رواية كامله بقلم ياسمين علاء الدين

سلم علي ماجي
دخل هو اسلام في مكتبه في الفيلا يتكلمو .....
وندا وماجي ونغم كانو قاعدين بيتكلمو مع بعض
ندا مالك يا ماجي مش ع بعضك ليه
ماجي هيييييييح
ندا وده من ايه
ماجي الواد الدكتور
ندا بصت وبرقت وبصت علي بنتها عشان ماجي تتلم
ماجي اها فهمت . بصي يا ستي البت الدكتوره
ندا ضحكت عشان هي بتتكلم علي اسلام بصيغه المؤنث عشان نغم متخدش بالها
ماجي بس هو ده كل اللي حصل
ندا خير خير ان شاء االه
ماجي يارب .
ندا هاتي الورق اللي معاكي اشوفه
ندا ابتدت تقرا الورق ومضت عليه وخدت ملفات ترجعهم
ندا كده كل حاجه خلصت
ماجي اه بس انتي مش. هتنزلي القاهره
ندا الفتره دي لا . لحد اما اشوف فهد هيعمل ايه . انا هقوم اعمل الغدا
ماجي استني هاجي معاكي
فهد بيتكلم مع اسلام ..
اسلام فاكر البرشام اللي قولتلي عليه
فهد اه .فاكر. هو صح طلع بتاع ايه
اسلام ده برشام بيأثر علي مناطق معين في الاعصاب. وبيأثر علي خلايا الذاكره وممكن ده سبب انها بقالها سنتين والذاكره لسه مرجعتش
فهد هو الدكتور اللي كتبلها الدواء هيكون عايزها ليه متفتكرش . ممكن يكون تبع الناس اللي عملت فينا كده
اسلام ممكن
فهد انا هسالها فين الدكتور ده . وهعرف ليه عمل كده
اسلام ربنا معاك .. انت عامل لسه بتتعب
فهد لا الحمد لله حتي الصداع راح .
اسلام اكيد ريم ونغم ليهم تاثير عليك .
فهد طبعا دول الروح اللي اتردت فيا . الحمد لله علي وجودهم في حياتي
اسلام ربنا يخليكم لبعض يا فهد . انت تعبت كتير واكيد ربنا جمعكم بيهم تاني عشان يعوضك التعب اللي انت شوفته
فهد الحمد لله
في الوقت ده نغم دخلت تجري علي فهد وحضنها .
نغم بابتي.. مامتي بتقولك الاكل خلص
فهد قلب بابا . حاضر . قام وقف يلا يا اسلام نتغدا
اسلام انا همشي عشان متاخرش
فهد هتمشي فين انت مش هتقعد يومين
اسلام والمستشفي والعياده
فهد خد أجازه يومين
اسلام مش هينفع
فهد تعال نتغدا وبعدين نتكلم . وبطل تعترض علي اي حاجه . قدامي . اتحرك
اسلام وفهد خرجو من المكتب وقعدو علي السفره
كانت ندا وماجي بترص الاطباق . وقعدو
بس اسلام بينه وبين ماجي نظرات . فهد وندا لاحظوهم وابتسمو لبعض
بعد الاكل قعدو يتكلمو وبعدين ماجي استأذنت عشان تمشي
ندا انا هكلم مامتك وباتي معايا انهارده وامشي بكره
ماجي والمكتب با هانم مش كفايه انتي في شهر العسل
ندا ضحكت شهر عسل ايه . انتي مش شايفه
ماجي هو اه متصاب بس لسه مز
ندا سافله . وبعدين ايه النظرات والهمسات اللي بتحصل دي
ماجي دي اقل حاجه عندي
ندا كلبه. لمي نفسك
ماجي هحاول .يلا بااي
ندا انتي مصممه ترجعي
ماجي اه لازم . وبعدين لازم الجو يهدا عشان تعرفي تستفردي بالۏحش
ندا يخربيت عينك . انتي اللي حسدتيه .
ماجي ضحكت عيني صفراء . علي راي اسلام
ندا ضحكت وماجي سلمت عليها وودعتها وسلمت علي فهد
اسلام استني انا راجع القاهره هخدك معايا
اسلام حضڼ فهد . فهد في ودانه شكل الصناره غمزت
اسلام بهمس تقريبا كده . هكلمك
فهد الله يسهلو
سلم علي ندا ونغم . مشي هو وماجي
ندا دخلت المطبخ تغسل الاطباق . ونغم طلعت اوضتها تلعب
.
فهد دخل المطبخ لندا وحضنها
فهد تعالي اقعدي معايا شويه . واحشتيني
ندا هخلص واجي
فهد سبيهم وانا هعملهم
ندا لا انت تعبان . يلا نقعد مع بعض وبعدين
هبق اغسلهم وقت تاني
فهد قعد معاها في الريسبشن . وشدها لحضنه
فهد بحبك
ندا ابتسمت عايز تقول ايه
فهد ضحك ولعب في شعره رخمه
ندا
اه . ها قول
فهد البرشام اللي بتخديه مين الدكتور اللي كتبه
ندا دكتور صاحب بابا .
