قلب ليس من حقه الحب لؤلؤة حيرانة

لا مش زى الاطفال
مها مالك اتدايقتى كده ليه
سمية ولا حاجة ادينى شربته اهه يلا بأى يا بابا
أحمد يلا يا ستى اسبقينى
قبلت سمية امها واحتضنتها بشدة ثم ذهبت الى السيارة
مها أحمد بقولك ايه كلم سمية فى موضوع آسر وحاول تقنعها
أحمد مستغربا وبسخرية انتى بتقولى ايه وهنرميها
مها يوووه بأى يا أحمد انا اقتنعت بكلامك بس خللى فترة الخطوبة تتطول شوية بس الاول اشوف الولد واتكلم معاه اطمن على بنتى يعنى بس يارب يكون كويس
أحمد سبحان مغير الاحوال حاضر يا ستى انتو هتحتاجوا حاجة من هناك
مها لا سلامتك يا حبيبى
ذهب احم ليركب بجوار ابنته فى الكرسى الخلفى كانت طوال الطريق لا تتكلم ناظرة للطريق فقط كعادتها اما احمد فقد كان مشغولا بهاتفه يجرى بعض المكالمات الخاصة بعمله لاحظ احمد سكون سمية الشديدفامر السائق ان يتوقف عند كافى شوب نزل بصحبة ابنته وذهبا ليحتسيا قليلا من القهوة
أحمد ياااااااه الواحد كان نفسه فى فنجان قهوة زى ده دماغه بتتظبط
سمية يعنى ماما فنجانها مش زى ده
أحمد متدخلينيش فى طريق اللى يروح ميرجعش ماما دى مفيش زيها مش فنجانها اللى مفيش زيه
سمية بابتسامة صافية ربنا يخليكوا لبعض يارب يا بابا ع فكرة مبقاش فى منكم تانى
أحمد ليه بس فى والله وكمان انا عارفه
سمية بعدم فهم مش فاهمة
أحمد مش فاهمة طيب فى واحد عايز يخطبك
سمية مقاطعة بسرعة لالالا ولا واحد ولا بتاع انا قفلت الموضوع ده خالص
أحمد يعنى ايه هو عشان واحد زى محمد تقفلى الموضوع وتدفنى نفسك
سمية بضيق مكتوم يا بابا محمد ميفرقش معايا فى حاجة وحضرتك عارف الكلام ده كويس انا عايزة اركز فى دراستى وبس مش عايزة خطوبة ولا بتاع
أحمد يا بنتى انا عايز اطمن عليكى يا حبيبتى ريحينى شوفيه لو معجبكيش وعد مش هفتح معاكى الموضوع ده الانسان ميضمنش عمره وانا نفسى اشوفك فى بيتك قبل ما يحصللى حاجة وبعدين لو على دراستك متقلقيش هو معندوش مشكلة خاااالص ها يا حبيبتى قولتى ايه
احست سمية ان ابيها يفعل ذلك لشعوره بقرب نهايته لم تغضب والدها منها قبل لك ولم تعصه له امرا هى ايضا لا تصلح لان تكون زوجة وربة منزل ماذا تفعل كيف تخرج من هذا اذن ستنفذ طلب والدها ربما يكون الاخير هى لا تدرى ترقرت دموعها على وجنتيها
أحمد خلاص يا بنتى متضغطيش على نفسك انا كنت بس عايز اطمن عليكى لكن مدام الموضوع
سمية مقاطعة لا يا بابا مش كده خلاص اللى حضرتك عايزه
أحمد ينظر لها بأمل يعنى اقوله ييجى
سمية تبتسم بحزن ايوة يا بابا خلاص اللى حضرتك تقوله
أحمد طيب متعرفيش مين هوه يمكن ترفضى لما تعرفى
سمية لا معرفش مدام حضرتك مبسوط بيه كده اكيد كويس
أحمد هو آسر ابن عمو محمود
سمية متعجبة مين
أحمد ايه مستغربة ليه كده
سمية اصل عمره ما شافنى يعنى مشفتوش من زمان اوى ولا هو كمان ده انا معرفش شكله ايه وبعدين اعتقد انه مش هنا
أحمد بفرحة لا شافك كان فى فرح مى وجه فرح ملك محمود قالى انه شافك
سمية اااااه يعنى عمو محمود هو اللى قال لحضرتك مش ابنه
أحمد ايوة الولد خجول فمحمود هو اللى فاتحنى ومستنى ردك
سمية حضرتك قولت لماما
أحمد ايوة هى كانت رافضة فى الاول بسبب والدته لكن وافقت وتتمنى انك توافقى انتى كمان
سمية خلاص يا بابا المبدأ موافقة عليه بس طبعا هصللى استخارة وان شاء الله خير
أحمد ان شاء الله يا حبيبتى فى موضوع تانى عايزك فيه
سمية بنظرة استعطاف تانى
أحمد متتخضيش ايوة هو بخصوص ابن قدرى عليان
