رواية جديدة

نعمة وكنت جوة الاوضة وعقلي وتفكيري بره معاهم لدرجة اني كنت مش متجاوب مع نعمة نهائي !!!
و خيال بيصورلي ان دلوقتي بتحصل حاجة بينهم !!
واضطريت ان اخرج من الاوضة واقعد بره
خرجت وكان حمدي قاعد بيلعب في تليفونه وانا قاعد ببص عليه وبفكر
وبعد شوية دخل حمدي اوضته وفضلت قاعد لحالي لحد ما جت نعمة وقالتلي مالك يا ربيع انت مهموم كده ليه
مفيش بفكر في حاجة
طيب قول نتشارك مع بعض مش انت طول عمرك بتشركني معاك في الكبيرة والصغيرة
ايوه بس سبيني شوية وبعدبن هاخد رأيك فيه
لأ انا مش هسيبك مهموم كده الا لما تتكلم
عاوزة اي يا نعمة
عاوزاك تتكلم وتطلع اللي جواك
انا عاوز اخد دار تانية لهدير
نعم !!! وتعمل رأسها براسي !!
انتي مش هيبقي ليكي علاقة بيها خالص حتي كمان علشان مش تحسي بالغيرة لما اكون بايت عندها
يعني انت عارف ان بياتك عندها بيضايقني !!
ايوه اكيد بس انا فهمتك قبل ما اتجوزها وانتي رضيتي
لا يا ربيع خليكوا قاعدين معانا
انتي مش كنتي بتقولي خاېفة علي ابنك منها
ايوه
طيب انا هبعدها عن ابنك خالص
لا يا ربيع هتفضلوا معانا في الدار
بعد اي انتي ډخلتي الشك في قلبي من ناحيتها
متخافش شرفك عمر ما حد هيمسه وانا طول ما انا موجوده عمرها ما هتقدر تعمل حاجة
انتي بتتكلمي عنها وكأنها بنت انا متجوزها من الشارع !!!!
لا مقصدش انا اقصد ان حتي لو الشيطان لعب بدماغها انا موجوده
ولما تكوني مش موجوده
انا هفضل جنبها علطول
افتكرت صحيح حاجة
خير
انا لما قابلتك سألتك رايحة فين قولتيلي رايحة للدكتور بعدين بالليل نسيت وسألتك تاني قولتيلي كنتي بتجيبي اكل للطيور بتكدبي عليا ليه
انا انا
اتكلمي علطول يا نعمة وبلاش كدب كنتي فين
وبدأت تنزل دموعها علي خدودها فحسيت ان وراها موضوع كبير
طيب من غير دموع اتكلمي ومټخافيش وميهمكيش من اي حاجة
الصراحة كنت عند الدكتورة
طيب لما سألتك تاني من شوية قولتي ليه انك كنتي بتشتري اكل للطيور !!!! قولي الحقيقة
انا كنت فاكرة نفسي حامل لكن عرفت اني مش حامل
طيب وبتكدبي ليه
كان نفسي اطلع حامل
وهتفرق معاكي
ايوه
ليه
علشان اعرفك واعرفها ان انا مش راحت عليا
ضحكت اوي وقولتلها انتي غبية
انا غبية ليه
علشان انتي عارفه ان اللي في قلبي من ناحيتك ملوش اي علاقة بحمل وخلفة ولا حتي عيالنا هما اللي ربطنا ببعض انا اللي ربطني بيكي الحب اللي عرفته اول مرة معاكي
يعني انت لسه بتحبني زي الاول
واكتر كمان
والعروسة بتحبها
مش هكدب عليكي بحبها بس طبعا مش قدك
وازاي بقي بتحبنا احنا الاتنين القلب مش بيحب الا واحد بس
ضحكت وقولتلها ده القلب الصغير انما انا قلبي كبير يساع من الحبايب الف
انت بتهزر !!!
بضحك معاكي يا نعومتي
طيب يلا ندخل ننام بقي
لما توافقي الاول
اوافق علي اي
توافقي اخد دار تانية لهدير
يا راجل طب قول ناخد دار لحمدي ابنك !!!
لأ ابنك يتجوز معاكي هنا علشان مراته تشوف طلباتك
وهو في بنت من بنات اليومين دول بتخدم حماتها !!
بقولك اي احنا فلاحين وطبعنا كده ولا مش عجبها متدخلش الدار من الاول وبعدين ابنك هيتجوز فلاحة زينا يعني مش هيكون جديد عليها
حمدي مش هيتجوز من هنا
اومال هيتجوز منين
عاوز يتجوز من مصر
هو قالك كده
مقالش بس انا فهمت من كلامه كده
وهو هيقدر علي بنات مصر !!!
معرفش بقي لما ييجي ساعتها نبقي نشوف
طيب خلينا دلوقتي في موضوعنا وافقي يا نعمة اخد دار لهدير
لأ
وافقي علشان مش اعمل حاجة وانتي رفضاها
يعني معني كلامك انك واخد القرار !!!
