رواية ستبقى حبيبي كاملة الفصول بقلم راجية الجنة

بالنصيب يا سولا ومحدش عارف الخير فين
سيسيل ونعمة بالله بس انا مش عارفه ليه كل ده بيحصلي
ايات محدش عارف الغيب .. ربنا مش بيعمل شړ .. اهدي بقي هقوم اعمل كوبايتين شاي في التلج اللي احنا فيه ده
سيسيل وهي تجفف دموعها ماشي
ذهبت ايات لعمل كوبان من الشاي وعادت الي الغرفه وجدت سيسيل تجفف ملابسها
ايات مش هينفع كده هاتي انشرهم ع الصبح يكونوا نشفوا ان شاء الله معتقدتش انها تمطر تاني
سيسيل ماشي
دخلت ايات الي الشرفه لتنشر ملابس سيسيل وفوجئت برودينا تقف في الشرفه
ايات بت يا رودي وحشتيني
رودينا ماهو انتي ندله انتي والبت التانيه دي لا بتسألو ولا بتعبروا ولا كأن البلكونه في وش البلكونة
ايات والله انا برجع متأخر والتلج ده عايز نوم وانتي بترجعي متأخر وسيسيل شرحة
رودينا البت سولا دي وحشتني جدا ھموت واشوفها هي عندك
ايات اه عندي
رودينا طب نادلها عايزة اشوفها
دخلت ايات وقامت بنداء سيسيل ودخلت لهم الشرفه
رودينا يخربيتك انتي بقيتي عامله زي الموميا كده ليه وعينك مالها وارمة كده هو شغل الطب بيعمل كده
سيسيل طب قولي ازيك الاول مش يخربيتك
رودينا انتي مش بتبصي في مرايه ولا ايه فين سيسيل المشرقه ده احنا كنا بنحسدك ع اشراقتك ايه اللي انتي فيه ده
سيسيل يلا الزمن بقي هناخد زمنا وزمن غيرنا
رودينا عندك حق يا تيته ضحك الجميع ولكن سيسيل اكتفت بابتسامة رقيقه
سمع صوتها من الداخل خرج ليراها فهو ايضا لم يرها من زمن
ادم يااااااااااااااه وشك ولا القمر يا سولا بقالنا كتير مشوفناكيش
سيسيل پقهر الدنيا تلاهي
ادم اه بس محدش بيتلهي عن حبايبه ولا ايه
سيسيل بۏجع
من هذه الكلمة بعد اذنكم علشان ارتاح شويه
ادم وهو ينظر لسيسيل سيسيل
سيسيل نعم
ادم انا اتعينت عندكم في المستشفي معرفتيش
سيسيل بۏجع يعصر قلبها عرفت .. مبروك
ادم الله يبارك فيكي هشوفك كل يوم هناك
سيسيل بعد اذنك .. تصبح ع خير
ادم بحزن وانتي من اهله
دخلت سيسيل ولكنها تركت باب شرفتها مفتوح وبعد قليل سمعت الحان الجيتار تعزف من قبل ادم وكان يدندن بصوت مسموع مع الحانه كلمات اغنيه انا
مصمم
انا زعلتك فى حاجه طب ايه يا حبيبى هيا
بتدارى عينك ليه لما بتييجى فى عنيا
وحكايتك بس ايه فيك حاجه مش عاديه
قولى يا حبيبى حاجه متصعبهاش عليا
انا مصمم مش ماشى قبل ما تتكلم
ما اقدرش اسيبك تتالم ساكت يا حبيبى ليه
انا ضايقتك طب قلت حاجه متتقالش
مش ماشى ولا اسيبك تمشى قبل ما افهم فيه ايه
قولى حبيبى بصراحه ومشاعرك ليا سيبها
الدمعه اللى فى عيونك عرفنى ايه سببها
عنيك فى عنيا لكن حاسس بمسافه بيننا
فى حاجات غالية علينا بتضيع يا حبيبى منا
عايز تعاتبنى عاتب طب ليه عمال تفكر
ماهو ده الوقت المناسب قبل الاحزان ما تكبر يا حبيبى سايبنى ليه