سمية بخضة ماله هو طلع من السچن
أحمد لا بس محدش هيقدر يهوب ناحيتك وياذيكى يا سمية انتى بنتى والكل عارف يعنى ايه بنت الفيومى يا حبيبتى فمحدش هييجى على باله فكرة انه يأذيكم اتمنى انك تكونى فهمتى قصدى
سمية بنظرة امتنان وحب لوالدها ايوة يا بابا ربنا يخليك ليا وميحرمنيش من حنانك وحمايتك دى ابدا
أحمد بتأثر يارب يا حبيبتى يارب يلا بأى نروح لخليل انا كلمته وهو مستنينا
سمية ماشى يلا
فى مكان آخر كان محمود فى مكتبه يفكر بما فعله مع ابنه هو فى الحقيقة اخطأ فى حقه وتسرع ايضا ربما بذلك يظلم سمية لكن ماذا يفعل فقد احس ان احمد يريد الاطمئنان عليها فهى حقا ضعيفة لا تقوى على هذه الحياة وهذا آسر المسماة ميرنا قد اخذت عقله تماما وعصى امره بسببها ترى ماذا سيحدث كان آسر فى شركة المنتجات البترولية التى توجد ضمن المجموعة طلب مروة سكرتيرته
محمود مروة اطلبيلى آسر فورا
مروة حاضر اى حاجة تانية يا فندم
محمود لا يا بنتى روحى
خرجت مروة لتطلب آسر بالفعل قدم آسر بعد نصف ساعة كان لديه مفاجأة لوالده من العيار الثقيل
آسر بوجه عابس سلام عليكم حضرتك طلبتنى خير
محمود بنفس الطريقة وعليكم السلام تعالى اقعد عايز اتكلم معاك
آسر وادى قاعدة خير فى ايه تانى يتفرض عليا
محمود خللى بالك من اسلوبك معايا يا آسر
آسر لا والله وحضرتك مخدتش بالك من قراراتك اللى تخصنى ليه
محمو پغضب شديد احترم نفسك وانت بتتكلم مع والدك يا محترم
آسر انا اسف مكنتش اقصد
محمود فكرت فى موضوع امبارح
آسر حضرتك مسمحتليش انى افكر حضرتك فرضت عليا واقع
محمود انت لازم تعرف انا بعمل كده لمصلحتك
آسر محدش بيعرف مصلحة الانسان اكتر من نفسه
محمود والده بيعرف اكتر المهم أحمد جاى النهاردة هتقابلهوتطلب ايد بنته منه وبطريقة كويسة زز
آسر اى اوامر تانية
محمود لا وككون مؤدب ومتحسسوش باى حاجة
آسر حاضر كل اللى حضرتك عايزة هيتنفذ بس بشرط
محمود متعجبا شرط
آسر انى اشتغل فى امريكا هشتغل فى الجامعة هناك وهاجى اجازات هنا
محمود ده شرطك
آسر ايوة
محمود طيب براحتك لما حماك ييجى قوله متنساش انك هتاخد بنته وتغربها معاك
آسر محدش جاب سيرة بنته فى الموضوع
محمود ازاى
آسر بنته هتفضل هنا وانا هفضل هناك فى الاجازات هاجى وده اللى عندى يا كده ياانهى الموضوع معاه
محمود پغضب انت كده هتظلم البنت معاك
آسر حضرتك ظلمتنى ع الاقل انا مفرضتش عليها وضع هى هتكون جاية عليه اساسا ده اللى عندى يا بابا بالمناسبة انا مسافر الاسبوع الجاى وهاجى بعد ما اخلص المناقشة واتعين
محمود ونظر لابنه بقوة انت ناوى على ايه انت ناوى تتجوز ميرنا
آسر ببرود لا ازاى هتجوزها وانا متجوز بنت عمى اكيد باباها مش هيوافق زبنته تكون زوجة تانية خلاص
محمود وهو باباها يهمه ايه
آسر يهمه كرامتتها ع العموم الموضوع ده اتقفل خلاص
عن اذن حضرتك
محمود ولم يصدق ابنه خليك فى مكتبك اللى فى الادارة هنا عشان لما أحمد ييجى
آسر يعنى حضرتك موافق
محمود ايوة موافق
آسر طيب كويس عن اذن حضرتك
خرج آسر تزين وجهه الوسيم ابتسامة نصر بينما طلب محمود أحمد
أحمد السلام عليكم
محمود وعليكم السلام ازيك يا ابو النسب ولا لسة بردو
أحمد لا خلاص قولها براحتك
محمود يعنى وافقوا
أحمد ايوة يا سيدى بعد معاناة
محمود ماشى يا سيدى اهم حاجة انهم وافقوا المهم هستناك انا وآسر فى المكتب النهاردة
أحمد خلاص ماشى ان شاء الله
محمود مبروك يا احمد ربنا يتمم ليهم بخير
