رواية جديدة وتين وعمير

أنا لسة صغيرة بعدين ايش ضمنك إنه هيخليني أكمل تعليمي الرجالة ملهمش أمان.
_يا حبيبتي افهميني أنت خلاص كبرت وأهو جالك عدلك عريس مناسب ملو هدومه ومالي مركزه نتشرف بيه وهيراعيك ويشيلك في عينه.
_يا ماما قلت لك لا.. أنا مش عاوزة أتجوز!
الموضوع قلب بخناق فجأة ولقيتها بتبرطم وهي طالعة من الأوضة وبمجرد ما قفلت الباب قعدت على السرير وأنا مكشرة وملامحي متضايقة ليه مصرين أوي يجوزوني هو أنا هبور يعني ولا مش هلاقي غير العريس دا
وكنت بروح دار التحفيظ عادي حاليا وصلت لسورة الملك وعلى وشك أخلص جزئين فرحانة بنفسي وحاسة بفخامة الإنجاز يعني ممكن في خلال سنة أختم القرآن!
_وتين يلا علشان هنروح.
منال كلمتني فأنا استأذنت من معلمتي ومن المشرفة وخرجت معاها ملحقتش أنزل إلا ولقيت صوت بينادي علي.. كان عمير.. استغربت نادى ليه بس في النهاية رحت له أنا ومنال..
_بعد إذنك عاوز أتكلم معاك كلمتين في المكتب ومنال هتكون معانا.
كنت مستغربة جامد فيه حاجة حصلت
وافقت ودخلت قعدت أنا قدام المكتب وهو قعد في الكرسي اللي قدامي بينما منال كانت قاعدة على الأنتريه بعيد عننا شوية.
_أنا هدخل في الموضوع على طول علشان منضيعش وقت.
_فيه ايه يا أستاذ عمير قلقتني!
قلتها فعلا بقلق من نبرته وكلامه كان باين عليه الضيق وهو بيقول لي بيحاول يهدأ
_ممكن أعرف حضرتك رفضتيني ليه بعيدا عن موضوع الجامعة هل فيه أسباب تانية
ايه هو اتقدم أصلا هو العريس اللي ماما قالت لي عنه هو بيشوفني كزوجة
الصدمة خلتني آخد ثواني علشان أستوعب كلامه بعدين قلت له بتلقائية
_أنت اللي كنت متقدم
رفع حواجبه بتعجب
_مكنتيش تعرفي إني متقدم لحضرتك
_لا مكنتش أعرف أنا بحسبهم بيكلموني عن واحد زي أي واحد.. أ.. أنا.. مش..
_خلاص يا آنسة وتين أنا مش غرضي أحرجك أنا بس كنت عاوز أفهم أسباب الرفض.
هيصدقني لو قلت له إني لما عرفت إن هو العريس فمفيش سبب
مفيش سبب حقيقي علشان أرفضه.. أنا حاسة بالقبول ناحيته بس مكنتش متخيلة إنه يبص لي سوى كأخت ليه..
بصيت لمنال بتوتر لقيتها بتبص لي بابتسامة وبتشجعني علشان أوافق عليه يعني منال الهبلة حتى ماقلتش لي حاجة.. غريبة دي!
دي مبيتبلش في بقها فولة.. مكنتش أعرف أن أخوها مهددها لو اتكلمت هيولع فيها..
أنا أحرجت فسكتت لقيت منال قربت وهي فاهمة معنى صمتي ايه أصل لو عندي سبب كنت اتكلمت وقلت.. أنا مبتكسفش في الحاجات دي..
_خلاص يا عريس السكوت علامة الرضا البت مكسوفة بس..
ضړبتها في كتفها وأنا ببص لها بدهشة هي ليه فاقساني دايما كدا
هو ضحك بخفة وقال لي كإنه بيحاول يطمن
_يعني أجيب الحاج والبت الهبلة دي ونيجي نشرب شاي عندكوا
كنت باصة للأرض وأنا بوافق براسي حاسة الكسوف هياكلني ومنالالمستفزة عمالة تضحك علي اه يا منال ال...
عدى يومين وجه يوم الجمعة بالليل ماما كانت عارفة بالعريس وأنا بتنطط يمين وشمال علشان أعمل الحلويات اللي منال قالت لي عليها.. والأكلة المفضلة ليه.. كنت حابة يعرف إني ست بيت وأشرفه برضو..
جه هو ومنال وأخته الكبيرة ووالدته ووالده ما شاء الله عيلته تفرح بصراحة وهو داخل بيهم كدا..
كنت فاتحة الباب نص فتحة وببص عليهم منال قفشتني وعينيها جت في عيني وهي بترقص لي بحواجبها استغربت مالها دي
لقيتها خبطت أخوها في كتفه وبتشاور له علي بهدوء بحيث محدش يلاحظ فتحت عيني على آخرها وقفلت الباب بسرعة ومش عارفة شافني ولا لا
بس أنا قفلت قبل ما عيني تيجي في عينه وقلبي فضل يدق..
وسمعت كلام بابا وضحكه