اسكربيت قمر الصعيد كامل بقلم اسراء ابراهيم

طب استأذنك اني ياما هطلع اغير خلجاتي لحسن يعني اتبهدلت
فتحية بسرعة يا مري انا نسيت خالص حجك عليا يا بتي يلا اطلعي مستنية ايه جوزك زمانه علي وصول
قمر بابتسامة ربنا يخليكي ليا يا عمة بعد اذنك
جريت قمر بعد ما خلصت كلامها وطلعت اوضتها عشان تغير هدومها وفي نفس الوقت دخل صقر من باب البيت بفرحة بس كان معاه بنت جميلة اوي
منصور بابتسامة اهلا يا صقر نورت دارك يا ولدي
صقر بابتسامة وهو بيحضن ابوه الله يسلمك يا ابوي اتوحشتك جوي
فتحية بلهفة حمدالله علي سلامتك يا صقر يا حبيبي اتوحشناك جوي
صقر بحب وهو بيحضن امه الله يسلمك ياما وانتي كمان اوحشتك جوي والله واتوحشت ريحة اكلك اللي شاممها دلوك
فتحية بابتسامة حالا يا نور عيني الوكل هيكون جاهز بس هي مين دي يا صقر
صقر وهو بيدور بعنيه علي قمر دي مهندسة معمارية ياما هتشوف المصنع عشان رايدين نفتح فرع جديد
فتحية بابتسامة اهلا بيكي يا بتي اتفضلي
رغد بابتسامة اهلا بيكي يا حاجة اسفة لو عملتلكم ازعاج يعني
فتحية بلهفة وه متجوليش اكده يا حبيبتي ده بيتك ومطرحك ده انتي نورتي الصعيد
صقر كان سابهم وكان هيطلع لقمر بس لاقاها نازلة عالسلم فابتسم بتلقائية اول ما شافها وهي كمان ابتسمت ليه بفرحة بس رجعت بصت لرغد باستغراب وجه في بالها ان ممكن تكون دي البنت اللي بيحبها صقر وقالها عليها اول يوم جواز خرجت من شرودها علي صوت صقر اللي قرب منها بلهفة وهو بيتكلم
صقر بلهفة كيفك يا جمر علي الله تكوني زينة
قمر بابتسامة زينة يا صقر كيفك انت نورت دارك
صقر بابتسامة هو منور عشان انتي فيه يا جمر اتوحشتك
قمر بخجل متشكرة جوي احم هي مين دي يا صقر
صقر بتلقائية دي مهندسة جاية في شغل فجبتها معايا
قمر بتردد يعني جيتو مع بعض في العريية لوحديكم
صقر من غير قصد اكيد طبعا يا جمر اومال ههملها تيجي لوحدها
قمر بضيق لا عندك حج انا هروح اساعد اما فتحية
صقر بلهفة استني طيب انتي مستعجلة علي ايه مش هتيجي معايا تساعديني اغير خلجاتي احم اجصد يعني عشان محدش يعرف حاجة
قمر بزعل حاضر يلا بينا
ابتسم صقر بحب وطلع مع قمر وكان من جواه نفسه لو ياخدها في حضنه بس عاوز يتأكد من مشاعرها ناحيته الاول وحاجة جواه بتقوله انها مش باين عليها انها بتحبه بس كان بيكدب نفسه
.....................
دخل صقر الأوضة وبص لقمر اللي كان باين عليها انها مضايقة فتخيل انها زعلانة عشان طلعت معاه
صقر بهدوء جمر لو مضايجة عشان طلعتي معايا تجدري تنزلي وانا شوية وهحصلك
قمر باندفاع من غير ما تحس بنفسها صقر هي البنتة اللي جت معاك دي هي اللي انت عاشجها وجولتلي عليها
صقر استغرب فرد بهدوء هتفرج معاكي لو عرفتي
جمر بحزن مش عارفة ولا اجولك خلاص مش رايدة اعرف
كانت هتمشي قمر بس لحقها صقر ومسك ايديها ورد وهو باصص في عنيها بس انا رايد اعرف بتسألي ليه عن البنتة اللي عاشجها يا جمر
قمر بحزن جولي الاول هي ولا لا
صقر بغموض ايوة هي
قمر بدموع ربنا يسعدكم بعد اذنك انا هنزل
صقر وهو بيلف قمر ليه وبيمسح الدمعة اللي هربت من عنيها ودموعك دي ليه عشان جولتلك هي جوليلي يا جمر وريحي جلبي جوليلي حاسة بأيه ناحيتي
قمر بدموع معتقدش هيفرج معاك لو عرفت
صقر بتنهيدة بالعكس انا عشت معاكي التلات شهور دول علي احر من الجمر عشان اسمعها منك
قمر باستغراب كيف يعني مش فاهمة
صقر بابتسامة

خلاص يا جمري مبجتش جادر وهجولك انا طالما انتي
بتداري عني
قمر باستفهام هتجول ايه مش فاهمة يا صقر
صقر بهيام انك عاشجك انتي يا ست البنتة من وجت ما شوفتك في الشارع ماشية لحالك وعيونك وجتها اسرتني جريت جولت لابوي يخطبك ليا بس وجتها جلبي اتكسر لما عرفت انك مكتوب كتابك جولت يا صقر خلاص اتكتب عليك تعيش تعيس طول عمرك وفي لحظة لجيت ربنا جبر بخاطري وبجيتي مرتي واني حتي معرفش ان البنتة اللي اتجوزتها عشان اجف جارها واحميها من ابوها تطلع هي البنتة اللي اني عاشجها
قمر پصدمة صقر انت بتتكلم جد اني البنتة دي اومال ليه جولتلي ان البنتة دي هي اللي انت عاشجها
صقر بابتسامة عشان اعرف من رد فعلك انتي عاشجاني ولا لا رايداني كيف منا رايدك ولا لا
قمر بتلقائية ومجولتليش ليه من وجت ما عرفت وشوفتني
صقر بعشق عشان اديكي فرصة تعرفيني وتعشجيني يا جمري
قمر بابتسامة وده اللي حصل يا صقر انا في الكام شهر دول كنت كل يزم بتعلج بيك اكتر كاني مسئولة منك وكأنك ابوي وامي واهلي كلهم
صقر بسعادة وهو مش مصدق يا ابوووي ده اسعد يوم في عمري يا جمر انا مش مصدج حالي بعشجك يا جمر بعشجك وربنا
قمر بخجل مش اكتر مني يا صقر
تمت