رواية جديدة

كده فينا بعدتي عني ليه
_ الحب مش كل حاجة أنا معاك كنت لوحدي كنت خاېفة..
_ يعني إيه
_ كنت طول الوقت حاسة إن هصحى مش هلاقيك وإن علاقتنا هتنتهي أي وقت..
_ إحنا كنا متجوزين!
_ بس كنت لوحدي كنت زي اللي ضمني فماكنش عندك وقت ليا يا شغل يا صحابك أنا كنت زي النيش في البيت وحتي انت اللي اخدت قرار الطلاق!
_ كنتي صبرتي عليا كنتي رفضتي!
_ انت اناني..
_ انا كنت بحبك بس كنت محتاجك تفهميني.. صبرتي بس كنت محتاج وقت اكبر استوعب فيه المسئوليات الجديدة..
_ مالوش لزوم الكلام ده..
_ إنتي اتجوزتي إمتي وإزاي قدرتي تنسيني بسهولة!!
صحيت ورد عشان تنقذني من رد ماكنتش محضراله!
_ مامي هنروح إمتى البيت
_ حالا.
وصلني للبيت وقفل اللوك بتاع العربية.
_ هو إحنا خلاص كده
_ ممكن تطلع البنت عشان الأسنسير مش شغال..
شالها وطلعها للخامس بصيت بطرف عيني لقيته حاضنها بحنية..
وصلنا وفتحت باب الشقة وډخلها لأوضتها طلبت منه يستنى هعمله عصير..
دخلت المطبخ جيت لقيته بيحكي حدوتة لورد..
_ مش شايف صور لأبو ورد..
_ أبو ورد في قلبي يا قلبي..
_ وأنا
_ إنت اممممم ..
قبل ما اعترف بثواني كانت ورد بتحضنه..
وبفتكر..
بعد تخرجي من الجامعة كان اللي مستنيني على الباب صالح ببوكيه ورد كنت بفتكره بيهاديني بس لمحت علبة..
_ العلبة دي فيها إيه يا لئيم
_ مش بتاعتك..
_ يا سلام
_ تعالي نقعد بس وهقولك..
قعدنا وطلبنا وبعدها لقيته قاعد على ركبه وبيطلب..
_ تتجوزيني يا بسكويته..
رديت بكل ثقة وفرح..
_ ده لو موافق نجيب ٨ أطفال..
_ خمس ولاد و٣ بنات..
موافقة موافقة ٨ موافقات.
بضحك رجعت للحظة وأنا واقفة قصاده هو بيبص لورد وكأنه بيشوف في عينيها أحلامنا القديمة. يمكن كنا زمان بنحلم ب أطفال لكن دلوقتي حتى وجودها جنبه بيخليني أحس إننا لسه ممكن نبتدي من جديد. أو يمكن خلصنا من زمان.
ليه تكمله !
_ الوقت اتأخر أنا لازم امشي يا مدام ليل!
_ ممكن تخليك الليلة دي بس أرجوك..
أنا كنت خاېفة يمشي وورد تتعب ومعرفش اتصرف هو أسرع مني فالمواقف دي..
_ مايصحش إنتي متجوزة.
_ لأ مش متجوزة.
_ نعم! أومال دي جات منين..
جريت حطيت إيدي بسرعة على شفايفه كنت مقربه أوي عليه وبشب على أطراف صوابعي ماكنش ينفع ورد تسمع..
بعد ما كان متعصب هدي وبص لي في عيوني ورجعت تاني أشتاق له ڠصب عني..
شيلت إيدي من على شفايفه مسكت إيده وطفيت النور على ورد وشغلت كاميرا البيبي وقفلت الباب وطلعنا نتكلم برا..
فلت إيدي!
_ إنتي مجرجراني وراكي ومش بتردي عليا ليه إنتي مستفزة!
بصيت له ووقفت فالمطبخ أعمل نسكافيه هو واقف في نص الريسيبشن تايه!
_ هعمل نسكافيه اعملك إيه
_ مش عاوز حاجة.
_ ماظنش صالح هيضيع فرصة يفهم عاوز تمشي اتفضل كده كده فضولك هيجيبك.
وروحت أدندن وأنا اللي تاه بعدك وأنا برضه اللي بيدور عليك
تقريبا كنت مستفزة شويتين تلاتة يمكن أربعة!
جه ورايا كنت سامعة صوت دقات قلبه ونفسه العالي!
مسكني من إيدي من غير ما يتكلم كانت عينيه بتقولي فهميني ارحمي ضعفي
_ حيران ليه يا بحر
_ تفتكري لسه أنا البحر بتاعك اللي بټغرقي فيه ولا صالح اللي بوظ كل حاجة
_ أنا متجوزتش من بعدك..
_ البنت دي بنت مين
كان بيقولها وهو بيملس على شعري..
_ البنت بنتي يا بحر.
شد شعري شوية..
_ اتبنيتيها أكيد
_ ولدتها شقوا بطني اتنين يا بحر!
_ استغفر الله العظيم مش هعرف امسك نفسي أكتر من كده أنا ماشي..
مشي بجد المرة دي..
وصل للباب وبكل هدوء قلت له..
_ لما اتطلقنا كنت حامل..
وقف قفل الباب تاني مش