رواية ستبقى حبيبي كاملة الفصول بقلم راجية الجنة

الجلوس امامة وشردت في حبيبها ودنيتها وقدرها هل القدر سيعطيني ما اتمني هل سيكون من نصيبي يوما هل سيشعر بحبي له هل ساحيا معه باقي عمري وحياتي كل هذه الاسئله كانت تدور بخلدها ولكنها فاقت ع صوت صړاخ ووجدت شابا يحمل فتاه من الماء ويجلسها علي شاطئ البحر ولكن الفتاه كانت مغيبه
الشاب بصوت عال يا جماعه حد يطلب الاسعاف
سيسيل مسرعه انا دكتورة
الشاب كانت هتغرق ارجوكي ساعديها
بدأت سيسيل بالضغط علي صدرها لتخرج الماء وبدأت في عمل تنفس الاصطناعي لها حتي بدأت البنت في الافاقه وهي تسعل
سيسيل انتي كويسه
البنت باعياء وتهز رأسها بنعم
سيسيل الحمد لله جت سليمة .. بعد اذنكم
ذهبت سيسيل وعادت الي مقعدها وشردت مرة اخري في هذا العالم الغريب ولكن قطع شرودها مرة اخري
ادم كنت عارف اني هلاقيكي هنا
سيسيل بفرحة ادم
ادم انا مش عارف ايه حبك في المكان ده مع انه مكان مليان كوارث
سيسيل علشان كده بحبه
ادم بضحة تذيب الحجر بتحبيه علشان كنتي هتغرقي فيه
سيسيل بتنهيدة لاء علشان انقذتني فيه
ادم وهو يغير مجري الحديث اه علي فكرة كلهم جايين بس انا قولت اسبقهم اجي اخضك
سيسيل وهي تشعر بوخز في قلبها تمام لماذا يغير مجري الحديث هكذا .. لما اشعر انه يتهرب من حديثي معه .. هل يشعر بحبي ولا يريد ان اتعلق به . لا كيف تفكر في هذا ايها العقل اللعېن .. فادم لي وليس لسواي ولكنه يحترمني ولا يريد التحدث في هذا الشأن .. او انه لا يقصد بهذا شئ .. فهو يحبني مثلما احبه ولكنه يخشي من الاعتراف نعم هو كذلك .. لمتي ايها القلب ستعطيه الاعذار فلا يتحدث معك ابدا .. لا يتحدث ولكنه بعيناه ليس بلسانه فعيناه تحمل الكثير من الكلام اشعر بهذا ..
ولكنه قطع شرودها
ادم هااااي روحتي فين
سيسيل هه ولا حاجة معاك اهو
ادم اللي واخد عقلك
سيسيل انت اللي واخد عقلي وقلبي وكياني
ادم وهو ينظر لبعيد جم اهم هروح اناديهم علشان ميعرفوش المكان
سيسيل اوك
ذهب ادم يخبرهم علي مكان سيسيل وجاءوا وجلسوا جميعا والتفوا حول الطاوله امام البحر وجاء الشاب ليشكر سيسيل علي معاونته لانقاذ الفتاه
الشاب انا متشكر جدا يا دكتورة علي اللي عملتيه
سيسيل انا معملتش حاجة ده واجبي
الشاب وهو ينظر لسيسيل نظرة اعجاب فرصه سعيده يا
سيسيل سيسيل
الشاب سامح
سيسيل فرصه سعيده يا استاذ سامح
وتركهم سامح وعاد الي طاولته مرة اخري ولكنه لا يهبط عينيه من علي سيسيل
يوسف پحده مين ده
سيسيل ده واحد انقذت حد من قرايبه او اخته حاجة زي كده
يوسف پحده وانتي اي حد كده تقوليله اسمك
سيسيل الراجل جاي يشكرني اقوله ايه يعني
اسماعيل ايه يا جو خف ع البنت شويه هي مش قصدها حاجة
يوسف معلش يا عمو بس مينفعش
ادم ايه يا ابني في ايه مش للدرجة دي يعني ما احنا كلنا قاعدين
يوسف شوف بيبص عليها ازاي
ادم ماتلفتش انتباهه بقي لينا
يوسف بعصبيه ملفتش انتباهه ده ع اساس انه نزل عينه من عليها اصلا