ايوه
اومال بتقولي ليه
قولتلك علشان مش اعمل حاجة انتي مش راضية عنها
طيب وانا بقولك لأ يا ربيع مش موافقة !!!
بقي كده !!
ايوه كده وهقولهالك من الاخر يا ربيع لو اخدت للبت دي دار تانية هيبقي اخر يوم لنا مع بعض و تطلقني في نفس اليوم
انتي كمان بټهدديني يا نعمه !!!
مش پهددك انا بقولك علي اللي في دماغي
طيب ادخلي نامي يا نعمة الفجر قرب
مش هتدخل معايا
لأ هصلي الفجر وهبقي ادخل انام روحي نامي انتي
تاني اليوم الصبح كان اخر يوم من ايام نعمة وهدير هي اللي بتقوم بتوضيب البيت
هدير قامت الصبح قالبة وشها ومكشرة ومش بتضحك خالص
حاولت طول اليوم اعرف السبب لكنها كانت مش عاوزة تتكلم ابدا
وانتهزت فرصة ان نعمة انشغلت عني شوية وقولت لهدير مالك النهاردة مين مزعلك
مفيش
لأ اكيد حد ضايقك مين نعمة ولا حمدي
الحلقة ١٠
وانتهزت فرصة ان نعمة انشغلت عني شوية وقولت لهدير مالك النهاردة مين مزعلك
مفيش
لأ اكيد حد ضايقك مين نعمة ولا حمدي
انا انا سمعت كلامك مع نعمه البارح
سمعتي اي
لما قولتلها ان انت عاوز تاخد دار ليا انا وانت بس وهي قالتلك لأ
انتي كنتي واقفة تتصنتي علينا
لأ انا سمعت بالصدفة
عيب كده يا هدير متعمليش كده تاني
حاضر
قوليلي بقي انتي عايزة ايه
عايزة دار لحالنا
ليه حد ضايقك بقلم عادل عبد الله
لا بس علشان اخد راحتي
طيب خلاص اعتبري اننا اخدنا دار خلاص
بجد يا ربيعي
ايوه
بس انا لسه زعلانه
ليه بقي !!!
وهنا رجعت نعمة فسكتنا
نعمة ايه سكتوا ليه كنتوا بتقولوا كلام سر
لا ابدا مفيش حاجة
لو وجودي مضايقكم امشي !!!
لا لا مفيش حاجة
بعني هي مش صابرة لحد بكره
هدير ايه مش صابره دي هو ده كلام !!
خلاص يا هدير هي متقصدش
لأ هي تقصد يعني ايه مش صابرة هو انتي شوفتينا بعمل اي
نعمة بقولك اي يا بت انتي اتلمي واحترمي نفسك
اي ده انتوا مش عاملين
حساب لوجودي وسطكم
نعمة انت عجبك كلامها بالطريقة دي !!
هدير انا مش غلطت في حاجة انا برد علي كلامك وطريقتك في الكلام
طيب خلاص انتوا الاتنين انا قاعد وسطكم وحتي لو مش قاعد المفروض تعملوا حسابي !!!
هدير انت مش شوفت هي
بس خلاص احنا اتفقنا اننا كلنا هنعيش اسرة واحدة وانتوا كده هتخلوني اغير معاملتي معاكم انتوا الاتنين
نعمة انت تقصد ايه
خلاص يا نعمة انتي الكبيرة والعاقلة
ضحكت هدير بصوت عالي اوي ايوه يا طنط انتي في سن ماما
نعمة مو لما ياكلك احترمي نفسك يا بت انتي لولا اني عاملة حساب لربيع كنت علمتك الادب
بس خلااااص انتوا الاتنين لو واحدة فيكم نطقت كلمة تانية هطلقكم انتوا الاتنين مع بعض
ساد الصمت لمدة دقايق بعدها انا قولت مادام وصل بيكم الحال للدرجة دي يبقي كل واحدة فيكم تعيش في دار لحالها منعا للمشاكل
نعمة اااه قول كده بقي !! انتوا عملتوا الفيلم ده كله علشان تنفذ اللي في دماغك وتشتريلها دار
انا مش محتاج اعمل كده
طيب علي العموم من النهاردة ملكش دعوة بيا خالص اعتبرني ام ابنك وبس !!! وبعد كده نام عندها علطول لحد ما تاخدلها دار وبعدين اقعد معاها براحتكم
انتي هتحكمي عليا يا نعمة !!! بقلم عادل عبد الله
نعمة ملكش دعوة بنعمة خلاص
يعني ايه انتي مراتي واللي اقولك عليه تسمعيه
انت بتكلمني كده ليه يا ربيع

انت عمرك ما كلمنتني بالشكل ده !!!
علشان عمرك ما عملتي كده في وجودي
خلاص يا جوزي خلي العروسة الجديدة تنفعك
وقامت نعمه مشيت واحنا لسه قاعدين !!!
