ظلال الحب الزائف بقلم هبة أبو الفتوح

سي في فده الورق الخاص بي وانا فعلا جايه اقدم على شغلان الكافتيريا
بص لها شويه بتفكير وابتسم بود وقال
بس ما شاء الله عليك جميله ملامحك حلوه تعليمك كويس عندك لغات كثير اكثر من ناس كثير شغاله في الشركه هنا وحرام الموهبه والجمال ده كله يندفن في الكافتيريا وبصراحه بقى انا بقبل اللي بيخشوا دماغي من اول نظره مش بسبب قدراتهم الدراسيه او العمليه فبتهيا لي انك هتتظلمي قوي قوي في شغلانه الكافتيريا دي ومش من مقامك الصراحه ايه رايك تشتغلي معايا سكرتيره شخصيه
اټصدمت هي من طلبه ولكن لحظات وكانت رسم داخل مخيلتها سيناريو زي اللي قراءته وزي اللي بتكتبه وكاي بنت في حالتها لقيت ان دي فرصه ما تتفوتش وعرض لو اترفض عمره ما هيتكرر وزي ما بتقولوا كده سبوبه العمر وبدون تفكير قالت
مواقفه جدا يا فندم اكيد طبعا يشرفني اني اكون السكرتيره بتاعه حضرتك يعني بصراحه انا ما كنتش متخيله ان يعني انا ممكن اشتغل في المكانه دي او يعني عقلي ما كانش يصور لي ان انا حتى اشتغل فيه كافتيريا حضرتك اللي في الشركه فده بالنسبه لي عرض كبير جدا وابقى غبيه لو رفضته
قام من مكانه واتجه للخزنه بتاعته وخرج منها مبلغ مالي الكبير جدا وقرب وقعد قدامها وقال وهو بيحط الفلوس على الترابيزه
دول يا ليلى مبلغ مالي مقدما يعني ده هيبقى الراتب بتاعك الثابت وباذن الله بعد ما اشوف شغلك هيبقى في زيادات ده بقى الراتب مقدما انت حره تتصرفي فيه ازاي وخلاص كده الورق بتاعك اتثبت واعتبري ان انت متعينه في الشركه من النهارده
عينيها زغللت لما شافت المبلغ اللي قدامها ولحظات وخلاص كانت اتجوزته في خيالها رفعت عينيها الزايغه من على الفلوس وبصيت له بتوهان وسرحت شويه في مخيلتها وهي بتبتسم لا اراديا وقربت من الفلوس وشالتها وهي مثبتها عينيها عليه بدون وعي منها وقالت
تمام يا فندم شكرا دلوقتي المفروض اعمل ايه
ابتسم عليها وقال
ولا حاجه يا ليلى هتروحي دلوقتي وهتيجي بكره من الساعه 800 الصبح لحد الساعه 300 العصر ده هيبقى الشيفت بتاعك ولو طبعا في زيادات في الوقت في الشغل يعني اخرنا لحد الساعه 1200 بالليل ده اقصى الاحتمالات يعني تقدري تفضلي دلوقتي
ابتسامه بلهاء اترسمت على شفتيها وشالت شنطه الفلوس وخرجت من سكات وهي تخيلت نفسها بتخرج من الفقر اللي هي فين مع انها عايشه وراضيه ومبسوطه ولو هتعيش حياتها كلها في الاوضه اللي هي فيها فهي راضيه لكن زي ما بيقولوا كده البحر بيحب الزياده وحبت ان هي تجرب حاجه جديده
مرت الايام على تواجدها في الشركه وفي يوم من الايام كانت قاعده على المكتب منهمره في الشغل الكتير قربت واحده من العمال وقالت
ايه يا ليلى هتفضلي قاعده هنا ولا ايه الناس كلها مشيت
اتنهدت بتعب وقالت
للاسف يا نرمين مش هقدر امشي النهارده غير لما اخلص كل الشغل اللي معايا ده لان انت عارفه الصفقه الجديده هتبقى بكره الساعه 800 وانا لو روحت هنام وانت عارفه يعني ان انا مش عندي يعني لاب في البيت ولا نت غير هو التليفون بس فهيبقى صعب ان انا اخلص الشغل ده في البيت الا بقى لو انا كتبته يدوي فاستنى لحد ما اخلصه
هزت راسها بتفهم وقالت قبل ما تمشي
تمام يا حبيبتي بالتوفيق لو احتاجت اي حاجه ابقي رني عليا
وبالفعل مشيت نرمين وفضيت الشركه على ليلى لوحدها بعد
ساعتين من شغلها