اسماعيل بضحك ليه حق بصراحة في واحد يشوف واحدة زي العسل كده وكمان دكتورة ومينزلش عينه من عليها وبعدين انت مالك ما تخلي البت تاخد حريتها انت هتوقف حالها
ادم بحدة ايه يا بابا يوقف حالها دي سيسيل الف واحد يتمناها هي بس تشاور
كانت سيسيل ستزغرط فرحا من تلك الكلمات فهو اسمعها اعذب القصائد واحلي الكلمات فكيف لا تفرح فها هي اول مرة يغازلها هكذا واول مرة ينشد في حقها هكذا لقد كانت ستقترب علي انه لا يحبها ولكن الان بعد سماعها تلك الكلمات فهي تأكدت انه يحبها ولكنه لايريد الاعتراف لها الان يا الله كم انت رحيم بعبادك فجعلتني اعرف مقدار حبه لي
حنان خلاص بقي يا يوسف قفل ع الموضوع
يوسف ماشي يا ماما
اسماعيل يلا بقي نتغدي لحسن واقع من الجوع عاملنلنا ايه
نجلاء جايبين سندوتشات
كانت سيسيل تختلس النظر الي ادم وتشرد في عينيه وكان هو ايضا ينظر لها وكان يشرد في ملامحها ولكن سرعان ما يفيق هو وتفيق هي من شرودها
ادم انا هنزل الميه مش هتنزل يا جو
يوسف بعصبيه لاء
نزل ادم وحده الماء وغطس برأسة اسفل المياه وشرد وهو تحت الماء
ولكنه شعر بتناقص في الهواء وصعد سريعا الي سطح الماء
ظل عائما بين امواج البحر وكانت هي في عالم اخر عالم ادم الملئ بالافراح فششعرت ان النهايه قد قربت لا انها ليست النهايه بل البدايه بدايه حب حقيقي سيجمعها بيتا تكون هي اميرته ويكون هو ملكها وكل حياتها
وانقضي اليوم بين العائلتين وعادوا الي منازلهم ولكن سيسيل كانت تشعر بانها تملك العالم اجمع فكيف لا تشعر بالسعاده وهي تشعر بالحب تجاه انسان يبادلها نفس الاحساس فكيف لها ان تشعر باي شئ ومشاعرها واحاسيسها له هو وحده وذهبت الي فراشها وغطت في نوم عميق
في صباح اليوم التالي استيقظت سيسيل مبكرة ودخلت الي المرحاض لتأخذ دش وتزييل اثار النوم من عليها وبدلت ملابسها الي بنطال من الاسود الواسع وشميز احمر قصير وحذاء رياضي احمر ورفعت شعرها بتوكة باللون الاحمر وتركت غرتها تزين وجهها وكانت تشرب كوب الشاي بحليب في الشرفه وكان اسماعيل يتصفح الجرائد ويشرب قهوته الصباحيه في الشرفه
سيسيل صباح الخير يا عمو
اسماعيل ياصباح الفل يا حبيبه عمو ارحمينا يا سيسيل بالحلاوة اللي بتزيد كل يوم دي
سيسيل بغرور دي اقل حاجة عندي
الاثنين ههههههههههههههههههههههههه
اسماعيل ماشي يا ستي
سيسيل اخبار الجرايد ايه انهاردة
اسماعيل زي امبارح ولا اي حاجة جديدة
سيسيل يلا الحمد لله امال ادم مسافر امتي
اسماعيل مسافر الضهر
سيسيل صحي ولا لسه
اسماعيل لاء لسه نايم
سيسيل ماشي ابقي سلملي عليه بقي ويروح ويرجع بالسلامة
اسماعيل الله يسلمك يا حبيبتي
سيسيل يلا يا عمو بعد اذنك علشان متأخرش
اسماعيل بالتوفيق يا حبيبتي
تركته سيسيل ودخلت الي الداخل ثم هبطت الي اسفل واستقلت سيارة اجري الي المستشفي ودخلت الي المستشفي لتبدأ عملها وقابلت ريم
سيسيل بفرحة ريمو حبيبي
ريم ازيك يا سولا