أحمد يارب المهم نتكلم فى الموضوع لما اجى مع السلامة
محمود مع السلامة
كان احمد يتحدث فى الهاتف وسمية فى عالمها الاخر ماذا ستفعل وضعت نفسها فى مأزق كيف ستخرج منه هكذا سيعرف الجميع بمرضها اذن لن يكون هناك زواج ستكون خطبة فقط بمجرد مجئ والدها من الخارج سنتهى الموضوع ستوضع فى نفس الموقف لنفس السبب مرتين يارب مرر هذا الامر على خير
البارت ال
وصل أحمد وابنته لمنزل خليل واستقبلتهم أميرة بحبور وكرم كعادتها ثم انفرد الصديق بصديقه
خليل طمنى ايه اخبار صحتك
أحمد الحمد لله تمام جدا حددتوا خلاص السفر هيكون الاسبوع الجاى ان شاء الله
خليل ايوة ان شاء الله أمين اكد المعاد خلاص
أحمد طيب خلاص عشان احجز التذاكر
خليل لو عايز اجى معاك يا احمد هاجى
أحمد لا خليك هنا امين ومها هيكونوا معايا هناك ان شاء الله
خليل ربنا يطمنا عليك وترجعلنا بالسلامة
احمد بمرارة ويأس حاسس ان انا مش هرجع منها
خليل يا شيخ متقولش كده خللى املك فى ربنا كبير وبعدين نسبة النجاح كويسة
أحمد 40 كويسة يا خليل
خليل طبعا بالنسبة للنوع ده من العمليات كويس جدا
أحمد ربك ييسرها مش هوصيك ع الولاد يا خليل لو حصللى حاجة
خليل متقولش كده يا احمد دول ولادى وان شاء الله ترجعلهم بالسلامة
أحمد خليل تبقى شوف سمية صحتها مش عجبانى كحتها رجعت زى الاول
خليل ماهى بنتك دماغها نافة زيك ربنا يهديكوا وتقوللى ايه انا كويسة يا عمو اكيد متقلقش
خليل طيب استنى الغدا
أحمد لا مش عايز اتاخر عليه كمان عشان نتفق
خليل بعدم فهم تتفقوا علي ايه
أحمد ايه ده هو انا مقولتلكش
خليل بعدم فهم قولتلى ايه
أحمد محمود طلب ايد سمية لآسر وانا وافقت
خليل پصدمة نعم وافقت لا مينفعش طبعا
أحمد باستغراب ليه مينفعش
خليل بارتباك هه لا يعنى مخدتش راى سمية
أحمد لا اخدته وهى وافقت
خليل پصدمة اكبر لا مينفعش استحالة طبعا
أحمد هو فى ايه يا خليل ايه استحالة دى بقولك كلمتها الصبح واحنا جايين وهى وافقت
خليل اصل اصل هى كانت قافلة الموضوع ده
أحمد واهى فتحته يعنى هتترهبن البنت المهم انت عرفت
خليل هى البت اتهبلت ولا ايه هو ايه اللى بيحصل طيب
أحمد انت اتدايقت ليه كده
خليل ولا حاجة بس سمية مش هتسلك مع ميرفت وبعدين آسر ده كمان انا مش مستريحله
أحمد ك متقلقش من ميرفت انت هتعمل زى مها وبعدين آسر راجل ومحترم ومتعلم كويس وكمان متدين وفوق ده كله ابن اخويا
خليل بس حاسه مينفعش لسمية يعنى هو حاجة وهى حاجة تانية خالص
أحمد بس هو ده اللى هطمن على بنتى معاه
خليل هو انت لسة حاطط الموضوع ده فى دماغك مش الجواز هو اللى هيحميها يا احمد صدقنى والله هى اللى هتحمى نفسها وبعدين تعالى هنا هو انت ضغطت عليها فى الموضوع ده
أمد لا طبعا مش حصلت اضغط عليها
خليل تلاقيك نيلتها والله يا احمد ماهى تعرف انك تعبان يا شيخ تلاقيها قالت هتوافق عشان خاطرك الله يسامحك يا شيخ اقول ايه بس مهى لولا دماغها الناشفة اللى زى دماغك مكناش دخلنا فى الدوامة دى كلها الله يسامحك انت وبنتك طيب الموضوع ده حصل امتى وهتتفقوا ازاى
أحمد محمود قاللى امبارح وفاتحتها النهاردة فيه وهى وافقت وكمان مها موافقة اما بأى الاتفاق وكده فان شاء الله تكون الخطوبة قبل ما اسافر
خليل ايه السرعة دى سيب البنت تدرسه الاول وتشوفه
أحمد يا سيدى تدرسه بعد الخطوبة المهم انا اتاخرت جدا عليه بقولك ما تيجى معايا
خليل اجى معاك فين دى حاجات بينكم
أحمد