قلب ليس من حقه الحب لؤلؤة حيرانة

احص عليك ايه بينكم دى ده انت ابو سمية يا راجل بجد والله تعالى
خليل لا والله مينفعش مش فاضى وبعدين فى حاجات عندى فى المستشفى طمنى بس هتعملوا ايه وهتتفقوا عليه
أمد اكيد استأذن
خليل اتفضل يا سيدى
خرج أحمد وخليل من اغرفة المكتب وسلم أحمد على ابنته بينما نظر لها خليل بضيق ووعيد لها كان يتمنى ان يمسك بتلك التحفة الموجودة على الطاولة ويضرب بها رأسها لاحظت سمية تلك النظرات فهى تعرفها جيدا خمنت ماذا حدث ودعت اباها ثم رحل احمد
خليل تعالى يا هانم عايزك جوه أميرة خللى هدى تعمل فنجان قهوة وكوباية عصير وتدخلهم لنا المكتب ومش عايز ازعاج
أميرة باستغراب حاضر
أميرة تهمس لسمية عمك خليل متعصب ليه
خليل مفيش يلا ادخلى يا سمية روحى دلوقتى يا أميرة
دخل خليل ورائه سمية امرهاان توصد البا جيد فعلت ذلت وجلست
خليل بعصبية شديدة ممكن اعرف مووضوع آسر ده كمان
سمية بارتباك هو بابا لحق يقول لحضرتك
خليل بسخرية كنتى عيزانى اعرف من جواب فرحك
سمية لو سمحت يا عمو بلاش تريقة من فضلك اساسا الموضوع مش ناقص
خليل عيزانى اعمل ايه انتى عايزة تتجوزيه بجد
سمية لا طبعا بس
خليل بس ايه
سمية بصوت ټخنقه العبرات يا عمو بابا قاللى الصبح وفضل يقول نحدش ضامن عمره ونفسى اطمن عليكى ولما قولتله انى رفضت زعل فقولتله خلاص يا بابا انا موافقة فرح جدا وقاللى انه آسر انا مكنتش اعرف لو تشوفه زى ميكون كان هم على قلبه انا مش عايزة ازعل بابا ولا اخليه يفكر فى حاجة تقلقه قبل سفره وخصوصا انه كلمنى على موضوع سيف كمان يعنى قلقان عليا وانا مش عايزة حد يحمل همى ولا اى حاجة
خليل طيب وهتعملى ايه بأى ان شاء الله
سمية معرفش بس كل اللى اعرفه انه خللى الموضوع خطوبة لحد مبابا ييجى من الفر وبعدها يحلها حلال
خليل وافرض احمد قال انكم تتجوزواقبل ميسافر عشان يطمن بردو هتعملى ايه
سمية استحالة اساسا ده فاضل على سفره 10 ايام استحالة طبعا
خليل ليه مهو عايز يطمن عليكى وبعدين آسر مش ناقصه حاجة ولا انتى كمان ومش هتاخدوا وقت تتعرفوا على بعض لانكم تقريبا ولا د عم يبأى يأجل ليه مش يسافر وهو مطمن على بنته ده بعا زى ما أمد هيفكر قوليلى بأى هتتصرفى ازاى
سمية بقلق زائد لااااا مهو كده مش هينفع لازم يتاجل لحد لما بابا ييجى ربنا يسهلها من عنده ايه يا ربى اللى انا فيه ده هو انا كنت ناقصة
خليل ربنا يحلها من عنده حطيتى نفسك فى خانة الياك يا دكتورة هتطلعى ازاى ربنا يسهلها عنيدة زى ابوكى
سمية بالله عليك يا عمو انا مش ناقصة انا اللى فيا مكفينى بد الترم ده انا خاېفة منه اساسا
خليل انتى لو فضلتى كده انا هاجلك الترم ده
سمية وقد امتقع وجهها نعم ااجل ايه لا لا لا وليه اساسا يتاجل
خليل سمية انتى صحتك فى النازل مش مواظبة على علاجك كويس الراحة مفيش راحة من يوم فرح ملك وانتى بتشتغلى فى البيت عندكم ولا كأن اساس فى خدامين هناك لا وكمان ايه الخيل اللى لازم تهتمى حضرتك بيه طبعا وده كله كان قدامى فمفيش مبرر لده وانتى عارفة اخر مرة كشفتى وعملتى الاشعة ورسم القلب كانت النتيجة ايه خدى بالك انا لو لقيتك تعبانة هأجل الترم ده ومش بعيد اقول لمها واحمد