سيسيل تمام انتي اخبارك ايه
ريم الحمد لله تمام يلا بسرعه نغير قبل ما دكتورة سحر تيجي لحسن دي خنقه
سيسيل عندك حق يلا بسرعه
بدلوا ملابسهم الي ملابس المستشفي وذهبوا الي مكان التجمع ورأوا شاهنده
سيسيل ازيك يا شاهي
شاهنده تمام يا سيسيل محدش بيشوفكم
سيسيل ده ع اساس اننا بنشوفك
ريم بس بس دكتورة سحر
سحر سيسيل انتي انهاردة مع دكتور وائل بسرعه ع مكتبه
سيسيل حاضر
ركضت سيسيل الي دكتور وائل في غرفته
سيسيل بعد ان دقت الباب وسمح لها بالدخول تحت امرك يا دكتور
وائل ياريت تجبيلي القهوة بتاعتي
سيسيل باستغراب نعم
وائل زي ما سمعتي وفي ثواني تكوني قدامي مش بحب اعيد الحاجة مرتين
سيسيل وهي تستنشق الهواء حاضر
ذهبت سيسيل مسرعه الي الكافيتيريا وجاءت له بالقهوة الخاصه به ووضعتها ع المكتب
سيسيل خدمة تانيه
وائل اه وضبي الملفات دي في مكانها لحد ما اخلص قهوتي علشان نشوف المړضي
سيسيل يارب صبرني حاضر
بدأت سيسيل في ترتيب الملفات
وكانت قبل ان تكمل باقي الملفات
وائل قام من مكتبه وقال لها
يلا
سيسيل بس لسه مكملتش باقي الملفات
وائل بحدة لما اقول يلا يبقي يلا يتعملو وقت تاني
ذهبت سيسيل برفقته وبدأو في فحص المړضي وكان يعاملها معامله قاسيه فوائل انسان فظ في تعاملاته مع الاخرين
ومر اليوم ع سيسيل كانه دهر كامل بسبب غلاظة وائل وفي انتهاء اليوم تقابلت ريم مع سيسيل
ريم عملتي ايه انهاردة
سيسيل بزهق كنت مع واحد حيوان
ريم وائل ده اغبي دكتور شوفته في حياتي بس سمعت انه مسافر قريب
سيسيل احسن .. وانتي عملتي ايه
ريم كنت انهاردة مع دكتور رامي شخصيه بجد مفيش زيها انسان محترم جداااا ودخلت معاه العمليه كمان
سيسيل يا بختك انا الحيوان مرضيش يدخلني العمليه ال ايه ادائك مش عاجبني حيوان
ريم يلا ربنا معانا
سيسيل يارب
ريم يلا سلام هركب الاوتوبيس ده
سيسيل اوك سلام
وعادت سيسيل الي منزلها مجهده متعبه تناولت غدائها وبدأت تقص لهم عن يومها المتعب مع وائل
يوسف معلش يا حبيبتي انتي في فترة تدريب يعني تحت رحمتهم لازم تعملي كده واكتر علشان بس يدوكي الفرصه انك تتعلمي
سيسيل والله يا جو عملت كل حاجة مطلوبه مني بس هو انسان مستفز
يوسف معلش يلا ادخلي ريحي شويه تلاقيكي تعبانه طول النهار
سيسيل جدااااااااااااا
يوسف طب يلا قومي
دخلت سيسيل الي فراشها لكي تنام ولكن دائما كانت صورته امامها لم تستطع النوم فبدأت في تصفح حسابها علي موقع التواصل الاجتماعي وبدأت تري الصفحة الخاصه بأدم فكان واضعا صورته فبدأت في تصفح صورة الشخصيه وكانت تقف عند كل صورة وتتذكرها جيدا ووجدت له مجموعه من الصور في لندن فكيف لم يخطر لها بال ان له مجموعه من الصور علي هذا الموقع ولم تتصفحة من قبل كانت تتصفح الصور وجاءت بصورها معه وبدأت تحلم وتشردحتي غلبها النوم وهي تشاهد صورة لهم دخلت ايات عليها وجدتها نائمة غطتها بفراشها واغلقت الحاسوب الشخصي لها ونامت هي الاخري.
