطوة، وفجأة النور اتفتح..
لقيت جوزي واقف قدامي، وشه كان لسه شاحب شوية من أثر القهوة، بس كان لابس قميص جديد وفارد ظهره بالعافية.
الأرض كانت مفروشة ورد، وفيه علبة شيك جداً محطوطة على السفرة.
بصلي وهو بيحاول يبتسم رغم التعب وقال
اتأخرتي ليه؟ كنت خاېف المسهل.. أقصد المغص يخليني أضيع اللحظة دي.
أنا اتسمرت مكاني لحظة إيه؟
فتح العلبة، وطلع منها عقد دهب رقيق جداً، وجنبه ورقة مكتوب عليها بمناسبة مرور 10 سنين على أول يوم شفنا فيه بعض.. كنت عايز المفاجأة تبقى بره البيت في المطعم اللي بنحبه، والرسالة اللي شفتيها كانت من محل الورد والدهب عشان يأكدوا الميعاد.. بس واضح إن القهوة كان ليها رأي تاني!
أنا في اللحظة دي كنت عايزة الأرض تنشق وتبلعني.
الراجل كان بيخطط لمفاجأة رومانسية، وأنا كنت فاكراه بيخطط لهروب!
بصيت له بخجل وقلتله أنا.. أنا كنت فاكرة إنك..
قاطعني وهو بيضحك وواضح إنه لسه مضغوط شوية
كنتي فاكرة إيه؟ إن قميصي المكوي وبرفاني الغالي عشان حد غيرك؟ أنا ماليش غيرك يا ستي.. بس قوليلي بصراحة، إيه اللي كان في القهوة؟ أنا شفت المۏت بعيني!
ضحكت بدموع وقلتله دي كانت قهوة بالحب.. بس تقيلة شوية.
قال طب بمناسبة الحب ده، ممكن تأجلي الخروجة بتاعتك مع مامتك، وتطلبي لنا اتنين زبادي عشان بطني اللي باظت دي؟
يومها اتعلمت درس عمري إن سوء الظن ممكن يقلب العيد لمناحة.. بس الحمد لله، المقلب عدى على خير، وبقى نكتة بنحكيها كل ما نشم ريحة قهوة!
بعد ما أكل الزبادي وهدي شوية، بصلي بصه غريبة وقال لي بس عارفة يا صافي، رغم التعب اللي شفته، أنا فرحان.
سألته وأنا مكسوفة من نفسي فرحان على إيه بس؟ ده أنا بهدلتك!
ضحك وقال فرحان إنك لسه بتغيري عليا وپتموتي فيا كدة،
لدرجة إنك كنتي عايزة تحبسيني في البيت بأي طريقة.. بس قوليلي، عرفتي منين موضوع الساعة 10؟
قلتله بلهجة مصرية تائهة شفت الرسالة اللي جاتلك على الموبايل، وكلمة السرية دي قلقتني جداً.
هز رأسه وهو بيضحك يا بنتي ما هو المحل كان عايز يبعت الورد والهدية على المطعم من غير ما تعرفي عشان تبقى مفاجأة كاملة، فكان لازم ينسق معايا في السر.. بس إنتي ما شاء الله عليكي، المخابرات عندك صاحية!
قعدنا نضحك سوا، وفجأة قال لي بقولك إيه، الهدية أهي، والورد أهو، والزبادي واكلناه.. ما تيجي نفتح اللابتوب ونتفرج على فيلم هادي، وأوعدك مش هشرب قهوة من إيدك لمدة أسبوع على الأقل!
قضينا الليلة بنضحك