عايش فى الحيرة ديه
وان كانت غلطه منى يبقى حقك عليا
كانت تسمع عزفه ع الجيتار وتبكي پقهر فكيف لها ان تقول انك كسرتني ذبحتني قتلتني يا حبيبي .. قټلت قلبي الذي احبك پجنون .. وعقلي الذي تعلق بك ولا
استطيع ان احيا بدونك .. فكيف لي ان اراك مع من احتلت مكاني فكيف لي ان اري نظرات الحب والشوق في عينيك لها واسمع كلمات الحب المعسول التي
ستقولها كل يوم لغيري .. فكيف لي ان اتحمل هذا العڈاب وحدي .. يالله فليس لي سواك .. رحماك يا ربي
ظلت تستمع لكلماته والحانه حتي انتهي هو من من عزفه وسمعت صوت غلق الشرفه ولكنها بدأت تبكي وتبكي حتي غلبها النوم
الفصل الخآمس عشر
ستبقي حبيبي
في صباح اليوم التالي استيقظت سيسيل وحاولت ان تنسي ما حدث في الامس دخلت الي المرحاض واخذت حماما دافئ وصنعت كوبا من الشاي بالحليب وارتدت بنطال اسود من الجبردين الواسع وشميز باللون الوردي وارتدت جاكيت من الجينز القصير الاسود وغادرت المنزل متجهه الي المستشفي ولكنها توقفت قليلا امام باب المستشفي واخذت نفسا عميقا ودعت الله ان يوفقها في النسيان وان تستطيع ممارسه حياتها وذهبت الي غرفه تغير الملابس ولكنها وجدت باقه من الزهور علي الخزانه الخاصه بريم ومعها بطاقه امسكت بباقه الزهور وفتحت البطاقه وجدت مكتوب بها صباح الخير علي احلي عيون .. آدم .. بحبك
اعتصر قلبها وهي تقرأ تلك الكلمات ونزلت منها دمعه حارة كوت قلبها قبل وجنتيها وتركتهم في مكانهم وبدلت ثيابها وخرجت لتنتظر سحر في استقبال قسم الجراحة ظلت منتظرة حتي تجمع المتدربين اجمع وكانت من بينهم ريم وكان وجهها مشرق ملئ بالحب والحيويه اما سيسيل فكانت عيونها ذابله ووجها شاحب
ريم سولا انتي كويسه
سيسيل وهي تخرج نفسا عميقا حار اه كويسه
وقطع حديثم مجئ سحر اليهم
سحر شباب في اجتماع عند رئيس الاطباء كمان 10 دقايق يلا كله يحضر نفسه
ظلوا جميعا واقفين منتظرين موعد الاجتماع
ريم سيسيل هو انا عامله حاجة مزعلاكي مني
سيسيل ريم ارجوكي انا مش قادرة اتكلم في اي حاجة دلوقتي
ريم ماشي يا سولا
سحر يلا يا شباب
دخلوا جميعا الي غرفه الاجتماعات وبدأ رئيس الاطباء في تعريفهم لأدم
د. عادل احب اقدملكم يا شباب دكتور ادم وهو هيكون معاكم في قسم الجراحة لانه متخصص قلب وياريت تتعلموا منه ع اد ما تقدروا
بدأ الجميع في الترحاب به الا سيسيل اللتي كانت تطأطأ راسها دوما حتي لا تنظر له ولا تري عينيه وانسحبت سيسيل بهدوء وخرجت من الغرفه دون ان يشعر بها احد ولكن شعر بها رامي رحب بأدم وبارك له واستأذن وخرج خلفها ليري ما بها
رامي سيسيل
سيسيل بحزن ايوة يا دكتور
رامي فاضيه نتكلم شويه
سيسيل اتفضل يا دكتور
رامي طب تعالي اعزمك ع قهوة
سيسيل اوك
