رواية كامله بقلم ياسمين علاء الدين

عمري مش بيهمني حد وبقف قدم اي حد . بس انا مش هكرر اللي حصل تاني . مش هخاطر بيكي انتي وبنتي
ندا فهد هو التليفون اللي جالك من شويه. حد هددك
فهد مش مهم . يلا حضري شنطنتك انتي ونغم
ندا مسكت ايده اهدا كده وهنفكر بهدوء . انا مش عايزاك تحس انك ضعيف . انتي قولتلي قبل كده اني جيشك اللي بتحارب بيه وكل قوتك . انا مش عايزاك تضعف بينا . احنا مش نقطه ضعفك احنا قوتك
فهد انتي مش فاهمه حاجه . انا مش هستحمل يحصلكم حاجه تاني . مش هستحمل اتوجع فيكم
فهد بيحكي احساسي بالضعف كان قوي بسبب المكالمه قلبي بيترعش وكل شعور وحش عيشته افتكرته في اللحظه . دي كلامها معايا بيديني دافعه لقدام بس الكلام مش كافيه انا خاېف اجازف بيهم
ندا حبيبي احنا مش هيحصلنا حاجه بس ده حقك . عايز تتنازل عن حقك
فهد اه هتنازل عن حقي بس مش هتنازل عنكم
ندا اتنهدت وبتحاول تجمع افكارها لانه شكله مصر علي قراره
فجاه وجه واحد ورن جرس باب الفيلا
فهد ادخلي عشان شعرك باين
ندا دخلت وهو راح يفتح ويشوف مين . كان محضر من المحكمه ومعاه وراقه مضي علي الاستلام
وفتح الورقه يقرا فيها ايه . كانت ورقه . دعوه حجر علي فهد بحجه ان عقله متضرر ومش مسؤول عن تصرفاته بسبب الحاډثه والغيبوبه اللي هو كان فيها
فهد بيحكي اول اما قريت الورقه مشفتش قدامي الڠضب اتملك مني واحساس بالقهر والظلم جوايا كبير . طلعت علي اوضتي بسرعه وطلعت لبس عشان البس واخرج مش عايزهم يشوفوني وانا كده
ندا بتحكي اول اما فهد دخل من الباب لقيته ماسك ورقه في ايده وطلع علي السلم يجري قلبي اتقبض لان شكله مايبشرش بالخير . جريت علي السلم وطلعت وراه بعد اما اتاكدت ان نغم دخلت اوضتها بتتفرج علي الكرتون
دخلت الاوضه كان بيلبس وعينه حمره وملامح الڠضب باينه عليه
ندا فهد في ايه وايه الورقه دي
فهد مش هقدر اتكلم دلوقتي سبيني اخرج اتمشي اهدا وارجع نتكلم
ندا شدت التيشرت من ايده اتكلم معايا انا وانا
ههديك
فهد مش وقت عندك ده
ندا عشان خطړي لو ليا خاطر عندك قولي في ايه. بجد هقلق عليك لو خرجت وانت كده
فهد بصلها بص هي قبلت نظرته بنظره عند
فهد نفخ پغضب اقري
ندا فتحت الورقه وقرتها وضحكت
فهد بتضحكي علي ايه . بيقولو عليا مچنون
ندا رمت الورقه ومسكت ايده هما اللي مجانين . اولا الورقه دي مجرد تضيع وقت .بيردو علينا اما رفعنا قضيه لاسترجاع حقك . انا هاخد تقرير بحالتك وهقدمها للمحكمه وبكده هتسقط الدعوه .
فهد انتي مش فاهمه اهلي بيقولو عليا مچنون ومش مسؤل عن تصرفاتي بكره يحجزوني في مستشفي المجانين
ندا ومين هيسمح بكده . انا معاك وفي ضهرك
فهد انا عارف انك معايا .
