يا مسافر وحدك وفايتني للكاتبة هند سعد الدين الحلقة الخامسة

تفضل تنادي عليه من البلكونة..
لما وصل الكلام لشريف وحس بإيده القصيرة رمى نفسه من الدور التالت يومها كلنا طلعنا على صوت الوقعة وراسه بتت.. فرتك على الأرض نعيمة شافت المنظر فضلت تنادي وتصرخ ومسكوها بالعافيه..
كان لسه فيه الروح فضل يزحف لحد ما ماټ قصاد بيتها من يومها ذهب عقلها كل يوم تقعد على رصيف بيت شريف وتقعد تنادي لحد ما صوتها يروح..
قعدت جمبها..
عاملة إيه يا نعيمة
الحمد لله..
قاعدة ليه كده
مستنيه شريف قالي هيكلم أهله وييجي يخطبني أنا حلوة يا زينب
كنت بعيط وأنا شايفاها عايشة عيشة المحاذيب كنت بتحسر عليها كل ليلة وخاېفة في يوم أكون زيها مهبولة من أثر الحب..
طبطبت عليها وحضنتها..
كنت حاسة إني بحضن نسخة وارد أبقى زيها..
لما جيت امشي لقيتها راحت مكان ما وقع وفضلت تضحك..
يا زينب تعالي سلمي على شريف..
مقدرتش امنع صوت القهرة اللي كنت حساه في عياطي كان الكل بيتفرج عليا..
وصلت عند سناء بعيون باين عليها البكا..
أول ما فتحت لي أخدتني في حضنها وعيطنا سوا..
أنا قلبي واجعني يا سناء أوي..
جالي صوته ..
أنا لسه ماموتش يا زينب بتعزي فيا بدري ليه
سابتنا وهي بتطبطب على كتفنا إحنا الاتنين..
خاېفة يبقى مصيري زي نعيمة
أنا مش شريف يا زينب طول ما فيا نفس هحارب عشانك..
جلادي أبويا يا حسن أقف قصاده إزاي
مسك إيدي الاتنين بين كفه..
أول ماسكة إيد في عمري عمري ما انساها..
أنا مش عايز منك حاجة غير الصبر يا زينب..
محلتيش غيره..
أنا اللي حيلتك حبيبك حسن يا زينب مټخافيش يكفي تتمنيني هتلاقيني قصادك..
خاېفة أوي يا حسن..
لما أموت ابقي خافي أنا حسن السويسي يا زينب.
تفوت الأيام وحسن قصادي الحب بيزيد وحاسة إني بتورط في حبه أكتر بنتقابل سړقة من الدنيا..
لحد ما في يوم بغني في بيتنا ..
ابتديت دلوقتي بس أحب عمري ابتديت دلوقتي أخاف أخاف للعمر يجري
لاقيت عمر قصادي وبيقفل البار جريت اقوله ما يصحش..
قالي هقول كلمتين وبس..
مشيت وقعدت على الكنبة اللي قصاد البار ابتسم لي جه قعد جمبي كنت غير مستساغة لوجوده في بيتنا وامي واخواتي عند نينا حماة سناء..
إنت إيه اللي جابك هنا وإنت عارف إن محدش هنا امشي يا عمر..
الكدب خيبة أنا كنت مستنيهم بمشوا بفارغ الصبر..
كانت بصاته وريحته غريبة ريحة تقلب البطن..
قرب مني بشكل غير مريح فلتت نفسي منه بأعجوبة..
ضړبني بالقلم ومسكني من شعري..
إنتي بتعملي عليا أنا شريفة
كنت موجوعة من شدته لشعري..
سيبني يا عمر والنبي إنت بتعمل ليه كده
زقني على الأرض وما بين دهشتي رجع يمسكني من شعري تاني
قولي لي حسن حط إيده هنا ولا هنا ولا هنا..
ضړبته بالقلم..
إنت شارب إيه اطلع برا
أنا مش همشي من هنا غير لما أخد اللي أنا عاوزه كله.
الحلقة_الرابعة
يا_مسافر_وحدك_وفايتني
إوعى يا عمر ما يصحش أنا بنت عمك يا بابا الحقني يا ياسين..
جحا أولى بلحم طوره يا زينب أنا أولى بيكي من السويسي هو حلال ليه وحرام ليا..
اخرس قطع لسانك أنا أشرف من الشرف..
دخل ياسين ضربه وحاشه عني بإيد سندني ووقف قصادي وبالايد التانية مسك عصاية وضړب بيها عمر اللي اغمى عليه من أثر الضړب..
قعدت على الأرض أضرب على صدري من الوقعة السودة اللي أنا بقيت فيها قعد قصادي ياسين أخويا..
طمنيني يا زينب محصلش حاجة صح
منولتوش حاجة..
طب الحمد لله خاېن وغدار ومالوش أمان..
هنعمل إيه يا ياسين