جوزي وقف في نص المطبخ

بتلحق العزومة قبل ما عيلة جوزها توصل.
النهاردة
مفيش غير صوت مسلسل شغال بهدوء من التلفزيون، ومروة قاعدة على الكنبة ب البيجامة القطيفة، حاطة ماسك على وشها، وفي حضنها طبق فشار كبير.
الساعة دقت سبعة.
جرس الباب رن.
ابتسمت وهي سامعة صوت حماتها من برة افتح يا شريف اللحمة هتبرد!
شريف كان واقف في المطبخ ب الړعب، فاتح التلاجة للمرة العاشرة كأنه مستني الأكل يظهر ب السحر.
لكن كل اللي لاقاه
علب شفافة عليها لزق بمبي.
جبنة مروة.
فراخ مروة.
عصير مروة.
حتى الليمون ملكية خاصة.
لف ناحية الصالة مروة الناس وصلت.
ردت من غير ما تبص له ما تفتح يا حبيبي دي عيلتك.
فتح الباب.
الحاجة عايدة دخلت ب هيبتها المعتادة، ووراها حسام ومراته والعيال، وكل واحد شايل علبة فاضية مستني تتعبي.
أول ما دخلت الصالة بصت حواليها باستغراب إيه ده؟ فين السفرة؟
مروة رفعت عينها بهدوء أي سفرة؟
عايدة ضحكت الضحكة السمجة بتاعتها بلاش هزار يا مروة المحشي فين؟
مروة أخدت حباية فشار ب برود ما عملتش.
الصالة كلها سكتت.
حسام بربش يعني إيه ما عملتيش؟
مروة ابتسمت يعني ما طبختش.
شريف قرب منها ب صوت واطي محرج مروة بلاش الحركة دي دلوقتي.
رفعت الريموت ووطت صوت التلفزيون حركة إيه؟ إحنا متفقين إن كل واحد مسؤول عن نفسه مادياً صح؟
عايدة اتنفضت وإحنا مالنا؟
مروة بصتلها ب منتهى الأدب حضرتك ضيوف شريف وشريف مستقل مادياً عني.
وش شريف بدأ يحمر.
حسام ضحك ب توتر طب هنهزر شوية وخلاص الأكل جاهز فين؟
مروة قامت ب هدوء.
كلهم افتكروا إنها أخيرًا هتروح تجيب الأكل.
لكنها دخلت المطبخ ورجعت شايلة فايل.
وحطته قدام شريف على الترابيزة.
بما إننا فتحنا موضوع الذمة المالية فدي فاتورة بسيطة.
شريف فتح الفايل واتجمد.
جداول.
أرقام.
فواتير.
تفاصيل سنة كاملة.
مصاريف عزومات السبت.
لحمة.
فراخ.
بط.
حلويات.
طلبات خاصة ل حماته.
هدايا لعيال أخوه.
حتى علب الأكل اللي كانت حماته بتاخدها بيتها متسجلة.
وفي آخر الصفحة
الإجمالي.
٩٣،٤٥٠ جنيه.
حسام شهق إيه ده كله؟!
مروة عقدت إيديها ده اللي دفعته من مرتبي لعيلتكم في سنة واحدة بس.
عايدة اتوترت هو إحنا كنا بنسرقك يا بنتي؟!
مروة ردت بسرعة لأ طبعًا ما أنتم اللي قولتوا كل واحد يشيل نفسه.
شريف رزع الفايل أنتِ مكبرة الموضوع!
مروة بصت له أخيرًا.
والابتسامة راحت من وشها.
مكبرة؟
وقفت.
ومشت ناحية المطبخ.
ورجعت ب ٣ أكياس سوبر ماركت.
رمتهم قدامه.
دي فاتورة البيت الشهر اللي فات.
فتح الكيس الأول.
كهربا.
غاز.
إنترنت.
طلبات البيت.
الكيس التاني.
فواتير علاج أمه.
الكيس التالت.
هدايا عيال أخوه ومصاريف مدارسهم اللي كان بيتكسف يدفعها.
مروة قالت بهدوء قاټل طول السنين اللي فاتت كنت فاكرة إننا شُركا لكن واضح إني كنت البنك المركزي للعيلة كلها.
عايدة بدأت تتعصب يعني هتحاسبينا على اللقمة؟!
مروة ردت حضرتكوا اللي بدأتوا الحساب.
شريف حاول يضحك قدامهم خلاص يا جماعة سوء تفاهم.
لكن مروة طلعت موبايلها.
وفتحت تطبيق البنك.
وحطته قدامه.
ده حساب مشترك البيت من النهاردة هتحول نص المصاريف زي ما المفروض يحصل من سنين.
شريف اتلعثم أنا مرتبي عليه التزامات.
مروة رفعت حاجبها آه البلايستيشن الجديد؟
حسام خبّى ضحكته بالعافية.
أما عايدة
فبدأت تستوعب