خېانة صديقه حكايات صافي هاني

حسيت إني قادرة أتنفس بجد. شريف وولاء وأمي خسِروا كل حاجة.. الفلوس، والستر، والمستقبل. وأنا؟ أنا خسړت ناس رخاص، وكسبت نفسي وحريتي.. ودي كانت أحسن هدية قدمتها لنفسي ولعيلتهم المثالية.
بعد ما ولاء خرجت من الشقة وهي بتجر أذيال الخيبة والدموع مغرقة وشها، قعدت على الكنبة في الصالة الفاضية. المكان كان هسسس، مافيش فيه غير صوت نفسي اللي بدأ يرجع لطبيعته. بصيت حواليا للشقة اللي اتبنت من شقايا وتعب السنين، وحسيت بنصر ملوش طعم فرحة، هو كان أقرب لإحساس ب النضافة. أنا نظفت حياتي من قذارة كنت عايشة فيها وأنا مغمية عيني.
تاني يوم، بدأت المعركة القانونية بجد. شريف حاول يبعت لي ناس من قرايبه، وأعمامه، وحتى ناس من طرف أمي، كلهم بيكلموني بنبرة الاستعطاف والمصاطب يا بنتي ا ستري عليه، الستر جميل.. الراجل برضه غلط وغلطة الشاطر بألف، بلاش تحبسيه وتخربي مستقبله.. والبيبي اللي ملوش ذنب ده ذنبه في رقبتك!.
كنت برد عليهم بكلمة واحدة وبمنتهى البرود هو وهو بيزور إمضتي وبيسرق شقايا، مافكرش في مستقبله ليه؟ وهو بيبني سرير لابنه بفلوسي، مافكرش في ذنب ابنه ليه؟ القانون هياخد مجراه.
لبنى صاحبتي كانت زي المايسترو في المحكمة. قضية التزوير والاختلاس كانت مقفولة ومضمونة 100، وشريف لبس الحكم 5 سنين سجن مشدد مع الشغل والنفاذ، وغرامة مالية تعوضني عن كل قرش أخده من ورايا. لما القاضي نطق بالحكم، شريف انهار في قفص الاتهام، وبص لي وعيونه مليانة غل وخوف، صړخ وهو بيتحرك مع العساكر مش هسيبك يا منة! هطلع وهوريكي!. أنا حتى ما رمشتش، فضلت باصة له بثبات لحد ما اختفى ورا الباب الحديد.
أما أمي.. فجت لي لحد مكتب لورين وهي بټعيط وتلطم، مش عشاني طبعاً، ولا عشان الخېانة اللي حصلت لي، لكن عشان الڤضيحة اللي بقت على كل لسان في العيلة والمنطقة. بقى ده عملتيه فينا يا منة؟ فضحتيني وخليتي راسي في الأرض قدام الغريب والقريب؟ تبيعي أمك وتدخلي جوزك السچن عشان شوية فلوس؟.
بصيت لها وقلت لها وأنا بقوم من مكاني أنا مابعتش حد يا أمي، أنتم اللي بعتوني ولقيتوني في سوق الرخص.. بعتوني لشخص خانّي مع صاحبتي، وباركتي الخېانة وجاية دلوقتي ټعيطي على الڤضيحة؟ الڤضيحة أنتِ اللي عملتيها لنفسك لما وافقتي على الحړام. من النهاردة، أنا ماليش أم.. شوفي ولاء تصرف عليكي منين، عشان أنا خلاص.. حنفية الفلوس اتقفلت. سبتها واقفة في مكانها بټعيط، وخرجت من المكتب وأنا مش ندمانة على حرف واحد قلته.
ولاء أخدت ابنها ورجعت لبيت أهلها مکسورة، مطرودة من الشقة، وسمعتها في الأرض بعد ما كل الناس عرفت إنها خطفت جوز صاحبتها الأنتيم وحملت منه في الحړام وزورت معاها عقود شقة. شريف اللي كانت مستنياه يطلقني ويتجوزها ويبقى عيلتها المثالية بقى ورا القضبان، ومبقاش حيلته مليم واحد، والترقية اللي كانت مستنياها طارت مع قضية الأموال العامة.
