بعدك هلاك بقلم مريمه

أنا بقي للأسف مش هقدر
قال بحنان طب نفهم وجهة نظره ولو مرة
بصلته بضيق فقال بسرعه خلاص خلاص هو حيوان اصلا ولازم يتربي
إبتسمت من كلامه والله إنت اجدع خال
طب هتيجي هتتعشي مع خالك ولا هتزعليه
قالت وهي بتلبس الخمار أنا اقدر يلا نطلع
قال بضحك حجاب شرعي كامل يا مريم! يلا يلا
ربنا يكون في عونك علي اللي جاي يا ابن الزهران
بعد فتره كانت بتقدم ليهم الشاي قدمت للكل ماعدا هو وضعت الكوبايه علي الترابيزة وسابتها
قال بصوت عال
الصبر يارب
بصتله بقرف ووجهت نظرها لباباها
بابا! بقينا آخر اليوم
بصلها بقله حيلة بكره يا مريم
قالت بتصميم إنهارده يا بابا
ياسين بتساؤل عايزة إيه يا مريوم وأنا اعملهولك
اتطلق!
مسح علي وشه واخد بؤق من كوبايه الشاي
الشاي مر زي كلام أحدهم
أو أفعال أحدهم
قال بتسرع بس نثبت هنا بقي ونتكلم تعالي نقعد ونتفاهم واشرحلك وجهة نظري
فرصة كلامك إنتهت من وقت ما بعتلي رساله بايخه تقولي أنا في المطار وقتها بس كل فرصك خلصت يا ابن الزهران
سكتت شويه وكملت بۏجع ووقتها عرفت قيمتي عندك
نبرة صوتها وجعته أوي قام وقف وقرب منها
مكانتك في قلبي وجوه عيوني يا مريوم وكل يوم بتزيد بس والله السفر كان لابد منه وإنت وقتها كنت رافضه وقافله الموضوع فكان لازم امشي من غير ما اقولك
تقبل أنا اعمل كده!
اقبل إنك تاخدي قرار يكون في مصلحتنا حتي لو أنا كنت رافض وقتها
وسفرك وبعدك عني ده تسميه مصلحتنا يا ياسين
آه وقتها وفي الظروف دي كانت آه يا مريم
قالت وهي بتقوم اوك وحاليا وفي الظروف دي مصلحتنا هي البعد تماما تخلص كل حاجة مع بابا
قال بإنفعال لما لقاها بتمشي
أنا مش هخلص شئ يا مريم هسيبك تهدي ونرجع نتكلم
خرج من البيت يتمشي في الشوارع هاجمته ذكريات
يعني إيه بتجهز ورقك وهتسافر وأنا
قال بهدوء إنت مراتي يا مريوم هنعمل الفرح قبل السفر وهقعد شهر وأسافر
بصتله پصدمه وده يبقي جواز إنك تقعد معايا شهر وتسيبني وكل كام سنه تنزل تزورني شهر زيه ده جواز يا ياسين
يامريم الظروف بتحكم شغلي هنا مبقاش نافع وجاتلي فرصة شغل كويسه برا وده هيخلينا مستقريين أكتر
ماديا ! هيخلينا مستقريين ماديا اكتر ولكن هيعمل حاجز كبير في علاقتنا هيخلينا شبه الأغراب إنت كده بتهدم اللي بينا وإحنا لسه بنبتدي يا ياسين !
قال بحب اللي بينا ميتهدمش يا حبيبي في كتير مسافرين وعلاقتهم كويسه
قالت بانفعال مليش علاقه بحد لو واحده تستحمل ده أنا لأ أنا بتجوز عشان أستانس بيك مش عشان يبقي اللي بينا شات ومكالمه
وبعدين مين قال إن علاقتهم كويسه
إنت عارف بيحصل بينهم مشاكل قد إيه عارف هي بيبقي نفسها تشاركه تفاصيل قد إيه ولكن مينفعش ولا هو بيتعب إزاي وقصاد ده هي مش معاه تحتويه من العالم
ولا لما يخلفوا الولاد بيبقي عندهم فجوه عاطفية إزاي بسبب عدم وجود باباهم في وسطهم وكل لما بيكبروا بيهمشوا دوره وبيبقي بالنسبه ليهم Atm فقط حتي بعد سنين كتير لما يقرر يرجع تاني ويعيش وسطهم هيلاقي نفسه غريب وسطهم أولاده كبروا وهو مش عارف حاجة عنهم عايشين معاه حاليا ولكن بنفس الوضع لما كان بعيد عنهم وهو وزجته بقي بينهم سور كبير هو تأقلم علي نظام معين وهي تأقلمت تمشي امورها بنفسها
طب تخيل هيحتاجوا وقت ومجهود قد إيه عشان