اسكربيت قمر الصعيد كامل بقلم اسراء ابراهيم

لا المرادي الموضوع كبير وواعر جوي كان لازمن انزل بنفسي انت هتفهم كل حاجة بس تعالي يلا البيت هناك اهو
خبط منصور عالبا وشوية وفتح غريب اللي اتفاجئ بمنصور العمدة وابنه ومعاهم الغفرا كمان
غريب بتوتر اهلا يا عمدة اتفضل الدار نورت اهلا وسهلا
دخلو كلهم وقعدو وكان صقر مستغرب وبيبص حواليها باستفهام
منصور بابتسامة طبعا انت مستغرب احنا اهنه ليه يا غريب
غريب بتوتر لا طبعا متقولش كدة بيتك ومطرحك يا عمدة انا بس متوقعتش انك تزورني
منصور بتلقائية ماهو عشان اكده هنخش في الموضوع علطول انا جاي انهاردة عشان اناسبك يا غريب
غريب اټصدم وصقر كان اكتر منه صدمة لانه بص لابوه وكشر بضيق بس كمل منصور كلامه بثقة
منصور بابتسامة احنا جاين نطلب ايد بتك لولدي صقر يا غريب
غريب پصدمة ده ده ده شرف لينا يا عمدة بس لمؤاخذة يعني انا بتي مكتوب كتابها و
منصور بخبث وه كيف ده يبجي الغفير جابلي المعلومة غلط خلاص مفيش نصيب يلا ربنا يفرحك بيها بينا يا صقر يا ولدي
صقر كان قاعد مصډوم وقابض علي ايديه پغضب لانه مكنش متوقع ان ابوه جابه معاه عشان يخطبله بس في نفس الوقت مش قادر يتكلم عشان ميصغرش ابوه بس لفت انتباهه كلام غريب اللي اتكلم بطريقة باين فيها الطمع فبصله باحتقار
غريب بطمع استني بس يا عمدة الحديت اخد وعطا اصل البت كانت مش رايدة جوزها ده وانا بصراحة كنت رافض عشان حديت الناس انت فاهم مش بيسيبو حد في حاله بس يعني لما يطلجها وتتجوزك ولدك وجتها محدش هيجدر ينطج بحرف ولا يجيب سيرتها بكلمة
منصور ابتسم بسخرية وكأنه كان عارف ان غريب هيقول كدة ورد بغرور عنديك حج طب لما تبجي تخلص موضوع بتك ابجي شيعلنا
غريب بلهفة ايوة طبعا متجلجش يا عمدة بتي لولدك اديني بس مهلة اطلجها منه
صقر بقرف انا بجول كفايا اكده ويلا يا ابوي عشان عيب اللي بيحصل ده طالما البنتة مكتوب كتابها يعني متجوزة
قام منصور وبص لغريب بثقة وهو بيقوله معاك يومين يا غريب وبعد اكده ولدي انا هشوفله عروسة تانية من مجامه
غريب بفرحة ان شاء الله هتم علي خير يا عمدة بس يعني لمؤاخذة هي بتي هتعيش فين
منصور بثقة في دار العمدة طبعا يا غريب ودي محتاجة كلام
صقر بنفاد صبر يلا يا ابوي بجي
منصور بابتسامة يلا يا ولدي ابجي جولي هتعمل ايه يا غريب سلام عليكم
مشي منصور وصقر وقعد غريب پصدمة وهو مبتسم بطمع ومش مصدق ان العمدة بنفسه جه يخطب بنته وكان بيفكر في بنته هتبقي ايه وهو ينول ايه لو بقت مرات ابن العمدة ووقتها قرر يطلق قمر ويجوزها لصقر وهو معتقد انه بجوازتها دي هتتفتحله طاقة القدر وبدل الفدانين هيبقو عشرة
................................................
ممكن افهم ايه اللي حوصل ده يا ابوي كيف يعني تاخدني عشان تطبلي واني زي الاطرش اكده
كان بيتكلم صقر بعصبية وهو باصص لابوه بعد ما موصلو البيت ومنصور وقتها اتنهد بتعب وقعد عالكنبة وهو بيرد علي صقر بهدوء
منصور بهدوء اجعد ياصقر يا ولدي وافهم الحديت الاول
صقر بعصبية خفيفة افهم ايه عاد انت خابر زين اني مهتجوز دلوك ليه تعمل اكده بس يا ابوي
منصور بجدية عشان البنتة الغلبانة اللي لجأتلي اديك شوفت ابوها عامل كيف يحب الجرش زي عنيه وباع بتع في لحظة قدام عنينا ده غير انه كان بايعها وكاتب كتابها علي راجل عفش كان بيضربها وبيتحكم فيها يرضيك نهملها ليهم يعملو فيها