بعد كام شهر، بعت شقة التجمع دي.. ماكنتش عايزة أي حاجة تفكرني بالماضي. أخدت الفلوس وسافرت.. قررت أبدأ حياتي من جديد في مكان ماحدش يعرفني فيه.
أنا خسړت 6 سنين من عمري، وخسړت أم وصاحبة وجوز.. بس المقابل كان غالي أوي؛ كسبت كرامتي، وحريتي، وعرفتك قيمتي بجد. وبقيت على يقين إن الۏجع اللي مابيموتش، بيبني إنسان جديد.. أقوى، وأذكى، ومابيرحمش اللي ييجي عليه.
بعد سنة كاملة من اليوم ده، كنت قاعدة في كافيه على النيل، الجو كان ربيع والشمس دافية. مسكت فنجان القهوة وبصيت على تليفوني..

كانت لورين بعتالي رسالة فيها كلمة واحدة تم.
الصيغة النهائية للحكم بالطلاق، مع شهادة رسمية من المحكمة بتسجيل الشقة باسمي بالكامل بعد ما المزاد العلني رسا عليا بقيمة التعويضات. شريف قضى أول سنة ليه في السچن، وعرفت من لورين إن حالته هناك تصعب على الكافر؛ خسر وظيفته، وسمعته، وحتى أهله اتبروا منه بعد الڤضيحة والأموال العامة اللي حجزت على كل ما يملك عشان تسديد ديون الشركة.
أما ولاء، فالحياة دارت بيها دورة كاملة ومرحمتهاش. بعد ما طردتها من الشقة، أخدت ابنها ورجعت لبيت أهلها، بس أهلها استحملوها شهرين تلاتة وبقوا يعاملوها زي الخدامة، والناس في المنطقة مابيرحموش.. نظرات ووشوشة في الرايحة والجاية عن الست اللي خانت صاحبتها الأنتيم وسجنت جوزها. اضطرت تنزل تشتغل عاملة بسيطة في حضانة عشان تصرف على ابنها اللي شريف سابهوله ذنب برقبتها، والقرشين اللي كانت بتطمع فيهم من ورايا طاروا في الهوا.
وفي يوم، وأنا خارجة من السوبر ماركت، لقيت رقم غريب بيتصل بيا. رديت، وسمعت صوت مكسور، عجوز، وبيت.. كانت أمي.
صوتها كان بيرتعش وهي بتقول منة.. أنا تعبانة يا بنتي، ومحتاجة علاج.. ولاء مفيش معاها مليم، وأنتِ خيرك كتير.. سامحيني يا بنتي، الأم ملهاش غير بنتها.
قلبي مدقش ولا دقة زيادة. الإحساس بالذنب أو الشفقة كان اتمسح تماماً وجِه مكانه برود زي التلج. قلت لها بكل هدوء أنا ماليش أم يا حاجّة.. أمي ماټت يوم ما وقفت في أوضة المستشفى وباركت لخيانتي وقالت عليا باردة وما بتجيبش عيال. روحي لولاء وابنها.. مش دول اللي كنتِ شايفة إنهم يستاهلوا الفرحة؟ خليهم يفرحوا بيكي دلوقتي. وقبل ما تسمع كلمتي الأخيرة، قفلت السكة وعملت للرقم بلوك.
نزلت نضارتي الشمسية، وركبت عربيتي
الجديدة اللي اشتريتها من حر مالي، ودورتها.
بصيت لوشي في المراية.. الملامح الباهتة السرحانة بتاعة زمان اختفت. عيوني بقى فيها لمعة قوة، ووشي مرسوم عليه راحة بال حقيقية.
أنا مابقتش منة الضحېة، ولا الزوجة المغفلة، ولا البنت اللي بتشتري رضا أهلها بفلوسها. أنا بقيت ست جديدة، اتولدت من قلب الغدر والخېانة، ست عرفت تاخد حقها بالقانون وبالأصول، ودمّرت كل اللي فكروا إن طيبتها قلة حيلة.
طلعت بالعربية على الطريق السريع، وأنا مش حاطة في دماغي غير حاجة واحدة بس مستقبلي وحياتي الجديدة اللي بتبدأ حالا.. ونظيفة تماماً.