رواية جديدة

و الشيخ ابو الخلا
بتثق فيهم كويس
ايوه ده صيتهم مسمع في كل مكان
تعالي نروح للشيخ المغواري دا قريب مسافة ساعة بالعربية
ساااعة !!! اومال الشيخ ابو الخلا ده فين
لا ده سفر مش اقل من ٣ ساعات
ياااه !!!
ايوه
ليه هو منين
الله اعلم بس هو عايش في الصحراء من زمان ومحدش يعرف اصله منين !!
وهو احسن ولا الشيخ المغواري
ان جيت للحق الشيخ ابو الخلا احسن بس بعيد ومصاريفه كتير
مش مهم المهم عندي يفك السحر و محدش ينصب عليا
نبقي نروح للشيخ ابو الخلا طوالي
امتي
بكره كويس
ماشي متفقين
في اليوم ده نمت لحالي ع المصطبة قدام الدار للصبح
واول لما طلع النهار لبست واخد معايا فلوس وخرجت عديت علي دسوقي ومشينا
وبعد ما ركبنا ٣ مواصلات ركبنا تاكسي اخدنا ومشينا في الصحراء اكتر من ساعة !!!
هو احنا رايحين فين يا واد يا دسوقي
رايحين للشيخ اللي انت عاوزه
معقول !!! وهو فين الشيخ ده
خلاص قربنا نوصله
هنا في الصحرا دي !!!!
ايوه
وبعد عشر دقايق نزلنا ومشينا حوالي ٢٠٠ متر وكان فيه خيمة علي تبة عالية طلعنا لما وصلنا للخيمة ووقفننا علي بابها و طلبنا نقابل الشيخ
وبعد دقايق دخلنا الخيمة اللي كانت مفيش فيها اي حد الا بعض العضام المعلقة زي اللي كنا بنشوفها في الافلام !!! بقلم عادل عبد الله
كنت مستغرب اوي !!! فين الشيخ ابو الخلا !!! الخيمة فاضية !!!
كان في ستارة سودا واقف جنبها ست قصيرة بمجرد ما وصلنا شدت الستارة استغربت اكتر لما اكتشفت ان وراها سلم لتحت الارض !!!!
قلبي انقبض اول لما بصيت تحت وكانت ضلمة معتمة مش شايف تحت اي حاجة الا اول درجات السلم من فوق !!!!
رجعت لورا شوية ودسوقي كمان حسيت انه خاف قررت ارجع
ولما رجعت لورا ولسه هلف علشان امشي سمعت صوت شديد له صدا عال جاي من تحت الارض بيقول رايح فين يا ربيع مادام وصلت هنا مينفعش ترجع !!!
كنت ھموت من الخۏف الراجل ده عرف اسمي منين قبل ما حتي يشوفني !!! وكلامه ده معناه ايه !!!
قولت ف بالي لازم اهرب من هنا فورا
غمزت لدسوقي يجري معايا وفعلا لفينا وجرينا بسرعة من الخۏف لكن قبل ما نوصل باب الخيمة شوفنا راجل طويل اوي وعريض ولابس اسود ف اسود بيبصلنا وبيضحك وبيتكلم بنفس الصوت وبيقول مش انا
قولتلك ما دام وصلت لهنا مينفعش تهرب !!!
رديت عليه وانا برنجف من الخۏف احنا انا انا انا كنت جايلك تساعدني في استشارة لكن الصراحة خلاص غبرت رأيي
انت كداب انت جاي علشان افك العمل اللي اتعمل لك انت ومراتك الجديدة !!!!!
قولت ف بالي يبقي اكيد دسوقي باعني وهو اللي حكي للراجل العجيب ده
خلاص يا شيخ انا خلاص مش عاوز افكه
ضحك الراجل بصوت عال يخوف اكتر وقالي انت خاېف كده ليه !!
تعالوا معايا وانا هحللك مشكلتك
يا شيخ ان شاء الله مفيش مشاكل ولا حاجة
بيتهيألك يا مسكين انت معمولك عمل سفلي ولو لفيت سنين وسنين مش هيتفك الا عندي هنا
انت بتتكلم بجد بقلم عادل عبد الله
اومال بهزر معاك يلا تعالوا تحت
و حط ايده ع كتفي والتانية ع كتف دسوقي لقينا نفسنا قاعدين تحت الارض في مكان اغرب من اللي بنشوفه في الافلام
ساحة كبيرة تحت الارض ضلمة وفيها انوار خفيفة في الاربع اركان يدوب تقدر تشوف اللي قدامك بصعوبة !! وريحة بخور مالية المكان متقدرش تحدد مصدرها
وقدام الرجل طرابيزة كبيرة عليها كريستالة كبيرة وجنبها صينية كبيرة فيها ميه حمرا مش قادر اعرف دي ايه !!! بقلم عادل عبد الله
انا ف بالي خلاص عرفت ان دسوقي هو اللي قايل للراجل اسمي وكل التفاصيل
لكن الراجل مسك الكريستالة وفضل يتمم بكلام مش مفهوم وكل شوية الكريستالة تلمع اكتر وتلمع اكتر لحد ما سكت الراجل ونزل الكريستاله ع الطرابيزة وقالي تعالي يا ربيع قرب كده انا خۏفت اوي
قالي متخافش يا ربيع تعالي بص كده وقولي دي مين
ببص في الكريستاله انا مش مصدق عينيا !!!! اي ده !!! ازاي انا شايف هدير مراتي قاعدة في اوضتها !!!
