اسكريبت حصرياً مجرد وهم كامله لجميع فصول بقلم الكاتبة ناهد خالد

هيتأقلم وهيتعود عليكي وشال ذنبك.
اتنهد وبصلها وقال
الوضوح يا فريدة... الوضوح وإننا منوهمش نفسنا هو اكتر حاجة بتمشي علاقتنا صح وتولد علاقات سليمة بعيد عن الزيف والخداع بس احمدي ربنا إنك خرجت من التجربة ولحقت نفسك.
بس زين ده شكله مهتم اوي.
قالتها فرحة وهي بتكلمها في التليفون فضحكت ضحكة عالية وهي بتقول
تحبي اصدمك اصل بقالك شوية كل ما اجيب سيرته تلسني بكلام ملوش لازمة.
إيه متجوز
سألتها فرحة بقلق فجاوبت
هو بعيدا عن إنه مش متجوز هو أرمل يعني مراته مټوفية بقالها 3 سنين وهو مش ناوي يتجوز لكن نسيت اقولك إنه عنده 43 سنة يعني اخويا الكبير وش.
الفرق بينكوا 16 سنة! كتير يا خسارة.
ضحكت وهي بتقول
يا حبيبتي زين بيعاملني إني اخته الصغيرة واللي عزز ده علاقته بخاله وإنهم صحاب من زمان وانا بشوفه اخويا الكبير ربنا عوضني بيه عشان يكون جنبي وقت عوزه تعرفي إنه بعتلي واحده من البنات اللي بيشتغلوا عندهم في البيت عشان تقعد معايا لحد الولادة خاېف اتعب ومحدش معايا.
ربنا يباركله يا رب ويجعل جزاه خير وانت برضو قدميله حاجات حلوة يعني متخليهوش هو اللي عطول بيعمل الحلو معاكي ومفيش منك مقابل.
ردت وهي بتبص للأكل اللي بتجهزه وضحكت وقالت
بعمله صينية كوسة بالبشاميل عرفت إنه بيحبها وعندهم في البيت اهله لهم طقوس معينة في الأكل وهلثي وكده... فقولت اروق عليه.
ايوه يا عم!.

بعد مرور 4 شهور...
يا خړاب بيتك يا ابني مش هتسيبك في حالك هتبيعك اللي وراك واللي قدامك.
بس بقى يا ام ياسر احنا اعصابنا مش متحملة ندب!
قالها أبوه وهو قاعد قدامهم راسه محڼية وكأنه مش قادر يرفع عينه فيهم.
حاول تصلح الدنيا معاها البت دي هي وأهلها نابها أزرق.
رفع راسه لهم وعينه محمرة زي الډم
مش هرجعها بقولك رفعت صوتها عليا وشتمتني وبتهددني بأهلها وفوق كل ده عوزاني ادخل ابنها مدرسة خاصة بيدفعولها 40 الف في السنة اجيب منين
مش ابنها ده نفقته على أبوه
سألته أمه من بين دموعها فرد
اه بس ابوه عاند ومش عاوز يدخله خاص وراح قدمله في حكومي وراحت هي سحبت ورقه.
حاول يمسك أعصابه وميكملش كلام لكنه مقدرش وكمل
لا وكمان عوزاني قال أشارك اخوها في رحلة عمره لأمها في عيد الأم الجاي طب وانا مالي! انا اديها تجيب لأمها عباية ولا هدية بسيطة لكن اروح ادفع الوفات ليه!
سمعوا خبط الباب فقام ياسر
فتح لقى اخوها في وشه بيدخل بكل همجية
وسع هاخد هدوم اختي واعمل حسابك مش هترجع إلا لما تنفذ كل اللي هي عايزاه.
يبقى مش عايزها.
قالها رد عليه والڠضب ماليه وبعد أسبوع كان بدأ في إجراءات الطلاق ولكن كانت واخده كل حاجة في شقته حتى فرشه وسابتله الشقة حيطان بس حتى شبكتها بعتها قبل الطلاق وكانوا كاتبين عليه مؤخر 400 الف دفعهم لها.
وقف في نص الشقة يبص حواليه بحسرة مش قادر يستوعب اللي وصله سمع صوت وراه فلف شاف أبوه شايل زين ابنه فابتسم بتلقائية واتحرك ناحيته بلهفة وسمع ابوه بيقوله
قولت مفيش غير زين باشا هيخرجك من الحالة دي.
والحقيقة عزيزي القارئ في أخطاء مبنقدرش نصلحها وغلطتنا الأولى بتكون نتيجة سيئة لكل اللي حصل بعدها مش دايما المجازفة حلوة ساعات بتكون خړاب وغرق وخصوصا لو على وهم إن شخص هيتغير! مش كل اللي اتجوزوا بعض ڠصب حبوا بعض وعاشوا في تبات ونبات! الأغلبية كان الطلاق نهاية.
انتهت
رأيكوا يهمني
اللي كان فاكر ان فريدة ترجع لياسر بعد الل عمله.. فاحب اقولك يبقى متعرفنيش.... انا مستحيل ادعم
ضعف وذل المرأة في قصصي... ستاتي كلهم قادرين
نتقابل في قصة جديدة لو كان لسه فيه عمر
مجرد وهم
مجرد رسالة
ناهد خالد