اسكربيت قمر الصعيد كامل بقلم اسراء ابراهيم

فوج جوي وهخليه يطلجك من الزفت ده ڠصب عنه
قمر بفضول ايوة كيف يعني فهميني
بدور بثقة هروح للعمدة منصور واحكيله كل حاجة وهو هيتصرف ده راجل زين جوي يا جمر انا شوفته كذا مرة ومفيش حد قصده الا و وجف معاه
قمر بحزن يعني تفتكري ابوي هيسمع ليه انا خاېفة يحصل مشاكل كبيرة بسببي
بدور بثقة ولا مشاكل ولا حاجة متكبريش انتي الموضوع بس ومتحلجيش انا هتصرف بس انتي حاولي متبينيش اي حاجة
قمر بقلة حيلة حاضر وانا يعني بايدي ايه اعمله بس خابرة انا لو الموضوع بتاع العمدة ده منفعش هطفش ومحدش هيعرفلي طريق جرة
بدور بهدوء لا يا جمر اهدي اكده ومتفكريش في اي حاجة وان شاء الله هتتحل من عنده يا حبيبتي
قمر بتمني ياااارب يا بدور يا خيتي يارب
.............................
تاني يوم كان قاعد منصور العمدة في المنضرة بيشرب الشاي لما دخل عليه الغفير بتاعه
الغفير باحترام لمؤاخذة يا حضرة العمدة في بنتة برة رايدة حضرتك
منصور باستغراب بنتة مين دي وبت مين ورايدة ايه
الغفير بتوتر مرضيتش تجول يا حضرة العمدة وطلبت تقابل حضرتك بتجول موضوع مهم جدا
منصور بجدية خليها تدخل يا ولدي لما نشوف في ايه
خرج الغفير وشوية ودخلت بدور بتردد واول ما شافت العمدة بصت في الارض باحترام
بدور بتوتر سلام عليكم يا حضرة العمدة انا بدور بت الشيخ مساعد شيخ الجامع
منصور بابتسامة عليكم السلام يا بتي طبعا عرفتك اهلا بيكي نورتي الدار جوليلي خير في حاجة مع ابوكي ولا ايه
بدور بتردد لا يا عمدة بس انا واجعة في عرضك في بنتة محتاجة مساعدتك وانا جولتلها علي حضرتك انك هتساعدها اكيد
منصور بتكشيرة بنتة مين دي ومجتش معاكي ليه طيب
بدور بلهفة عشان مينفعش تخرج من الدار ابوها يجتلها لو خرجت البمتة دي تبجي جمر بت غريب التهامي يا حضرة العمدة ابوها كتب كتابها ڠصب عنها علي جمال ابن خالد الراوي وهو راجل وحش جوي وبيعاملها عفش وبيضربها ولما جمر جالت لابوها انها مش رايداه ورايدة تطلج منه زعج فيها وجالها ان المهم النسب عشان الفلوس والبنتة دي غلبانة جوي يا عمدة والنبي تساعدها وحياة ولدك
منصور فهم علطول ان دي البنت اللي صقر كان عاوز يتجوزها فبص لبدور بانتباه
منصور بغموض والبنتة دي اللي مشيعاكي يا بدور ولا انتي جيتي لحالك
بدور بسرعة لا والله هي اللي مشيعالي دي عندها عشم انك تساعدها وتقنع ابوها انه يطلجها من اللي اسمه جمال ده يا عمدة
منصور بجدية طيب يا بتي روحي بلغيها اني هحل الموضوع ده اهم حاجة بس انها متجيبش سيرة انها شيعتلي حاكم ابوها ده انا خابره راجل ناجص
بدور بابتسامة حاضر يا حضرة العمدة هجولها ربنا ينصرك ويبارك في عمرك يارب سلام عليكم
منصور بتفكير عليكم السلام بجي طلعت هي البنتة اللي صقر رايد يتجوزها سبحان الله شكلك ليك نصيب فيها يا صقر يا ولدي
...............................................
صقر كان ماشي بضيق جمب منصور ابوه وهو مش فاهم حاجة من بعد ما بعتله الغفير بانه عاوزه ضروري
صقر بضيق يا ابوي فهمني بس احنا رايحين فين انا مش فاهم حاجة خالص
منصور بابتسامة يا ولدي صبرك بالله هتعرف كل حاجة في وجتها انت بس اصبر ده مشوار ضروري يخص حد في البلد اهنه محتاج مساعدتنا اهم حاجة تطاوعني في اللي هجوله ماشي
صقر باستغراب حاضر يا ابوي اكيد طبعا بس من مېتي وانتي اللي بتروح للناس ما تشيع تجيبهم لحد عندك وبعدين حل زي ما بتعمل
منصور بابتسامة