قالي دي مين وتقربلك ايه
دي مراتي
قالي ماشي ولف الكريستاله وقالي بص وقولي دي مين هي كمان
ببص شوفت نعمة مراتي !!!
قولتله دي مراتي بردو
ضحك اوي بصوت عالي وقالي طيب قرب كده وقولي مين دول
ببص شوفت حمدي ابني ومني بنتي !!!
قولتله ابني وبنتي
ضحك اوي بصوت عال وقالي اعتبر مشكلتك اتحلت خلاص
ازاي يا عم الشيخ
انت معمولك سحر بالكره لمراتك الصغيرة ده غير ان معمولك ربط
وهيتفك ازاي يا عم الشيخ
مطلوب منك ٥ طلبات نفذها وتجيلي هنا بعد ٧ ايام
ايه هي ال ٥ طلبات
جلد حمار دكر اسود غطيس
وده انا هجيبه منين يا عم الشيخ
انا هجيبهولك والطلب التاني ضفدعة مولوده يوم سبت
ضحكت وقولت للشيخ وانا هعرفها ازاي دي كمان
انا هجيبهالك الطلب التالت حته من جسم بنتك مني
بتقول ايه حتة من جسمها ازاي اقطع ايديها يعني !!
مش مهم المهم تجيب حته من جسمها حتي ولو كان شعرها او ضوافرها
اه اذا كان كده ماشي
الطلب الرابع حته من جسم ابنك حمدي
ينفع بردو شعره او ضوافره
ايوه ينفع الطلب الخامس مراتك الصغيرة
اجيبلك شعرها او ضوافرها بردو
لأ دي تجيبهالي هنا بنفسها
الحلقة ١٤
اجيبلك شعرها او ضوافرها بردو
لأ دي تجيبهالي

هنا بنفسها
طب ليه يا عم الشيخ المشوار بعيد عليها اوي
مش انت بتشوفها قردة في اوضة النوم
ايوه فعلا
طيب مش عاوز اسئلة كتير بقي احسن تتسخط قردة بجد
ايه !!!!!! تتسخط !!! انت بتتكلم بجد يا شيخ ابو الخلا
ايوه ممكن لو مش نفذت كل المطلوب منك ومنها تتسخط
طيب حاضر انا همشي وهجيلك ف الميعاد وهنفذ كل اللي طلبته مني
وبعد ما خرجنا من هناك سألت دسوقي الرجل ده عرف الحاجات دي منين يا دسوقي
معرفش بس بيقولوا ده رجل بركة
يعني انت مش اتكلمت معاه في حاجة
لأ انا اللي هقوله بىدو يا ربيه !!!! ده كلام يا راجل !!! انا هكلمه ازاي انا مش شفته قبل كده ابدا لكن سمعت عنه العجب
انا حاسس يا دسوقي ان الرجل ده مخاوي
مخاوي !!! لا يا ربيع ده كلهم بيقولوا عليه بركة
بركة ايه انت مش شوفت لما ورانا في الكريستاله هدير ونعمة والعيال !!
وده معناه اي يعني كويس ولا وحش
معرفش يا دسوقي بس قلبي مش مطمن
وهتعمل ايه
مش عارف !! الرجل ده يخوف بجد !!