ندا لسه عايز تسيب حقك وتسافر . لانك لو عملت كده . انا مش هعمل كده. وعند فيهم هندمهم علي كل ده . ميعرفوش وقفو قدام مين
فهد ابتسم انا خاېف عليكم
ندا بهزار عشان تخفف توتر فهد متخفش . انا هدمرهم
فهد صفر يا جااااااامد
ندا طبعا انت بتستقل بيا . انا ندا الدالي
فهد ضحك وحضنها انتي روح الفهد وعقل الفهد وعشق الفهد
فهد بيحكي منكرش ان كلامها طلعني
من حاله الڠضب والحزن اللي كانو جوايا وعندي احساس بقوه غريبه . احساسي مختلط بين الحب والاعجاب
قوتي اللي بستمدها منها زادت
ماتخلتش عني في لحظه ضعف مني ووقفت جنبي حتي لو بالكلام. معرفتش ارد عليها غير بحضن يعبر عن مدي حبي ليها وشعوري بامتنان
فهد ربنا يخليكي ليا يا روح الفهد . انتي قوتي
ندا ضحكت يعني انا قوه الفهد ..لقب جديد يعني
فهد لقب جديد اه . انا فخور بيكي اوي . انتي رجعتي ثقتي بنفسي
ندا بغرور لازم تكون واثق من نفسك انت جوز ندا الدالي
مش اي واحده
فهد ضحك بصوت عالي يا واثق انت
حضنها ولف بيها في الاوضه ووقع بيها علي السرير
ككده
بارت
لاإله إلا انت سبحانك اني كنت من الظالمين
منصور المختار كان قاعد في الشركه ووصل اخطار من المحكمه بميعاد اول جلسه في القضيه
اتصل براضي ابنه ...
منصور انت فين يا زفت
راضي مالك بس يا حاج
منصور بنت ال رفعت قضيه علينا ولسه واصل اخطار بميعاد الجلسه
راضي ماشي يا حاج انا هتصرف وله تضايق نفسك
منصور اديني ماشي وراك لحد اما شوف اخرتها ايه
راضي اخرتها فل يا حاج متقلقش
قفل راضي مع ابوه . وراح لمحمود ابن عمه وحكاله علي اللي عايز يعمله
محمود بلاش تقرب من ريم يا راضي انا اللي هقف قصادك . اعمل اللي انت عايزه في فهد او بنته. بس ريم لا
راضي معرفش انت مغرم بيها كده ليه . وله عشان بس هي مرات فهد
محمود پغضب قصدك ايه
راضي قصدي انت عارفه من واحنا صغيرين وانت كل حاجه فهد يملكه او معاه لازم تخدها منه ياما تبوظها . انت بتغير منه
محمود قام ومسك راضي من هدومه الكلام ده مش صح . هو اللي علي طول شايف نفسه علينا . وشايف انه احسن مننا
راضي ضحك الحق ان فهد قلبه طيب . وعمره ما شاف نفسه علينا انت بس اللي حته في دماغك . ومن اول يوم شفت معاه ريم مراته وشفت فرحاته وحبه ليها . اقنعت نفسك انك بتحبها
محمود فهد ميستهلش ريم . احسن منه
راضي وانت اللي شايف نفسك تستاهلها
محمود اه استهلها وبكره هتكون ليا انا .وهتشوف . وقفل علي الموضوع ده احسنلك. ولاخر مره احذرك متقربش من ريم يا راضي
راضي قعد يا ابن عمي ليطق لك عرق . هتعمل اللي اتفقنا عليه
محمود اه .
راضي تمام . نفذ في اقرب فرصه
في بيت فهد
فهد بيحكي من وقت اما جتلي المكالمه وانا بفكر ازاي هعرف احمي عايلتي من كل خطړ . كنت عايز ارجع القاهره ومش مهم حقي . المهم احافظ عليهم بس هي مش راضيه . وبتتهمني بالضعف . انا مش ضعيف انا خاېف لاخسرهم خاېف ان حد يآذيني فيهم . مش هستحمل ۏجع تاني من ناحيتهم . انا متاكد ان المكالمه من طرف اعمامي لانه معناها كده . هما اللي مش عايزين اني اخد حقي .
لازم افكر في الخطوه الجايه عشان اعرف احافظ عليهم .
الباب اتفتح ودخلت ندا وفي ايديها كوبايه ليمون بنعناع
ندا اشرب العصير
فهد خد منها الكوبايه ومسك ايديها وباسها تسلم ايدك
ندا لسه مضايق
فهد لا . انا بس بفكر هعمل ايه .
ندا متقلقش من حاجه القضيه مضمونه وان شاء الله هنكسبها وحقك هيرجع تاني
فهد ابتسم ان شاء الله .
ندا طبعت بوسه علي خده ولسه هتخرج مسك ايديها عشان يمنعها من الخروج
فهد رايحه فين
ندا رايحه اطمن علي نغم
فهد وانا
ندا ما انا اطمنت عليك
فهد لسه
ندا عايز ايه يا فهد
فهد قرب منها وحضنها عايزك
ندا ما انا معاك اهو
نغم دخلت عليهم