بعدك هلاك بقلم مريمه

صوته في البلكونه اللي جنبها
يارفيقه مشواري يا قلب ياسين هاتي القهوه اللي جنبك دي
بصتله بضيق مصطنع
من غير سكر
مش محتاجه وجودك محلي أيامي
إتكسفت وخبت وشها بين كفوفها فكمل
إكتفيتي بعد ولا لسه يا مريم
البعد كان إختيارك من البداية
لما لقيتك رافضه الكلام إطلاقا ومصره علي الطلاق مكنش ينفعش أقف اجادل معاك وصدقيني يا مريم فرصة إني أخدك معايا وقتها كانت صعبة أوي علي عيني تكوني في بلد وأنا في بلد بس أنا عندي اضغط علي نفسي وقلبي بس تبقي مستقرة ومرتاحة في مكان وربنا يعلم بعدك عني كان عامل فيا إيه أنا كنت بشتغل ساعات زيادة عشان أقدر اجي أجازة واخدك معايا
بس أنا مكنتش مرتاحة !عارف حسيت بإيه لما سافرت وسبتني إنت مشيت حتي قبل ما تودعني وتهون علي قلبي !
حقك علي عيني والله أسف متقفليش الباب في وشي اكتر من كده
بعدك هلكني يا بنت حسن
بصله بهدوء هو أنا ليه مش قادرة أقسي علي قلبك
إتسعت ابتسامته عشان إنت جوه قلبي حد يقسي علي نفسه
هزت رأسها بلأ وهي بتبتسم
قال بتوجس
مسمحاني وهتسافري معايا
أول مرة تبقي شاكك إني هسامحك ده تأثير البعد
عرف هي قصدها إيه عشان أنا سيبتك يوم تنامي وإنت شاكه في حبي فشاكك في مسامحتك دلوقتي والاهم إني عرفت معني كلامك قبل كده وعشت تجربه البعد والغربة ومش حابب أبعد أكتر من كده
سكتت فكمل بصدق
مريم لو رافضة السفر معايا من بكرة أبقي مقدم إستقالتي هناك
كانت عارفة إنه صادق في كلامه
والشغل والمكانة الكويسه ومفيش شغل هنا!
يكفيني لمعة عيونك ترجع وإنت بتكلميني
ثبتني يا ابن الزهران هنسافر إمتي
لما يبقي شريك حياتك من السهل إنك تعاتبه هين في خصامه حنين في زعله وقتها مهما كان حجم المشاكل بتتحل حل من غير چروح حل من غير تراكمات زعل
ضحك بصوت عالي وهو بيرجع ورا وفجأه نط في بلكونتها ولأن المسافه تكاد تكون معدومه بين البلكونتين فكان سهل عليه
إتصدمت لما نط فجأه
إيه الجنان ده يا بني مش خاېف علي نفسك!
يعني خلاص مسمحاني
هزت رأسها بأه وهي بتبتسم
بس أنا زعلان
بصتله برفعه حاجب فكمل وهو بيشاور علي إيدها
دبلتك فين!
كنت مستنياك تعلق عليها من زمان
هو أنا كنت عارف اتكلم معاك كلمتين لكن الموضوع دايقني
قلعتي دبلتي يا مريم!
قالت بحب مش حتة دبله هي اللي هتربطني بيك يا ياسيني
في قلب ومشاعر وذكريات وعشره ودول الربط بيهم أقوي من حتة دهب
صمتوا لثواني فكملت
بس متقلقش دبلتك في السلسلة في رقبتي متخلاش عن حاجة تخصلك برضوا
أنا بحبك أوي
شكرا
ضحك بغلب علي إيه ده أحنا أهل برضوا تعرفي إني بحب عتابك
وأنا بحبك
ومشيت من قدامه ثواني وإستوعب الكلمة
الله أكبر تاني عشان خاطري يا مررريم!
رغم التناقد في الرأي الذي سيحدث ورغم إختلاف الظروف إلا أن هناك كم كبير من الضغط النفسي الذي يقع علي المرأه والرجل عند سكنهم في بلاد مختلفة هي تحاول أن تقوم بكلا الدورين دور الأم والأب ومهما نجحت في ذلك إلا إنه يظل هناك فجوة في نفسية الطفل وهو مع كم ضغط العمل لا يلق من يهون عليه ذلك آخر اليوم لا يوجد من يشاركة يومه ومكالمة فيديو ليست الحل
هناك أسر بعيده ومستقره نفسيا نعم ولكن عددها قليل جدا نحن نتحدث بشكل العام
بعد عامين
يلا يا مريوم هنتأخر علي الطيارة!
أنا جاهزة يلا
بصلها وهو بيقول بضحك مش متخيل صدمتهم لما يشفوا
بطنك قدامك كده
حركت إيديها علي بطنها وهي بتقول دي هتبقي أحلي صډمه
إبتسم وهو بيقول طب يلا يا مريمتي
يلا يا ياسيني بس هتصورني كتير وأحنا في المطار!
قال بحب أوصورك يا قلب ياسين
كونك قابل وضع معين ومتأقلم عليه لا يعطيك الحق بتوجيه النقد لشخص رافض الوضع ده لازم تفهم إننا بينا فروق فرديه المشاعر تختلف والظروف والتربية والمبادئ والحدود اللي بيضعها كل فرد لنفسه بعد حدود الدين تختلف
من حق البنت ترفض شخص ذو دين وخلق لأجل سفره وسكنه بعد الزواج في مكان تاني بدونها حتي لو ده شائع في محيطها وهي رفضت ده حقها ولازم نحترم ده بدون تناقدات كتيره لمجرد إنك عايش الوضع ده هي عندها مسمي للزواج يختلف عنك كونها رافضة الفكرة من البداية أفضل بكتير من لما تيجي بعد كده تلومك علي بعد المسافات والهجر
الشائع عند المجتمع مش لازم يتبعه كل الناس ومش بالضرورة يكون هو الصح أرجوكم أحترموا أراء بعض إحترموا رفض شخص لعرض هايل لمجرد إنه في بند مش قابله ومش هيعرف يتأقلم معاه ولا دلوقتي
ولا بعدين والزواج منظومة لازم نوافق علي كل بند فيها العرض الواوو بالنسبالك لايساوي شئ بالنسبالي
نظرة يا حلوتي منك حياة
يشرق الكون ويرتاد الصباح
أزهر الورد لذكراك وفاح
بقلم مريمه
حواديت مريمه وياسين
بعدك هلاك