يعني هتعمل ايه يا ربيع
خلينا معاه للاخر لما نشوف اخرتها ايه
روحت عند هدير في بيت اهلها وعرفتهم ان كل المشاكل اللي حصلت بسبب اعمال السحر و صالحتها بعد ما عاهدتهم اني هشتري دار تانية لهدير علشان تبعد عن المشاكل مع نعمة
رجعنا البيت وقعدت مع هدير ونعمة وقولتلهم ان اللي دخل بينا شيطان واعمال سحر واتفقنا نتحمل الفترة دي علي ما السحر يتفك
ورغم ان نعمة كانت مش مقتنعة بكلامي وبتقول في راسها ان الشيطان االي دخل هو هدير نفسها لكن حاولت تتظاهر قدامي انها راضية عن كلامي وموافقة
و طلبت من هدير انها تيجي معايا وقولتلها علفكرة يا هدير انتي هتيجي معايا للشيخ
هدير نعم اروح فين !!! لا انا اخاڤ
مټخافيش انا هبقي معاكي
لا يا ربيع روح انت وخد شعري معاك زي حمدي ومني انا اخاڤ اروح
وبعد محايلات كتير مني رفضت انها تيجي معايا
اما نعمة بمجرد ما قولتلها ان الشيخ عايز جزء من شعر مني وحمدي خاڤت اوووي وانفزعت ورفضت
يا نعمة انتي خۏفتي كده ليه !!! مفيش أذي ليهم علشان مشكلتنا تتحل
وبردو بعد محايلات كتير مني نعمة رفضت
وخلال الاسبوع كنت قدرت اقص جزء من شعر حمدي وهو نايم واخدت جزء من شعر هدير اما مني مكنش فيه طريقة الا اني اروحلها البيت واحاول اصالحها بعد ما مشيتها من البيت عندي مضړوبة في اول جوازي
واول ما روحتلها وفتحتلي الباب وشها اتغير وقالتلي اتفضل ادخل يا بابا
دخلت و لحسن الحظ كانت مني لسه صاحية من النوم وبتسرح شعرها لفت شعرها بسرعه لما انا دخلت وقعدنا نتكلم
وفضلنا نتعاتب انا وهي وبعدين مني نادت علي بنتها وقالتلها ترمي بعض الشعر اللي سقط منها وهي بتسرحه ف الحمام !!
بعدها مباشره دخلت انا الحمام واخدته في جيبي وبعدها مشيت من هناك وبقيت جاهز اروح للشيخ في الميعاد
لكن كنت قلقان ان الشيخ يغضب لما اروح من غير هدير
وقبلها بيوم حاولت كتير مع هدير لكنها رفضت تيجي معايا
وتاني يوم الصبح اخدت دسوقي اللي كان خاېف ييجي معايا في المرة دي لكن مع ضغطي عليه
وافق
وبعد الضهر كنا وصلنا لخيمة الشيخ ابو الخلا
ولما طلبنا ندخله اتفاجئت به بيسألني انت جاي ليه يا ربيع
جتلك علي ميعادنا يا عم الشيخ
ايوه هو نفس الميعاد لكن ليه مش نفذت الطلبات
نفذتها كلها يا عم الشيخ
فين الطلبات اللي طلبتها منك
دي قصة شعر من حمدي ابني ودي قصة شعر من مني بنتي ودي قصة شعر من هدير مراتي
شوفت انك مش نفذت الطلبات كلها انا قولتلك مراتك الصغيرة تيجي وتحضر هنا اما انها هتتسخط قردة بجد
اصلها مريضة وتعبانه ومش هتقدر ع المشوار
مادام مش هتقدر تيجي تبقي تتحمل اللي هيحصل
مفيش اي حل تاني غير انها تيجي هنا
في اكيد
قول يا عم الشيخ ابوس ايدك
انها تتسخط قردة وانت كمان عمرك ما هترجع رجل تاني
وانا ممكن اجيبها تاني امتي
في اي ليلة من الليالي التلاتة الجايين
ليلة !!! هو احنا هنيجي هنا كمان بالليل
ايوه خلاص علشان اتأخرت الميعاد بقي الميعاد بالليل ولو اتأخرت اكتر هتصعب الموضوع عليكم اكتر
لأ خلاص يا عم الشيخ احنا جايين بكره او بعده
خرجت من عند الشيخ وانا ھموت من الخۏف علي هدير وع نفسي
اول لما روحت البيت اخدت هدير ودخلنا الاوضة وقولتلها جهزي نفسك بكره خارجين
خارجين رايحين فين
هنروح للشيخ ابو الخلا
ما انا قولتلك خاېفة اروح هناك
وانا قولتلك اني هكون معاكي مټخافيش
ما انت اخدت قصة شعري زي عيالك
الشيخ قالي مينفعش انتي بالذات لازم تروحي هناك والا
والا ايه يا ربيع هيحصل ايه
والا هتتسخطي قردة بجد يا هدير
بتقول ايه اتسخط قردة بجد !!!
ايوه
طيب انا جاية معاك وامري لله
تاني يوم خرجنا قبل المغرب انا وهدير وسافرنا علي ماوصلنا لبداية الصحرا كانت العشا عدت والجو ليل وسكون
وكنت انا وهي في التاكسي والصحرا ضلمه عتمة ومفيش اي ضوء جاي من اي مكان حتي لحظنا السيئ القمر كان في اخر الشهر ومش باين في السما مفيش الا النجوم في السما كانت واضحة اوي وبتلمع بشدة وسط الضلام المعتم ده
وبعد حوالي ربع ساعة بالتاكسي جوه الصحرا ومفيش الا اصوات الريح اللي كان لأول مرة اسمعه بالوضوح ده وفجأة سمعنا صوت عواء ديب عال