اختيارك الوحيد بقلم زهرة الربيع

مستعد تعمل اي حاجه وما تخسرنيش صح
عامر شدها عليه بقوه وهو بيبص لعيونها وقال ....اي حاجه والله اؤمريني امر اهم حاجه تسامحيني
سلمى ابتسمت له برقه وقالت..... انا هسامحك انك اتجوزت
عليا من غير ما اعرف بس انت في المقابل هتختارني وهتطلق الحربايه اللي تحت قلت ايه
عامر اتنهد بضيق شديد وبعد عنها وقال ...مش هينفع
سلمى استغربت وقالت ... ومش هينفع ليه بقى
عامر اتنهد وقال ...مش هينفع وخلاص يا سلمى
سلمى
قالت پغضب.... لا بقى مش هسكت اكتر من كده ما هو انت لازم تحكي لي يعني ايه مش هينفع وخلاص ما هو انت لو مش بتحبها زي ما بتقولي المفروض تطلقها الا اذا كنت بتضحك عليا بقى
عامر اتنهد وقال.... اقسم بالله ما بحبها
سلمى قالت پغضب.... يا ربي هيجنني مدام مش بتحبها سايبها معاك ستبن يعني ولا ايه
عامر ضحك وقال .....لا انا راضي بالانبوبه اللي معايا هيه صحيح ھتنفجر في وشي دلوقتي بس بعشقها لما بتتنفخ كده وخدودها تحمر
سلمى قالت بضيق.... ما تغيرش الموضوع يا عامر مفيش راجل بيحب اثنين لو مش بتحبها ومش عايزها يبقى تطلقها يا اما بقى تطلقني انا يا اما الاختيار الثالث تحكي لي في ايه وده اخري معاك بقى
سلمى اتسعت عنيها پصدمه وعامر كمل وقال....انا لو عليا كنت سبت لها الشركه باللي فيها ومشيت وما اهتمتش ....بس دي شركة ابويا الله يرحمه هو فنى عمره عشان يعمل الشركه دي وسلمها لي وسلم روحه وعرقه وكل حياته فيها سبها لي انا وامي علشان ما نحتاجش لحد علشان تكفينا وتعيشنا كويس كانت حلمه وطموحه وايام حياته ما قدرتش اسيبها بالسهوله دي ....روحتلها عشان اتفاهم معاها
قالت لي ....انها مستعده تسيبني ادير الشركه زي الاول يعني ادير الاسهم بتاعتها هناك من غير ما حد يعرف ان الشركه ما بقتش ليا من الاساس بشرط واحد اني اتجوزها
سلمى كانت بتسمعه بدهشه وعامر قال بحزن ....هيه بتقول انها بتحبني وكلام فاضي كده بس انا مش فاهم هتستفيد ايه مش عارف يعني انا لا بقرب لها ولا بحبها ولا بروح عندها حتى مش فاهم هيه عايزه ايه بالظبط بس كل اللي فاهمه اني مش هقدر اخسر كل ده...انا ممكن ابيع الدنيا كلها علشانك يا سلمى بس عشان امي ابويا اتجوزتها ما قدرش ابقى اناني ...مقدرش اواجهه امي دي لو عرفت اني ضيعت الشركه هتروح فيها دي الحاجه الوحيده اللي بقيا لها من ابويا
بقلم...زهرة الربيع
سلمى سمعتو للاخر وهيه مصدومه وقربت منه وقالت... ليه ما حكيتليش ليه ما قلتليش كل ده قبل ما نتجوز
عامر نزلت دمعه من عيونه وبص لعيونها وقال ....افرض رفضتي تفضلي معايا.... اعيش ازاي من غيرك انتي حياتي
عامر قرب منها وقال.... يعني انتي بجد مصدقاني لو مش مصدقاني روحي اساليها او اسألي المحامي وحمدي مدير مكتبي هو عارف كل حاجه او
سلمى قاطعته وقالت بسرعه... انا سألت قلبي قبل كل ده وهو قال لي انك بتحبني واكيد في سبب للي عملتو وانا معنديش حد اوثق فيه اكتر منك يا عامر
في صباح يوم جديد قامت من النوم ابتسمت بسعاده على لهفته واشتياقه ليها امبارح وكلامه الجميل بس اختفت ابتسامتها لما افتكرت كلامه عن غاده واللي عملته
وقفت پغضب واخذت هدوم وراحت على الحمام استحمت ولبست وطلعت على اوضة غاده فورا قبل ما عامر يصحى غاده قامت من النوم على صوت خبط على الباب فتحت عينها بنوم و راحت تفتح وهي
متضايقه بس اتفاجئت بسلمى قدامها وووو
يلا يا بنات تفاعل حلو علشان نكمل حبيباتي