فهد اسمه ايه
ندا مش عارفه اسم الدكتور . هو بابا جابلي البرشام وقالي انه سال الدكتور صحبه علي نوع برشام ووالدكتور عشان عارف حالتي كتبلي النوع ده
فهد بيحكي معني كده ان ابوها ليه يد في اللي حصل . هيكون خاېف من ايه تفتكر اللي فات . انا مش فاهم . انا مش فاهم حاجه . وطبعا في غيبوبه اساله ازاي .
انا لازم اعرف في حلقه مفقوده
ندا فهد مالك هو البرشام في حاجه غلط
فهد اسلام قالي انه ليه اثار جانبيه وقالي ان باندول مسكن احسن
ندا ماشي يا قلبي
فهد قرب وباسها من خدها انتي اللي قلبي وروحي
ندا بحبك
بارت
ياحي يا قيوم برحمتك أستغيث .أصلح لي شأني كله ولا تكلني الي نفسي طرفه عين
فهد كان بيلبس هدومه .. ندا انت خارج
فهد اه رايح القسم لعاصم ومصطفي ومجدي
ندا انت لسه تعبان هتخروج ليه . خليهم هما يجيو يقعدو معاك
فهد انا الحمد لله كويس . بقالي كتير مخرجتش ومخڼوق
ندا لا مش كويس . انت مضړوب بالړصاص في كتفك . وحاولو ېقتلوك . هتخرج ليهم برجلك
فهد الموضوع ده بقاله اسبوع. . وخلاص انا كويس وبعرف احرك كتفي . متخفيش عليا
ندا لا طبعا لازم اخاڤ
فهد حضنها انا مش هفضل طول عمري محپوس .. انا راجل ومبخفش من حاجه غير عليكي انتي ونغم وبس
ندا رفعت راسها وبصت في عيونه فهد متخرجش
فهد حبيبتي هخرج شويه واجي مش هتاخر. كمان لازم اعرف التحقيقات وصلو فيها لايه انتي متخفيش الحراسه بره
ندا انت مصمم
فهد مصمم اه . وطي ولبس الشوز وباس جبينها
فهد خلي بالك من نفسك .
ندا لا إله إلا الله
فهد سيدنا محمد رسول الله .
خرج كانت نغم بتلعب اول اما شافته لابس بابا انت خارج
فهد هخلص من امك هتطلعيلي. اه خارج
ندا ضحكت .. نغم رايح فين
فهد رايح لصحابي
نغم امم . لميجو
فهد مين ميجو
نغم مجدي
فهد ضحك اه رايح لمجدي
نغم اجي معاك
فهد مش هبنفع . بس انا هقوله يجي يلعب معاكي . وهجبلك شكولاته وانا راجع
نغم وطي شويه ابوسك
فهد نزل علي ركبته وهي حضنته وباسته من خده وقالتله خلي بالك من نفسك
فهد باس ايديه حاضر وانتي كمان
خرج وكلم الحرس يخدو بالهم منهم ومحدش يدخل غير اما يعرفو هو مين ويكلموه
فهد ركب تاكسي وراح علي القسم
الراجل اللي واقف بيراقب البيت كلم محمود المختار اللي هو ابن عم فهد وقاله ان فهد مشي وخرج وان ندا لوحدها ومعاها بنتها في البيت .
محمود فرح ولبس عشان ينزل يقابلها وينفذ الخطه اللي في دماغه
اما فهد فراح القسم وقابل عاصم ومصطفي ومجدي
فهد كل الحكايه اني شاكك ان عبدالحميد الدالي ليه يد في اللي حصل .
مجدي انت فاهم بتقول ايه. محدش هياذي بنته بالشكل ده
فهد اما خرجت انا وهي في يوم الحاډثه عبدالحميد مكنش يعرف انها معايا في العربيه
عاصم ازاي يا فهد مكنش يعرف هي خرجت من بيته واكيد الخدم قاله انها خرجت
فهد نفخ پغضب طيب فهموني ليه جايبلها نوع البرشام ده بالذات وهو بيأثر علي الذاكره
مصطفي هي دي النقطه اللي لازم نعرفها . اهدا قبل ما تتسرع في الحكم
فهد هعرف ازاي وهو في غيبوبه .
عاصم في كذا طريقه نعرف منها
مجدي انا هدور وراه واعرف اذا كان ليه علاقات مشپوها
فهد معرفتوش مين ضړب الڼار عليا
مصطفي لسه مفيش جديد . بس الاكيد انهم حد من قريبك . لان فعلا محدش يعرف انك عايش غيرهم
في الوقت ده كان