رواية كامله

عايشاه معاه. كل كلمة قالها عن إنها مملة وإنه مستعد يبيع الدنيا عشان ساندي كانت لسه بتتردد في الهوا وبتدبح فيها.
ساد الصمت لثواني، صمت مرعب، لحد ما هو بلع ريقه بالعافية وقام وقف، وبصوت مخڼوق ومردد قال سلوى؟! إنتِ.. إنتِ هنا من إمتى؟!
الكاتبه_امانى_سيد
اتسمرت سلوى مكانها، وشفايفها كانت بتترعش بشكل موجع، كأنها بتحاول تتكلم بس الكلمات خانتها.
أما ابني فكان واقف قدامها كأنه اتعرّى فجأة.
كل القوة والاندفاع اللي كان بيتكلم بيهم من شوية اختفوا. ومبقاش غير راجل مرتبك خاېف من اللحظة اللي كان فاكر إنها بعيدة.
أنا قلبي اتقبض عليها. البنت دي دخلت بيتنا وهي صغيرة، وشفت بعيني قد إيه استحملت معاه.
فاكرة يوم ما اتفصل من شغله وقعد سبع شهور من غير مرتب؟ كانت بتنزل تدّي دروس للأطفال في البيت عشان المصاريف تمشي، وتضحك قدامه كأن الدنيا بخير.
فاكرة لما تعب ودخل المستشفى؟ باتت على الكرسي جمبه أسبوع كامل.
وفاكرة أكتر إنه عمره ما كان يشوف كل ده.
الست اللي بتدي بهدوء الناس بتتعود عليها لحد ما يفتكروا إن وجودها واجب.
سلوى أخيرًا نزلت إيدها من على بقها، وبصت له بنظرة كسرتني أنا شخصيًا.
وقالت بصوت واطي جدًا يعني أنا بقيت مكنة؟
ابني فتح بقه بسرعة لا يا سلوى افهميني الموضوع مش كده.
ضحكت ضحكة صغيرة بس كانت مليانة ۏجع.
أومال إيه؟ أنا اللي شيلت البيت لما كنت بتقبض ألفين جنيه؟ أنا اللي كنت ببيع دهبي عشان نسدد الإيجار؟ أنا اللي كنت بصحى الفجر أجهزلك أكلك وشكلك وأقول للناس جوزي أحسن راجل في الدنيا؟
كل كلمة كانت بتنزل عليه زي الحجر.
وهو بدأ يتوتر أكتر أنا مقدّر كل ده والله بس القلب مش بإيد الإنسان.
هنا لأول مرة صوتها علي.
والوفا؟ بإيد مين؟!
الصالة كلها سكتت.
حتى أنا معرفتش أتكلم.
هي كملت وعينيها مليانة دموع إنت فاكر إن الحب بس ضحك وخروج وكلام حلو؟ فاكر الست اللي شيفها مملة دي كانت إمتى آخر مرة نامت مرتاحة؟ إمتى آخر مرة حد سألها هي نفسها في إيه؟
هو حاول يقرب منها سلوى
لكنها رجعت خطوة لورا فورًا، وكأن قربه بقى يوجعها.
وبعدين قالت الجملة اللي قلبت الدنيا
أنا حامل.
أنا شهقت بصوت عالي بدون ما أحس.
أما هو فوشه اتسحب منه الډم تمامًا.
إيه؟!
سلوى مسحت دموعها پعنف وقالت كنت جاية أقولك النهارده وكنت فرحانة. لأول مرة من شهور حسيت إن ربنا هيصلح ما بينا.
قعد ابني على الكنبة فجأة كأن رجليه شالوا منه.
حط إيده
على راسه وهو بيهمس يا نهار أبيض
لكن الصدمة الأكبر لسه ما جاتش.
سلوى بصت ناحيتي أنا المرة دي، وقالت بصوت مكسور ماما أنا كنت عارفة.
أنا اتجمدت.
عارفة إيه؟
قالت وهي باصة عليه موضوع ساندي.
رفع رأسه بسرعة وبص لها پصدمة.
هي كملت من تلات شهور تقريبًا. حسيت إنه اتغير، موبايله مبقاش بيفارق إيده، يبتسم لوحده، ينزل الشغل حتى في الإجازات