اسكريبت كامل بقلم الكاتبة رحمة طارق

ربع ساعه لقيته بيتصل تاني.
_الو
_بصي من الشباك
_ليه
_بصي الله انتي خاېفة تبصي
قومت خرجت بصيت من الشباك لقيته تحت البيت ومعاه كيس كبير مليان حاجة حلوة وكيس تاني صغير
_انت بتعمل ايه انت عاوز تعملي مشكله
_لا اكيد ولله بس نزلي السبت بسرعه وانا همشي علي طول
_انزله ليه في ايه تاني
_نزلي بس الله...مټخافيش مش هاكل السبت يعني
نزلت السبت فعلا وحط الحاجه فيه وهو لسه بيكلمني طلعته واخدت الشنط
_الشنطه الكبيره دي عشان تروقي علي نفسك كدا والصغيرة هتلاقي فيها علاج للصداع حلو اوي خديه وارتاحي ونامي والمحاضرات هتبقي عندك
ابتسمتله من الشباك
_شكرا بجد انا مش عارفه اقولك ايه
_مفيش شكر بينا عيب مش خلاص بقينا صحاب ولا لسه برضو
ضحكت
_لا خلاص بقينا صحاب
عدت الايام وانا وكريم كل يوم بنقرب من بعض اكتر من الاول وأدم كان ملاحظ دا لانه كان مركز جدا معانا
فيوم وأنا قاعده لقيت رساله منه
_رهف انا عاوز اقابلك ضروري
بصيت للرساله ومردتش
فضل يبعت وأنا مكنتش برد عليه قومت ابص شوية من الشباك الجو كان حلو اوي مطره خفيفه وحبه هوا ساقعين يرضوا الروح اخدت نفس وانا ببص علي المنظر الجميل دا.
فجأه تليفوني رن روحت اشوف مين كان أدم اترددت ارد ولا لا وفي الآخر رديت
_الو
_ايوا يارهف
_نعم
_انتي مش بتردي عليا ليه
_مشغوله مش فاضية.
_طب انا عاوزة اقابله ضروري
_بقولك مشغولة
_يارهف بعد اذنك مش هاخد من وقتك ربع ساعه بس
اتنهدت و وافقت أنزل اقابله جهزت ونزلت وروحت المكان اللي اتفقنا نتقابل فيه لقيته قاعد مستنيني مشيت تجاهه بخطواته واثقه وثابته
_افندم
_اقعدي طيب عشان نتكلم
_اهو...خير بقي!
_هو انتي بتتعاملي معايا كدا ليه
ضحكت بسخرية
_بتعامل ازاي يعني..بتعامل معاك زي مابتعامل مع أي حد مفيش جديد
_لا انتي مش بتتعاملي معايا زي مابتتعاملي مع كريم
_وايه دخل كريم في الحوار
_انا شايفة مقرب منك زياده عن اللزوم يارهف
_وانت بقي جايبني تعلمني الأدب
_يارهف انا خاېف عليكي
_لا متخافش انا بعرف اتصرف واختار كويس اي نعم غلطت مره بس اللي يغلط مره ميغلطش تاني
_رهف انا عارف اني اللي عملته غلط بس
_مفيش بس وأنا مش جاية هنا عشان أسمع حاجه عن الي فات خلاص اللي فات دا انتهى بنسبالي كانت لحظه طيش مني مش أكتر
_يعني ايه!
_يعني تنسي اي حاجه عملتها او قولتهالك قبل كدا
_رهف انا بحبك
ضحكت وأنا بقول
_ وأنا بحب واحد تاني
قام وقف واتكلم بعصبية
_كريم مش كدا
_اه كريم وملكش دعوه بحياتي ولا تفكر تكلمني تاني انت فاهم ومشيت وسبته واقف زي ماهو مصډوم مني
رجعت البيت وأنا حاسه اني مرتاحه لأول مره اخيرا قدرت اريح قلبي واخد حقه وحق وجعه وتعبه طول الفتره اللي فاتت دي
عدى اليوم بهدوء وبليل كريم بعتلي مسدج
_رهف ممكن نتقابل بكرا
_ليه في حاجه ولا ايه
_لا مفيش بس عاوز اتكلم معاكي في موضوع
_موضوع ايه دا!
_لما نتقابل هتعرفي
وافقت وحددنا المكان ودخلت قعدت علي السرير وانا بفكر ياترى كريم عاوز ايه فضلت افكر لحد اما النوم غلبني.
تاني يوم الصبح صحيت وانا حاسه اني جوايا سلام وهدوء رهيب من فترة كبيرة محستش بيه قبل كدا.
جهزت ونزلت على الميعاد اللي اتفقنا عليه وصلت المكان ولقيت كريم قاعد مستنيني أول ما شافني وقف وابتسم ابتسامة غريبة ابتسامة فيها رهبة وفرحة في نفس الوقت.
قربت منه وقلبي بدأ يدق بسرعة قعدت قصاده وسألته
_خير يا كريمعاوز تقولي إيه
سكت لحظة طويلة عينيه ثابتة عليا وبعدين قال بهدوء
_اللي هقوله دلوقتي ممكن يغير كل حاجة بينا يا رهف.
يتبع
الفصل الثالث
_أنا بحبك.
حسيت بضربات قلبي