رواية جديدة

كإن المرة دي الكون راضي القدر معانا والتيسيرات محوطانا..
من كام يوم كلمني صالح بعد ما فقدت الأمل إننا نكون سوا تاني ولأول مرة من سنين من يوم ما انفصلنا عن بعض أرجع أحس صوته بيحضنني بالدراع أول ألو رجعتني لبعيد فجأة كل الذكريات الحلوة مطرت عليا رجعتني خفيفة كنت معظم المكالمة ساكنة..
بس معرفش ليه كنت محموقة وبتكلم بالقطارة!
من بعد اليوم ده بعت لي text على الواتس آب وبقينا بنتكلم بس مش بنفس الاندفاع بتاع زمان بس مش مهم المهم إننا سوا..
النهاردة صحيت لقيت ورد بنتنا سخنة جدا وجسمها أحمر وطبعا لإني مش عاوزة أبان مدلوقة وبتلكك أخدتها وروحنا عند الدكتور بتاعها بس للأسف كانت السخونية مش بتنزل فنصحني أروح مستشفى متخصصة لطب الأطفال لإن جسمها كمان فقد سوايل كتير ومحتاجة عناية..
تليفوني رن وأنا رايحة في السكة اممم كان هو!
_ في صوت عربيات إنتي برا ولا إيه
_ اه..
_ مع مين
معرفش ليه السؤال استفزني أو يمكن هو سؤال عادي بس انا اللي ماكنتش في المود عشان بنتي تعبانة!
_ سؤالك مش لطيف يعني إيه....
قاطعني..
_ مقصدش إنتي كويسة طيب
اتحمقت وعيطت ..
_ ورد تعبانة يا صالح اوي أنا رايحة المستشفى ..
_ ورد مين
بحر ماكنش يعرف إني كنت حامل لما انفصلنا وأنا خۏفت أقول ليفكر إني بربطه بالبيبي وأنا كنت عاوزاه يختارني أنا في أي حال عارفة إنها انانية مني بس معرفش بقى..
_ ورد بنتي.
سكت شوية ورد پصدمة..
_ بنتك إزاي وإمتى إنتي اتجوزتي
_ مش وقته بنتي تعبانة ممكن تقفل!
ملحقتش أكمل الجملة وقفل عيطت أكتر وكنت بحضن ورد الصغيرة اللي عندها سنتين ونص أحلى وأصعب سنتين ونص عيشتهم..
فوقت على صوت كابتن الأوبر إني وصلت المستشفى!
ماكنتش اعرف أو نسيت إن مستشفى الأطفال دي تحديدا قصاد الجامعة بتاعتي!
الجامعة سنة تانية تحديدا بداية معرفتي وحبي لبحر زاد عياطي لقتني بتصل بيه..
_ المستشفى قصاد جامعتي يا صالح..
_ .....
مردش عليا وأعتقد كرهني..
_ أنا محتاجة لك ممكن تيجي
_ جاي.
ربع ساعة بالظبط ولقيته قصادي واقف بيني وبينه متر بيسلم عليا وبيبتسم بكل برود..
_ إزيك يا مدام ليل..
بصت له ورد بعيونها البنية اللي شبهه تمام واتحول غضبه لسكات ونظرات حنية لورد..
فقالت ورد
_ مامي هنا ۏجعاني..
كانت بتشاور على راسها..
شالها مني وجري يستعجل الممرض إنه يدخل بيها وبعد شوية وقت سمعنا اسم ورد والممرض بيقول اسمها مش ثلاثي ليه
اتوترت بس استعجلته وجاية ادخل معاهم قال..
_ يا باباها اللي يدخل بيها يا حضرتك..
معرفش ليه اتعصبت وقلت له..
_ أنا مامتها ورد باباها مسافر..
اخدتها من حضڼ صالح ودخلت للدكتور وعمل اللازم وقال إنها تقدر تروح البيت واعملها رعاية منزلية لو اقدر وأنا طبعا وافقت..
طلعت بيها من العيادة وهي متكورة في حضڼي..
لما طلعت اخدها مني وشال الشنطة ومشي قدامي..
فتح لي باب العربية واداني ورد وحط الشنطة ورا..
طلع بينا ولما عديت من جمب كافيه معين طلبت منه يقف هنا..
وقف بينا..
_ اشمعنا الكافيه ده
_ عشان ده المكان اللي كنت بشوفك فيه بعد المحاضرات..
_ ملهاش لازمة الذكريات يا مدام ليل بقى عندك ذكريات وتفاصيل وحاجات بينك وبين ابو ورد.
كإنه جاب خنجر وضړبني بيه في قلبي..
رمى بعينه على ورد النايمة في حضنه..
_ البنت جميلة فيها منك كتير!
رديت في سري ومنك إنت كمان
جه الويتر وطلبت hot cider وهو طلب قهوة سادة..
ولإنها المرة الأولى اللي يشرب فيها قهوة سادة سألته..
_ سادة
_ بشربها عزا لحبنا اللي راح.. وتمتم بكلام وأنا كداب أنا لسه بحبك
مردتش فضلت أعيط..
_ ليه عملتي