ذهبت سيسيل برفقه رامي الي كافيتريا المستشفي وطلب لها كوبا من العصير وطلب لنفسه فنجان من القهوة
رامي ظل صامتا وهي صامته واكتفي بالنظر اليها
سيسيل هتفضل ساكت
رامي مش عارف حاسس ان جواكي سر كبير اوي ونفسي اعرف ايه هو
سيسيل مفيش اسرار ولا حاجة بس شويه مشاكل
رامي مش احنا اصحاب
سيسيل اه طبعا
رامي انتي تعرفي ادم قبل كده
سيسيل بۏجع اه متربيين سوا
رامي طيب المفروض دي حاجة تفرحك ان حد انتي تعرفيه وكمان نفس تخصصك معاكي في نفس المستشفي علي الاقل هيهتم بيكي ويحاول يعلمك كل اللي اتعلمة
سيسيل وهي تشعر بغصه في حلقها عادي يعني .. الاولي يهتم بخطيبته ماهي نفس التخصص
رامي باستفهام مين خطيبته
سيسيل ريم
رامي باستغراب هي ريم خطيبه ادم
سيسيل ايوة
رامي ااااااااااااه تمام .. بس برضه حلو ريم صحبتك وادم زي اخوكي يعني حلو ايه اللي مزعلك
سيسيل بۏجع انا اخويا زياد وبس .. بعد اذنك يا دكتور اشوف شغلي علشان دكتورة سحر متتعصبش عليا
رامي اتفضلي ياتري ايه اللي بينك وبين ادم .. مجرد بس متربيين سوا ولا في حاجة تانيه .. وانت مالك مشغول بيها ليه انت بتحبها ولا ايه .. مش عارف اول مرة ما ابقاش فاهم نفسي كده لما ببقي قدامها ببقي نفسي اطلع كل اللي جواها واريحها واحسسها بالسعاده .. ممكن يكون ده حب
ذهبت سيسيل الي سحر وجدتهم خارجين من غرفه الاجتماعات والتفوا جميعا حول سحر لتوزيعهم ووزعت الجميع علي الغرف والمړضي وكانت ريم اليوم برفقه ادم لتعمل معه وسيسيل مع سحر في الاسعاف
بدأت سيسيل تري عملها ولكنها كانت تشعر بملل لان ليس هناك حالات اليوم في الاسعاف كانت تجلس علي المقعد وتشعر بملل كانت تسير في الغرفه ذهابا ومجيئا مرت الساعات طوال دون عمل ولكن اشارت الاجهزة بان هناك حاله في الاسعاف ركضت سيسيل الي الخارج لتري الحاله واخذت البيانات من المسعف وبدأت بعمل اللازم
سحر سيسيل بسرعه شوفيلي فين دكتور ادم
سيسيل وهي تركض حاضر
ركضت سيسيل باحثه عن ادم وعلمت انه في كافيتريا المستشفي ركضت له ولكنها وقفت مكانها عندما رأته مع ريم وكان يطعمها في فمها وممسكا يدها هبطت منها دموعها رغما عنها وسقطت مغشيا عليها
انتفض ادم من مكانه اثر وقوعها وحملها ولكنه سمع نداء بأسمة وكان يسير رامي ورأي ادم يحمل سيسيل ركض رامي وحمل منه سيسيل وركض بها الي احدي الغرف ليقوم بافاقتها وظل جالسا بجوارها ومعه ريم
سيسيل وهي تحاول النهوض ااااه
رامي ارتاحي يا سيسيل ياريت متتحركيش
سيسيل انتوا حاطنلي ايه
رامي دي محاليل ضغطك كان واطي جدا
ريم پبكاء الف سلامة عليكي يا سولا كده تخضينا عليكي
بدأت سيسيل بالبحث عنه في انحاء الغرفه بعينيها ولكنها لم تجده
سيسيل انا كويسه .. كانو عايزين ادم في الاسعاف
ريم هو راح ارتاحي انتي بس
غمضت سيسيل عيناها من شدة الام التي تشعر به فهي تشعر بصداع رهيب