قومت خرجت من الدار وانا متضايق وبفكر اعمل ايه !!
اتمشيت في البلد لما وصلت القهوة كان دسوقي صاحب عمري قاعد لحاله
قعدت جنبه وقولتله اطلبلي شاي وحجر معسل
دسوقي اي يا ربيع مالك
ابدا مفيش
لأ فيه حاجه مضايقاك
عرفت ازاي !!
انت مبتشربش معسل الا كل فين وفين !!! ومش من عوايدك انك تقعد ع القهوة !!
عادي قولت افك عن نفسي شوية
لا لا اللي فيك مش كده احكيلي يا ربيع دا انا صاحب عمرك
الصراحة زهقان وقرفان من البيت
معقول !!! دا احنا كلنا بنقولك اكيد انك مبسوط ومرتاح اوي الايام دي
وهتيجي الراحة منين يا دسوقي
من الجوازة الجديدة اكيد مرتاح مع العروسة الجديدة
باين ياض يا دسوقي الواحد عمره ما هيشوف الراحة
ليه بس بتقول كده بقلم عادل عبد الله
الاتنين النسوان
مالهم اكيد بيتنافسوا ع اللي تسعدك اكتر
والله شكل عينيك يا دسوقي هي اللي هتجيبني الارض
عيني انا !!! دا انا عمري ما بحسد وبتمنالك الخير
ايوه ياض انت هتقولي !! انا عارف عينك ومجربها !!!!
قولي بس نسوانك مضايقينك في ايه
الاتنين مش طايقين بعض يا دسوقي وانا بدأت اتعب في النص
انت لسه شوفت حاجة يا ربيع !! دا انت لسه متجوزين من شهرين تلاته !!! اصبر شويه وهتشوف !!
هشوف اي يا دسوقي
هتشوف النجوم في عز الضهر يا ربيع
ليه كده وبتقول كده وفي نفس الوقت بتقول بتتمنالي الخير !!!
ايوه بتمنالك الخير بس دي الحقيقة
حقيقة اي
ان الحريم الاتنين لسه هيتعبوك ياما يا راجل !!! في حد دلوقت بيقعد اتنين حريم في بيت واحد !!!
ايوه رجالة كتير عملوا كده
ده كان زمان يا ربيع دلوقت مفيش حد بيعمل كده الا لما يكون فاجر وانت لامؤاخدة يا ربيع مش كده
يا دسوقي انا كنت عايز الاتنين يعيشوا مع بعض بما يرضي الله
مش هينفع يا ربيع لازم كل واحدة تقعد في دار وحدها
عندك حق انا فعلا قررت كده وهبدأ ادور علي دار تانية
مشيت من القهوة بالليل وانا بفكر اصالح نعمة ازاي ده اللي اخر ليلة عندها ومن بكره ايام هدير !!!
روحت ودخلت الدار وكانت هس هس مفيش ولا صوت فأستغربت معقول كلهم ناموا بدري كده !!!
قولت فرصة اروح اصالح نعمة وهدير نايمة وكمان حمدي نايم وفي نفس الوقت ابقي مطمن ان الشيطان مش هيلعب في دماغهم
روحت اطمن علي حمدي في اوضته الاول بفتح الباب لقيت اوضته فاضية !!! اي ده !! معقول خرج بالليل كده !!! وهيروح فين الساعة دي !!!!
روحت اطمن علي هدير بفتح الباب لقيت الباب مقفول من جوه !!!!
الحلقة ١١
روحت اطمن علي حمدي في اوضته الاول بفتح الباب لقيت اوضته فاضية !!! اي ده !! معقول خرج بالليل كده !!! وهيروح فين الساعة دي !!!!
روحت اطمن علي هدير بفتح الباب اتفاجئت ان الباب مقفول من جوه !!!!
خبطت كتير لقيت حمدي خارج من الحمام !!
كنت فين يا حمدي كل ده
حمدي بضحكة ما انت شايف يابا خارج من الحمام كنت باخد دش
وحبكت معاك تاخد دش في الوقت ده !!
يا با هو الحمام كمان له مواعيد !!!
طيب خلاص يا حمدي خش نام
حاضر يابا
بقولك مشوفتش امك ولا هدير
الاتنين كل واحدة في اوضتها من ساعتها
طيب يا حبيبي ادخل نام
خبطت ووقفت ع باب هدير وفضلت اخبطت ع الباب لحد ما فتحت قولتلها انتي قافلة الباب من جوه ليه
كنت نايمة خاېفة قفلت فقفلت الباب
كنتي خاېفة من ايه
سمعت صوت ع الباب بره فتحت الباب ملقتش حاجة جريت قفلته علشان اطمن واعرف انام وخصوصا اني عارفه انك هتنام عندها الليلة
الحقيقة انا عاوز انام هنا النهاردة
يا ريت يا حبيبي
هي ع حسب كلامها مش عايزاني انام هناك هروح اشوف ولو كده هرجعلك تاني
لا خليك