رواية ستبقى حبيبي.
بقلم الكاتبة راجية الجنة.
الفصل العآشر
مرت الايام عاديه علي جميع ابطالنا .. ولكن كان الجميع ينشغل بتحضيرات الخطوبه.. فكانت تقوم ايات وسيسيل بمساعدة رودينا في تجهيز حفل الخطوبه.. من كوافير وفستان وديكورات للكوشه والخطوبه .. فكانت تنزل معها سيسيل وايات يوميا بعد مواعيد عملهم .. حتي جاء يوم الخطوبه وكانت حفله مقامة في منزل رودينا
كانوا الفتيات الثلاثه عند الكوافيرة لتقوم بعمل اللازم لهم
كانت رودينا ترتدي فستان الخطوبه باللون النبيتي ..وكانت ايات ترتدي فستان طويل باللون الذهبي
اما سيسيل فكانت ترتدي فستان قصير بدون اكمام ضيق الي اسفل الصدر وواسع الي اعلي الركبه بقليل من الستان باللون الزهري .. وترتدي حذاء باللون الزهري من الستان وكانت تمسك حقيبه صغيره بنفس لون وخامة الجذاء ..وكانت تضع القليل من مستحضرات التجميل باللون الزهري لتضفي علي بشرتها رونقا جذابا وكانت تتزين بمجموعه من الاكسسوارات
جاء يوسف ليصطحب عروسه بحلته الرسميه وخرجوا جميعا وركبت رودينا ويوسف في سيارة ادم .. وعندما خرجت سيسيل شرد ادم في جمالها ورونقها وسحرها الجذاب ولكن سرعان ما افاق من شرودة
رودينا تعالي يا سولا انتي وايات اركبو معايا
ايات لاء مش هيبقي فيه مكان هركب انا في عربيه صاحب يوسف اركبي انتي يا سولا وهي تغمز لها
نظرت لها سيسيل وابتسمت وركبت سيسيل بجوار ادم وقاموا باللف في شوارع الاسكندريه حتي وصلوا الي المنزل كانت رودينا تصعد بجوار يوسف وكانت سيسيل تصعد بجوار ادم وكانت تنظر له وتبتسم
سيسيل بابتسامة رقيقه عقبالك
ادم انتي الاول بقي ان شاء الله
سيسيل بنفس الابتسامة التي تحمل كل المشاعر الرقيقه بداخلها خلاص احنا الاتنين في يوم واحد
ادم ان شاء الله
صعد العروسان الي الكوشه التي كانت عباره عن كرسي ملكي تعلوها تاج ومزين بالشيفون وبدأ الجميع يباركون للعروسين والتقاط الصور التذكاريه التي تضم الاهل والاقارب ..وآتت سيسيل بالشبكة وامتلآت الاجواء بالزغاريط وقاموا بتشغيل مجموعه من الاغاني المخصصه للافراح ..وقامت سيسيل بالرقص من فرحتها بيوسف ورودينا وافتتحت هي الرقصه الاولي ثم اخذت بيد يوسف ورودينا للرقص معها وشاركها الرقص اسماعيل .. وكان الجميع يضحك وكان الفرح يعم علي المكان اجمع .. وجلس يوسف ورودينا واكمل الرقصه سيسيل واسماعيل فكان اسماعيل يحب سيسيل حبا جما فهي بمثابه رودينا لديه ..فسيسيل محبوبه من الجميع وكان الجميع ينتظر قدومها .. وقامت هي بالرقص طوال الحفله واخذت ادم من يديه ليرقص امامها وكان يرقص معها وكان سعيد جدا بخطوبه اخته والتف الجميع حول ادم وسيسيل وكانت النظرات بينهم هي سيده الموقف كانت نظرات مليئه بالحب والسعاده ولكن ادم خرج من الدائرة وخرج الي الشرفه