جاء اليها ادم مسرعا ودخل الي الغرفه الموجوده بها سيسيل
ادم بلهفه سيسيل انتي كويسه
سيسيل وهي تشعر باحساس رهيب يجتاحها اه كويسه
ادم كده تقلقيني عليكي
سيسيل بنظرات مليئه بالحب متقلقش اانا كويسه
رامي پحده خلاص يا دكتور مايبقاش قلبك ضعيف كده دي مش اول مرة
ادم يعني ايه مش اول مرة
رامي يعني انا عن نفسي اتعودت من سيسيل ع كده
ادم هي حصلها اغماء قبل كده
رامي اه امبارح
ادم بعصبيه وموجها حديثه لسيسيل انتي طول عمرك مهمله في نفسك وياتري بقي في البيت عارفين ولا لاء .. انا ليا كلام تاني معاكي ولازم يوسف يعرف باللي حصل ده .. طول ما انا هنا في المستشفي مش هسمح بده يحصل ابدا انتي فاهمة ولا لاء
ريم خلاص يا ادم حصل خير هي بقت كويسه
ادم انتي حسابك معايا حاجة تانيه علشان مقولتليش امال اصحاب ايه بقي
ريم انا والله ما اعرف انها اغمي عليها امبارح
ادم حسابي معاكي عسير يا سولا ثم تركهم وذهب
فرحت سيسيل لاهتمامه بها فقد عاد حبيبها ادم تذكرت كيف كان يهتم بها وېخاف عليها من الهواء تنهدت بقوة وابتسمت ابتسامة رقيقه تعبر عن الرضا ولكن قطعها من سعادتها ريم
ريم متزعليش يا سولا من ادم هو بس خاېف عليكي انا ههديه متقلقيش
نظرت لها سيسيل نظرة مليئه بالڠضب ولكنها سريعا ما اخفضت عينها عنها
كان رامي يتابع الموقف في صمت
سيسيل ع فكرة ممكن تشيل المحاليل دي انا بقيت كويسه
رامي واضح انك بقيتي كويسه
بدأت سيسيل بخلع المحاليل من يدها وقامت لتمارس عملها وذهبت الي سحر
سحر وهي تنظر لها نظرات متفحصه انتي كل يوم كده يغمي عليكي
سيسيل وهي تتنفس بعمق انا اسفه اخر مرة
سحر اتمني انها تكون اخر مرة وياريت نهتم بنفسنا شويه وننسي اي تاثيرات خارجيه جوة الشغل
سيسيل حاضر
سحر جهزي نفسك هتدخلي العمليه مع دكتور ادم انتي وريم
سيسيل حاضر
بدأت سيسيل في
تجهيز نفسها لدخول العمليه دخلت الي المرحاض
سيسيل وهي تعطي لنفسها القوة لازم تقدري تواجهي .. مش هتفضلي طول عمرك هربانه من الواقع .. خلاص هو خطيبها وهي خطيبته .. وانتي لازم ترجعي لطبيعتك علشان تحققي هدفك وحلمك .. متخليش حاجة تكسرك مفيش حاجة تستاهل انك تضيعي نفسك علشانها .. شغلك اهم من اي حاجة تانيه .. شغلك يا سيسيل وبس
اخذت نفسا عميقا واخرجته بقوة كأنها تخرج كل الالام التي بداخلها ودخلت الي غرفه العمليات وكانت تري ماذا يفعل ولكنها شعرت برعشه خفيفه علي ريم وعندما نظرت لها وجدتها تغمض عيناها وبشده ولاحظ هذا ايضا ادم
ادم سيسيل خدي مكان ريم .. وانتي ياريم اخرجي بره
ريم بتعب انا كويسه
ادم قولت بره
خرجت ريم وجلست علي الكرسي حتي انتهوا من انهاء العمليه وخرجوا لها
ادم في ايه ياريم مالك
ريم عادي كويسه الحمد لله بس كنت حاسه بشويه صداع
سيسيل طيب كلي اي حاجة
