بعدك هلاك بقلم مريمه

يبقوا أسرة مستقره نفسيا وعاطفيا بعد لما بقوا مستقريين ماديا!
يمكن مش كل الاسر ده حالهم ولكن نسبه كبيرة منهم ده نظام حياتهم
المشاعر بتبهت يا ياسين وأنا مش هقبل إن جوازنا يتمركز حول فيديو كول وسؤالين عن اخبارك هخبي فيهم مشاعري بالاشتياق والوحده وإنت كذلك
بصلها بصمت كلامها حقيقي وهو عارف ده
عارف إنها رافضه من البداية فكرة أنها تتزوج شخص ويسافر ويسيبها
قالها بقله حيله شغلي هنا فيه مشاكل كتير ومش لاقي أي شغل تاني والظروف صعبه يا مريم وربنا عطاني فرصة شغل كويسه ارفضها!
هتسيبني لوحدي يا ياسين!
مردش فكملت إحنا نقدر نمشي امورنا هنا وندور علي شغل وبأذن الله هتلاقي
مهو متاح الشغل أهو
خلاص خدني معاك!
هاخدك أبهدلك يا مريم! أنا هبدأ الشغل والوضع هيحتاج فتره لما استقر
ياسين إنت رافض كل الحلول ومن الواضح إنك واخد قرارك وجاي تبلغني بيه
يا مري
سكت لما كملت وأنا رافضة القرار ده هتسافر وتسيبني يبقي ننهي أي شئ بينا وبعدها تعمل اللي إنت عايزه
يعني!
يعني يا تفضل وسطينا هنا أو تاخدني معاك أو تختار البعد والانفصال
قال پألم إنفصال
إنت اللي اخترت ومش قادر تفهمني أنا فاهمه كويس الحړب اللي جواك ومقدره ده وبقدملك حلول ولكن إنت مقفلها من كل الجوانب
مسك إيديها هسافر فتره اضبط اموري وارجع يامريم
اللي تشوفه ولكن تسافر وأنا بنت عمتك فقط
قال بعصبيه مررريم! أنا هادي معاك للأخر لكن كلمة إنفصال والهبل ده مسمعوش تاني هسيبك ترتبي الامور في دماغك زي ما بتعملي كل مره
مشي خطوتين ورجع تاني ومفيش إنفصال يا مريمة الياسين
فاق من ذكرياته علي نزول المطر بص للسماء واتنهد وهو بيقول
يارب حنن قلبها عليا
سبب من اسباب الخيانه الزوجية اللي مش مشهور أوي هو بعد الزوجين عن بعض! سواء الراجل واللي غالبا بيبقي خېانه جسديه أو الست اللي بتبقي خېانه عاطفية أو شات وفون وممكن تتطور لشئ آخر والاثنين خېانة مش بقول إن كله كده ولكن نسبه مش هينه أبدا بيحصل فيها كده
أبيه ياسين
نعم يا مروان
وعاشروهن بالمعروف مقصود بيها إن الرجال تنفق علي النساء كويس يعني ميبقاش ناقصهم شئ!
بص بابتسامه لمروان وقال
المعروف بيندرج تحته أي شئ حسن ومش الانفاق المادي لأ
إنك تسمع شكواها وصياحها ده معروف تحترم رأيها تقولها كلمة حلوه تبتسم في وشها تهتم بصحتها الجسدية والنفسية تساعدها في شغل البيت وتربية الأولاد تتفهم لخبطة هرموناتها وتحتويها تجبلها هديه تكفيها عاطفيا كل ده وأكتر إسمه معروف
لو هنختصرها في كلمه فإنك تبقي راجل معاها
راجل بجد بتمشيه الدين والاخلاق وليس معايير وأعراف المجتمع
بتعمل إيه أعراف المجتمع دي
بتخلي الراجل جاف صلب وده تحت بند المحافظة علي الرجولة
بتقتل مشاعره وحنانه وإحتياجه للحب بإسم قوة
الشخصية
بتخليه قاسې أوي عشان جمله ده عارف يحكم بيته كويس
ميعرفوش إن سيد الرجال كان في خدمة أهله وأكثر حنانا
الرجولة مش بالغلظة والصوت العالي الحنان والحب والتفاهم عنوان الرجولة
إمممم يعني لما أتجوز مزعلهاش خالص
بصله پصدمة تنجوز يا عشر سنين! آه متزعلهاش خالص
طب ما أنت مزعل أختي
عشان غبي وبعدين اسكت عشان أختك مطلعه عيني بقالها ٣ أسابيع
ولا باكل ولا بشرب
أومال الطبق اللي في إيدك ده إيه
قال بضحك دي تسالي يابني هات العصير ده هات لأجل أجهز لجولة من الخناق مع أختك
حقك على عيني يانور عيني
يارفيقة مشواري الدايمه
كانت قاعده بتكتب زي عادتها في البلكونه وقاطعها