خرجت سيسيل ورائه طلعت مش دكتور بس
ادم وهو ينظر لها وانتي كمان طلعت عندك مواهب مدفونه
سيسيل انا هدخل علشان مسيبش رودي لوحدها
ادم اوك
دخلت سيسيل ولكنها تذكرت شئ فاستدارت له ادم
ادم وهو ينظر لها نعم
سيسيل بحب يتدفق من عينيها عقبالك
ادم وهو يبتسم ان شاء الله
ثم تركته ودخلت وجلست سيسيل بجوار خالتها وكانت توزع ابتسامات ع الجميع وجاءت لها نجلاء محتضنه اياها
نجلاء يارب يفرحني بيكي يا سولا يارب
سيسيل ربنا يخليكي يا طنط نوجا وتفرحي بادم يارب
نجلاء انتي وهو في يوم واحد امين يارب
فظلت جالسه وجاء ادم وجلس بجوار ابيه وحانت موعد اخر رقصه رومانسيه بين العروسان وكانت ع اغنيه صدقني خلاص فهي من اختيار سيسيل
قامت سيسيل واخذت ادم من يديه ليرقص معها .. استغرب في البدايه من تصرفها ولكنها لم تشعر بنفسها الا وهي بين ذراعيه ويرقصوا سويا ..وكانت تنظر له نظرات مليئه بالعشق والحب والاحتياج الي حضنه وحنانه .. فهي لم تشعر بتلك الاحاسيس الا معه فقط حتي انتهت الرقصه وبدأ الجميع في التصفيق لهم حتي انتهاء الحفل
بعد انتهاء الحفل عادت سيسيل الي منزل خالتها وتركوا يوسف مع رودينا دخلت سيسيل الي غرفتها وكانت تتبعها ايات امسكت سيسيل بيد ايات وبدأت في الرقص معها وكانت تغني اغنيه صدقني خلاص وتتذكر ماحدث بينها وبين ادم من نظرات
ايات يا مجنونه
سيسيل مجنونه بحبه مجنونه بيه ياريت يفهم ويحس حاسه اني كنت طايره وانا بين ايديه مكنتش حاسه بنفسي كان نفسي اصړخ واقوله بحبك يا ادم بحبك ومش عارفه ايه اللي سكتني دايما بدوخ لما بشوف عنيه نفسي يا ايات اقعد مكان يوسف ورودينا ويكون هو اللي جمبي حاسه اني ممكن يجرالي حاجة لو ادم مابقاش من نصيبي شوفتي لما طنط نجلاء قالتلي انتي وادم في يوم واحد يعني هي حاسه بحاجة صح ممكن يكون هو قالها بس مستني الوقت المناسب ولا تكون هي بتتمني ولا ايه قوليلي
ايات ببببببببببببببببببببببببس بالراحة ع نفسك صدعتيني ورا بعض ورا بعض اهمدي شويه
سيسيل طب قوليلي بقي
ايات هقولك حاضر خشي بس غيري هدومك وتعالي وانا اقولك من هنا للصبح
سيسيل هوووا
دخلت سيسيل لتبدل ملابسها وعندما عادت وجدت ايات مستغرقه في النوم
سيسيل يابنت اللذين قومي يا ايات
اياااااااااااات مش عايزة اسمع صوت
سيسيل بطلي رخامة بقي وقومي
ايات جلست ع السرير يانعم
سيسيل قولي بقي انتي حسيتي ايه
ايات بصي يا سيتي حسيت منك انك مجنونه ومن طنط نوجا بتتمناكي لادم بس مش اكتر
سيسيل طب هو حسيتي ايه من ناحيته
ايات ولا الهووووا
سيسيل مبهرجش
ايات والله ما بهرج ادم عادي جدا
سيسيل يعني ايه بقي