سمية بسرعة وبراءة شديدة لالا لالا كله الا كده بس انا فعلا كنت زعلانة بعد فرح ملك لانها سابت البيت وكده يمكن ده اللى خلانى اهمل الدوا ووبعدين يا عمو انا معرفش اعيش حياتى زى محضرتك عايز كده معرفش ده الاجازة اللى فاتت مركبتش الخيل خالص ولا اهتميت بيه زى الاول فصعب يا عمو بجد
خليل وقد شعر انها فلة ليست سمية العاقلة الناضجة فهى فعلا خبرتها لا تتعدى خبرة طفلة فى هذه الحياة يا حبيبتى مينفعش كده نهمل فى صحتنا انا نبهتك يا سمسمة قبل كده ممكن ندخل فى مشاكل احنا فى غنا عنها
سمية بشئ من الرضا حاضر يا عمو فى حاجة تانية اتهزأ عليها ولا خلاص
خليل لا خلاص وموضوع آسر ده متقلقيش و حصل حاجة انا هتصرف ومن غير ما اقول لباباكى او مامتك ارتحتى
سمية بجد يا عمو ربنا يخليك ليا بجد
خليل تعبانى معاكى يا شيخة روحى منك لله
سمية مفيش احسن من ربنا
خليل ونعم بالله روحى غيرى عشان هنروح المستشفى بعد الغدا
سمية بقلق مستشفى والدكتور سمير
خليل هو انا مقلتلكيشسمير خلاص مشى من المستشفى عمك مش هيشغل واحد باع ضميره وكمان فى مفاجأة
سمية مفاجئة
خليل بس مش لطيفة سيف هرب من السچن بيقولوا انه هرب برة البلد وباباه متبهدل فى الجرايد والتلفزيون انتى مبتقريش جرايد ولا ايه
سمية بقلق مش اوى بس هو فعلا هرب وهعمل ايه
خليل يا بنتى هو اللى ىهرب مش انتى وبعدين باين كده هيضحوا بوالده
سمية ازاى
خليل مش التعديل الوزارى بعد شهر تقريبا
سمية ايوة
خليل قدرى عليان اول اسم هيتشال وافتكرى كلامى كويس
سمية انا مليش دعوة بوالده انا فيه هو ممكن يعمل حاجة
خليل مهو لو باباه اتشال مبقاش فى حماية ليه فهيخاف يعمل اى حاجة وغير كده هيجيبوه عشان صورة الحكومة اللى بقت زى الزفت ادام الناس فلما هيصدقوا يقبضوا عليه عشان يتوهوا عن مصايب اكبر
سميو بشئ من الدهشة ربنا يستر
خليل يلا قومى
فى مكان آخر دخل أمد غرفة محمود ما ان دخل حتى قام محمود من مقعده وسلم عليه سلاما حارا واجلسه
محمود ده كله عند خليل ماشى ماشى انت مبتعدلش بينا
أحمد اللى يسمعك يقول انت قاضى ماشاء الله عليك فى العدل
محمود ماشى يا احمد عشان انت الكبير بس هعديها استنى اطلب آسر هو فى مكتبه عشان نتفق
أحمد لاااا استنى نتكلم الاول وبعد كده اطلبه
محمود وقد شعر ان احمد استشف شيئا غير منطقى بهذا الموضوع فأحمد بذكائه وخبرته فى الحياة لا يمر عليه موضوع هكذا خير
أحمد بجدية خير انا كلمتك بخصوص التوكي بس موضحتش ليك زالتوكيل ده عام لسة متسجلش لو حصللى اناموصى المحامى يسجله فى سرية تامة بحكم توكيلى له وكمان هيكون معاه وضية لسمية تضمن حق اخواتها لكن لو محصليش ورجعت كويس فهو هيكون ورقه فيها حبر ملهاش معنى
محمود انا قولت انت لا يمكن تظلم ولادك مهما كان حبك لبنتك
أحمد بخصوص بنتى بأى انت متأكد ان آسر عايز يخطبها
محمود ايوة
أحمد بجدية لآخر مرة بسالك ابنك موافق
محمود انت ليه بتسال كده
أمد لا حول ولا قوة الا بالله بنتى وعايز اطمن انه ماخدهاش واحد مكنش عايزها غير كده من كلامى مع ابنك هو مش عايز يتجوز ولا بيفكر فى الموضوع ده ده عايز يسافر يكمل دراسته
محمود بارتباك هو فعلا هيسافر يكمل ده باقى مناقشة الدكتوراة بس
فى هذه الاثناء يدخل آسر وعلى وجهة ابتسامة عريضة فقد اتقن الدور جيدا دخل ورحب بحماة كما دعاه ترحيبا حارا وجلس بجواره
