رواية كاملة بقلم الكاتبة الرائعة

يقولوا مين ده اللى هيتجوز واحدة عورة وااه لوتعرفوا كانت مرة فى السوق جدتى بعتتها تشتريلها شوية حاجات ولما راحت تجيبلها الحاجة لقت عيل صغير عمال يعيط فى الشارع تايه من ابوه والناس مش عارفين يفهموا منه حاجة عمتى قربت من الولد وقعدت تهدى فيه لغاية ما الولد فعلا سبحان الله هدى وقاللها على اسمه ولما سكت معاها اخدته معاها على بيت جدى وحكتلهم على اللى حصل ولما عرفوا يعتروا فى ابوه جه ابوه وكان معاه اخوه وكان شاب زى

القمر طول بعرض ولا نجوم السيما ايامها ولما شاف عمتى وهى بتتكلم مع ابن اخوه اللى اتعلق بيها .. طلبها للجواز الكل استغرب منه وقالوا ايه المچنون ده اللى هيتجوز واحدة عورة بس هو صمم عليها وكانوا تجار اغنيا قد الدنيا والكل كان متوقع انه هيتجوز عليها او شوية وهيطلقها لكن فضلت معاه العمر كله لغاية ما ماټت وجابتله خمس عيال ماشاء الله عليهم ولما ماټت ماټ وراها من حزنه عليها ولما كانوا يقولوا له حبيتها على ايه كان يقوللهم على قلبها الطاهر
الست ممكن ماتبقاش حلوة من برة بس تنور بيتها وتملاه ود وحب وممكن تبقى ست الحسن والجمال وجوزها يبقى دايما ماشى يدور على سعادته بعيد عنها
محمود وهو باصص لنوال كلامك وحكاويكى حكم والله يا امى فعلا الجواز ده اصله بيبقى زى البطيخة المقفولة وكل واحد وبطيخته
نوال وهى بتحاول تدارى غيظها من كلام محمود اللى حست انه بيلقح عليها وانت بطيختك طلعت عمله ايه ياحسام
ليلى اتفاجئت من الكلام وشهقت بالراحة بس حسام سمعها وضحك وقال لامه حمرا وعلى السکين يا ام حسام
الكل ضحك على كلامه ماعدا نوال طبعا
احمد انتو عمالين تقولوا بطيخ بطيخ هو فين البطيخ ده
حسام بضحك لا وانت بتعوم فى البطيخ هجيبلك وانا جاى بطيخ ياعم عشان تنبسط
وقام وقف وباس راس هداية وسحب ليلى من ايدها وقال ياللا سلام
..
فى شقة حسام بالليل
ليلى بعد ما اخدت شاور وخرجت من اوضتها وهى لابسة روب تقيل لان الشتا كان ابتدى يدخل عليهم قعدت تتلفت وتنده على احمد لكن ماردش عليها ولقت حسام بيفتح باب الشقة ودخل
ليلى باستغراب انت كنت فين وفين احمد مش لاقياه
حسام كان عاوز ينزل لمامتك يبات معاها فنزلته وطلعت
ليلى ماكان فضل المچرم ده واتكن شوية الدنيا برد
حسام عموما مراة عمى هتدفيه ماتقلقيش عملتى التمارين
حسام اومال بعيدة عنى ليه مش ناوية تحنى عليا بقى ياليلى انا خلاص ياليلى ..مابقيتش قادر ابعد نفسى عنك اكتر من كده ارحمى حبى وقلبى
تانى يوم الصبح ليلى كانت مع حسام بيتكلموا وبيضحكوا سوا وماكانوش ناموا ليلتها وحسام كان فى قمة سعادته انه اخيرا ليلى بقت مراته بمعنى الكلمة وانها ابتدت تحس بيه وتنسجم معاه يمكن مش متأكد لسه ان كانت بتحبه زى مابيحبها واللا لا بس ماكانش مستعجل وكان بيدعى ربنا ان ده يتحققله
وليلى كانت مبسوطة فى لحظات كانت بتفتكر حسن وتخاف انها كده تكون خېانة ليه لكن كانت بترجع تلوم نفسها بان تفكيرها فى حسن دلوقتى هو اللى يعتبر خېانة لحسام لكن ڠصب عنها كانت بتقارن احساسها مع حسن واحساسها مع حسام اللى اكتشفت انهم مختلفين تماما كانت بتحب طيبة حسن ومرحه وحنيته عليها لكن مع حسام كانت حابه حبه ليها واللى كانت لمساه وحساه فى كل كلمة ونفس ولمسة من حسام ليها
حسام وهو واخدها فى حضنه ايه رأيك يا لولو
ليلى رأيى فى ايه
حسام اخدك ونروح نقضى كام يوم فى اسكندرية
ليلى وهى بتنكمش فى حضنه زياده ياريت بس الدنيا مش هتبقى برد هناك على احمد