ادم ما احنا كنا لسه بناكل لاقيناكي اغمي عليكي
سيسيل اسفه معلش قطعت عليكم الاكل
ادم متقوليش كده يا سيسيل سلامتك اهم من اي حاجة تانيه
سيسيل حتي تداري كسوفها من كلامة طيب تعالي نروح الكافيه اللي جمب المستشفي انا وانتي ناكل اي حاجة في البريك
ادم طب يلا روحوا وانا هخلص شويه شغل هنا مع الادارة واجيلكم اهو نفطر سوا ولا نتغدي بقي دي الساعه داخله ع 3
ريم اوك
ذهبت سيسيل برفقه ريم الي الكافيه الذي بجانب المستشفي ع البحر وجلسوا
جاء النادل وطلبوا الاوردر وظلوا جالسين صامتين وكانت سيسيل شاردة
سيسيل ريم صحبتك يا سولا وهي تستاهل كل خير .. مش ذنبها انها اتخطبت لحبيبك .. لاهي كانت تعرف ولا هو كان يعرف .. لازم ترضي بالامر الواقع .. بلاش تخسري كل حاجة .. بلاش تخسري حبك
واصدقائك .. لو معرفتيش تكسبي ادم كحبيب اكسبيه كصديق .. ادم بيحبك وبيخاف عليكي .. من واحنا صغيرين وهو مش بيتحمل عليكي اي حاجة وحشه .. بلاش انتي تبقي وحشه وتعامليه المعامله دي .. خليكي قريبه منهم وتكوني سبب سعادتهم .. عمرك ما كنتي انانيه يا سولا لازم تفضلي كده .. وسعادتك هتلاقيها قدام .. محدش عارف ربنا مخبيلك ايه ولكن قطع شرودها مجئ النادل ووضع الطلبات
كانت ريم تنظر لسيسيل فتجدها شاردة فتصمت ولكنها وجدت سيسيل تبتسم لها ابتسامة رقيقه
سيسيل انا اسفه
ريم اسفه ع ايه
سيسيل ع معاملتي الوحشه الفترة اللي فاتت
ريم انا عذراكي حبيبتي اكيد كان في حاجة مضيقاكي لو انا مش اتحملتك مين هيتحملك
سيسيل ربنا يخليكي ليا ياريم
ريم ويخليكي ليا حبيبتي واللي فات انا نسيته خلاص
سيسيل تسلميلي حبيبتي
وبدأو في تناول طعامهم
سيسيل مش هتستني ادم
ريم انا بصراحة جعانه عايزة تستنيه انتي استنيه
سيسيل اه هستناه علشان هو مش بيحب ياكل لوحده
ريم انا بقي هاكول
كانت ريم تأكل وبعد انتهائها من وجبتها
سيسيل اهو جه اهو مش لو كنا استنيناه بقي كانت هيبقي شكلها حلو
ريم خلاص بقي ابقي كولي انتي معاه
ادم كلتوا من غيري
سيسيل انا مستنياك اهو والله
ادم بحزن وانتي ياريم كلتي من غيري
ريم كنت جعانه وانت اتأخرت
ادم ماشي
جلس ادم بجوار ريم وامام سيسيل
ادم طيب انا هاكول ايه بقي
سيسيل انا طلبت ليا وليك جبتلك المربي بالقشطة اللي بتحبها
ادم ربنا يخليكي ليا يا سولا عارفه الحاجات اللي بحبها
سيسيل ويخليك
ادم بزعل مفيش ليا
سيسيل بحب ويخليك ليا
ادم ايوة كده ناس متجيش الا بالعين الحمرا
بدأ الجميع في الضحك وقامت سيسيل بتناول طعامها وكان هو يأكل دون النظر الي احد
ريم بالراحة يا ادم محدش بيجري وراك
سيسيل وهي تنظر اليه ادم مياكولش كده غير لما يكون جعان اوي
ادم والله يا سولا ھموت من الجوع
سيسيل اطلبلك تاني
ادم لاء كفايه كده علشان طنتك نجلاء عامله انهاردة محشي
سيسيل