آسر الشركة منورة يا عمو ولا اقول يا حمايا
أحمد قول اللى انت موافق عليه
آسر انا ضامن واحدة وبتمنى التانية
أحمد يعنى
آسر يعنى عايز اخطب بنت حضرتك لو مكنش عندك مانع وياريت توافق
أحمد بنظرة ذات معنى بنتى هى ملهاش اسم ولا متعرفوش
آسر لا طبعا اعرفه عايز اتجوز سمية يا عمو وياريت حضرتك توافق وان شاء الله متندمش
أحمد وانا اديتك يا آسر بس حافظ عليها دى حتة قماشة بيضا لسه مترسمش عليها حاجة من الدنيا
آسر وقد شعر بالذنب قليلا متقلقش يا عمو الرسول قال اذا احبها اكرمها واذا كرهها لم يهنها اطمن بنتك هتكون معززة مكرمة معايا ان شاء الله
أحمد ده اللى بتمناه من ربنا عشان كده وافقت عليك عشان انت عارف ربنا ووالدك رباك كويس من صغرك وان سفرك برة مغيرش اخلاقك انت شوفتها
آسر بارتباك ايوة شوفتها فى فرح ملك وده اللى خلانى اطلب ايدها من حضرتك
أحمد سبحان الله
آسر هو حضرتك بتضحك ليه سمية عسولة جدا قمر ټخطف اللى يشوفها دى حتى كانت هى العروسة مش ملك
أحمد هى بنتى وفوق دماغى ومفيش فى جمالها عندى بس سمية جمالها ميخطفش انت متاكد انك شوفتها
آسر ايه ده يعنى كمان وحشة يارب كفاية كده ايوة طبعا
أحمد خلاص على بركة الله
آسر نتفق بأى
أحمد محمود متتكلم يا بنى ده مش ابنك ولا ايه
كان يتابع محمود الحوار فى صمت لم يدر ماذا حدث لآسر فلو لم يكن يعلم ما عليه الامر لظن انه فعلا يريد خبة سمية ويحبها ماهذا الدهاء الذى يحمله ابنه والعجيب ان أحمد قد صدق بالفعل يا الهى افاق محمود على صوت أحمد
محمود هه خير
أحمد ولا حاجة ابنك طلب البنت وعايز يتفق وانت ولا انت هنا هو بيعتمد على نفسه للدرجة دى
محمود طبعا
أحمد طيب احضرنا ولا هتخليه يتفق كمان
آسر ينظر لوالده نظرة ذات معنى لا طبعا بابا الخير والبركة روحت ولا جيت بابا هو اللى هيتفق مع حضرتك فى وجودى عشان احط اللمسات الاخيرة ولا ايه
محمود وقد فهم الامر طيب ما تيجوا نروح حته نتفق فيها الجو مش مريح هنا للحاجات دى يلا نروح البيت نتغدا ونتكلم على رواقة
أحمد لا يا محمود انا عندى معاد تعالى نروح مطعم قريب وخلاص
محمود وقد فهم انه على موعد مع طبيبه خلاص ماشى واتصل بسمية تيجى
آسر بسرعة دى هتكون قاعدة رجالة وهتكون محرجة بلاش المرة دى
أحمد عندك حق يا بنى طيب يلا عشان منتاخرش
آسر وقد تنفس الصعداء فالوضع لا يحنمل وجود تلك طيب انا عارف مكان كويس قريب من هنا
أحمد تمام يلا يا محمود ولا عندك شغل
محمود شاردا لا يلا
خرج محمود برفقة ابنه الذى لم يعد يفهمه فهو فاجأه بما فعل مع احمد لتوه نعم ابنه على قدر من المسئولية ويعلم جيدا كيف يتصرف ومتى ولكنه ليس بكل هذا الدهاء الذى اقنع احمد تماما بكلامه واوشك ان يقنعه ذهب الرجال الثلاث الى مكان قريب وكان هادئا نوعا ما
آسر نتفق بأى ع الخطوبة وكده
محمود يا ابنى اصبر احنا لازم نروح الاول بيتها ونطلبها
آسر طيب ليه احنا عارفين بعض كويس وبعدين هى هنا وكمان مفيش وقت انا مسافر آخر الاسبوع
أحمد متفاجئا لحظة مسافر فين
آسر مسافر امريكا عشان المناقشة ان شاء الله لان معاد رجوعى مقررينه هما من قبل ما اجى للاسف
أحمد طيب وبعدين انا مسافر الاسبوع الجاى يعنى بعدك بكام يوم وعايز اطمن على البنت قبل ما اسافر
آسر طيب يا عمو ما هو الخطوبة ان شاء الله هنعملها قبل