حسام بمكر مانا هدفيكى واحمد هيفضل هنا مع مامتك تدفيه بمعرفتها
ليلى ضړبته بايدها فى صدره وقالت انت طلعت قليل الادب على فكرة
حسام مسك ايدها وقاللها مش ملاحظة ان من ساعة ايدك ماخفت وانتى بتجربيها عليا وانا ساكت
ليلى ضحكت وقالتله طب لو ماجربتهاش عليك اجربها على مين بس ياحبيبى
حسام سكت شوية وبصلها فى عنيها وبعدين قاللها تقصديها ياليلى
ليلى مش هكدب عليك واقوللك ااه لكن هقوللك الصراحة انا حاسة انى متلخبطة عايشة حالة ماعشتهاش قبل كده حتى مع حسن
ليلى بصتله وهى خاېفة انه يتضايق من سيرة حسن لكن لقته مبتسملها ومستنيها تتكلم وقاللها اوعى تخافى تقولى اسمه قدامى واوعى تنسى انه اخويا الوحيد وانه ابو احمد ودى حقيقة ماينفعش ابدا حد فينا ينكرها او ينساها فلازم تتعودى انك تتكلمى بحريتك معايا اكنك بتتكلمى مع روحك
ليلى ابتسمتله ابتسامة واسعة وقالتله طب هتودينى اسكندرية
حسام اوديكى اسكندرية والنهاردة كمان
وفعلا حسام قال لابوه انه هياخد ليلى ويسافر اسكندرية لمدة اسبوع وسابوا احمد مع هداية وسهام

وسافروا
اخدها فى اوتيل على البحر ...الجو كان برد جدا بالليل وبالنهار كانت الشمس بتدفيه نوعا ما لكن طبعا حسام وليلى ماكانش فارق معاهم برد من دفا كانوا بينزلوا الصبح يتمشوا على البحر وهم حاضنين بعض ..ولما يجوعوا كانوا يرجعوا الاوتيل يتغدوا ويفضلوا فى اوضتهم لتانى يوم
كانوا مبسوطين جدا وفى منتهى السعادة وكانوا كل يوم يكلموا هداية واحمد وبعد كده على حسب ظروفهم لو كلموا حد تانى
اخر يوم ليهم فى اسكندرية كانت ليلى نايمة فى حضڼ حسام وهم بيتكلموا فحسام قاللها عاوزة اقوللك على حاجة يالولو
ليلى قول
عاوز اقوللك انى عاوزك تجيبلى اخوات لاحمد بنات وصبيان ..عاوز اربعة واللا اقولك تلاتة بنتين وولد عشان يبقى عندنا ولدين وبنتين
ليلى ضحكت جامد اوى فبصلها بامتعاض وقاللها بتضحكى على ايه يابت انتى
ليلى عليك طبعا هو انت معاك الريموت بتاع الحمل وتحديد نوع البيبى كمان
بصلها بمكر وقاللها بتاع الحمل عندى لكن تحديد نوع الجنين دى لا بس خلينا فى الحمل الاول وبعدين نبقى نشوف تحديد النوع ده بعدين
19
حسام وليلى رجعوا من اسكندرية والسعادة مالية وشهم والكل فهم من غير كلام انهم تمموا جوازهم وبقم بالفعل مع بعض الكل كان فى منتهى السعادة وبيدعولهم من قلبهم براحة البال الا طبعا نوال اللى كانت كل ماتشوفهم مع بعض او ضحكوا او حسام وشوش ليلى بكلمة ..كانت الڼار تقيد فيها لكن كانت مستمرة فى تمثيل دورها انها اتغيرت وكانت دايما تحاول تهزر مع ليلى وخصوصا قدام حسام ومحمود لحد مامر على رجوعهم من اسكندرية حوالى تلات شهور
فى يوم ... كان عيد ميلاد ليلى وحسام صمم يحتفل بيه وخصوصا انها ماحتفلتش بيه من يوم حاډثة محمد وحسن فاتفق مع سهام انها تجهز الحلويات وهو هيجيب التورتة جاهزة عشان عاوز يعمللها حاجة اسبشيال
فسهام قالتله خليك فاكرهاتها شيكولاتة وكريمة الشيكولاتة عشان ليلى والكريمة عشان احمد ...وابعد عن اى حاجة فيها فراولة عشان ليلى والحساسية اللى عندها اوعى تنسى
حسام ودى حاجة تتنسى برضة يامراة عمى انا عمرى ماهنسى لما كانت فى اعدادى ونقلناها بالاسعاف وهى مش قادرة تاخد نفسها بسبب الحساسية
سهام بالله عليك ماتفكرنى يومها سهتنى وشربت عصير فراولة وعصير مانجة وعشان كده جالها الاختناق شديد اوى عن كل مرة كانت تجيلها فيها
حسام ربنا مايعيدها ابدا يارب المهم انا هسيب ليلى مع بابا وهعمل انى رايح زيارة لاى فرع تانى وهروح اجيبلك التورتة والجاتوة وارجعلهم تانى وانتى بقى شوفى هتخبى الحاجات دى فين
هداية ابقى فضى الثلاجة من دلوقتى عشان تعرفى تعينيهم ياسهام
نوال طب ماتجيبوهم عندى على الاقل احمد مايلعبش فى حاجة
سهام ماشى فكرة برضة
محمود طب ماتندهوا عليها بقى هى بتعمل ايه كل ده
حسام احمد صمم انها تطلع معاه عشان عاوز لعبة من الاوضة بتاعته
دقايق وليلى نزلت ويا احمد اللى صمم يطلع يجيب الميكانو بتاعه
حسام طب ليه ياحبيبى نزلته هنا ممكن الحاجات بتاعته تضيع
احمد قرب من حسام وقال له فى ودنه هعمل هدية ماما عشان عيد ميلادها
حسام باس احمد من راسه وقال له برافو عليك بس حافظ عليه اوعى حاجة منه تضيع ياللا ياليلي عشان اتأخرنا النهاردة
ليلى سحبت شنطتها وباست جدتها وقالتله ياللا بينا
حسام كان موصى على التورتة والجاتوة فى اشهر محلات الحلويات وراح استلمهم ووداهم على البيت ونوال كانت برة بحجة انها هتشترى هدية لليلى ولما رجعت اخدت التورتة والجاتوة عشان تعينهم عندها فى شقتها
ولما رجع حسام وليلى ومحمود من المحلات قعدوا اتغدوا عادى جدا
ليلى الله انتو عاملين ايه حاجة حلوة انا شامة ريحة بسبوسة
سهام ااه جدتك نفسها فى البسبوسة فعملتهالها
ليلى طب ماتدينى حتة ريحتها حلوة اوى
سهام على ماتطلعوا تريحوا شوية وتنزلوا تكون بردت عشان اعرف اقطعها
ليلى ضحكت جامد وقالتله اصلك الحقيقة ياحبيبى مش مقصر معايا ودايما مدينى منابى بالتمام والكمال
ليلى وهى بتسند راسها على كتفه بنبرة كلها ارتياح وسعادة انا من جوه جلبك يا واد عمى
حسام بعد ماكان رايح على اوضة النوم لما سمعها قالت كده وقف مكانه وبصلها كأنة بياكل وشها بعنيه وقاللها وهو بيبلع ريقه بصوت عالى وياترى انا

كمان هبقى جوة جلبك امتى يا بت عمى
ليلى رفعت عينها وبصتله نظرة حب اول مرة يحسها منها وقالتله انت اصلا جوة من بدرى ياواد عمى
حسام نزلها وقفها بين ايديه زى ماكانت وقاللها ببحة لذيذة جد ياليلى
ليلى بهمس جد ياقلب ليلى
فليلى قالتله انا عندى مفاجأة ليك وعاوزة اقول لك عليها
حسام بابتسامة مفاجأة ايه ياترى
ليلى مسكت ايد حسام حطتها على بطنها وقالتله وهى بتضحك الانتاج الاول اعلن وجوده فى السوق
حسام بصلها بسعادة وهو مش مصدق نفسه وقاللها انتى بتتكلمى جد حامل يا لولو
ليلى ايوة ياقلب لولو لسه عارفة الصبح ومارضيتش اقول قدام حد لغاية ما اقولك انت اول واحد ..واسيبك انت تبلغهم بطريقتك
انتى كمان ليكى عندى مفاجأة بس بالليل مش دلوقتى ويارب اقدر اسعدك زى ما اسعدتينى
.
سهام ونوال حضروا كل حاجة وحسام خلى ليلى نامت وسابها ونزل عشان يعلق الزينة وظبطوا كل حاجة ونوال نزلت التورتة والجاتوة وحضروا الشمع وبعد ماخلص كل حاجة طلع نده لليلى وقاللها ان كلهم تحت مستنيينها عشان ياكلوا البسبوسة سوى
ليلى بكسل ماتسيبنى انام شوية حاسة انى ماشبعتش نوم
حسام خطڤ منها بوسة م وقاللها قومى بس ياللا عشان هدهد واحمد مايزعلوش ونجيب البسبوسة وناكلها انا وانتى هنا لوحدنا بمزاج
ليلى بامتعاض انت بقيت انتهازى اوى على فكرة
حسام بمرح يابت ده كله عشان مصلحتك طاوعينى بس
ليلى قامت بكسل وقالت وهى رايحة ناحية الحمام ااه ياخويا انا اطاوعك وانت تغرغر بيا
حسام قام وراها بسرعة وشالها من على الارض وقاللها حد قاللك تبقى حلوة كده
ليلى سرحت شوية وحسام لاحظها فقاللها روحتى فين
ليلى بتردد ماا مافيش حاجة
حسام ضمھا لحضنة وهو لسه