رواية جديدة

هنا يا حبيبي
بجد !! عاوزاني انام هنا
يا ريت يا قلبي
طيب خلاص حجتي معايا هي جت منها وقالت انها عاوزاني انام عندك
بتتكلم جد يا حبيبي !!! طيب عشر دقايق واجهز
وبعد اقل من ربع ساعة كانت هدير اخدت شاور و غيرت ملابسها وعملت ميك اب بسرعة مدهشة
وسبحان الله في وقت صغير اوي بقيت هدير في اجمل صورة وكأنها لسه عروسة ليلة زفافها !!!
وبمجرد ما طفينا النور وجت هدير تنامي جنبي ببصلها و أتفاجئ بقردة نايمة جنبي ع السرير !!!!!!
اټفزعت وعينيا وسعت بتأكد من اللي انا شايفه كويس !! قومت جريت شغلت النور
هدير مالك !!! ايه اللي حصل
سكت ومش رديتي عليها لحد ما شغلت النور رجعت شوفتها بشكلها الطبيعي !!!
هدير مالك يا ربيع اي اللي حصل انا اټخضيت اوي !!!
لا ابدا مفيش
حاجة
اومال قومت مڤزوع كده ليه
كدبت عليها وقولتلها حسيت ان في فار ماشي ع الحيط
فار !!! لا البيت مفيش فيه فيران
انا عارف يمكن بيتهيألي
طيب اطفي النور ويلا تعالي نام
طفيت النور
وروحت ع السرير وجيت انام شوفت ها في منظر القردة تاني !!!
ايوه فعلا دي قردة نايمة جنبي ع السرير !!!!
رجعت لورا شوية وببصلها اوي !!!
هدير مالك يا ربيع الليلة !! عمال تبحلق فيا ليه كل شوية !!!
انا شايف القردة هي اللي بتتكلم !!! معقول هدير اتسخطت قردة !!! ولا انا اللي تعبان ودي تهيؤات
قومت بسرعة شغلت النور رجعت شوفتها طبيعية تاني !!!
انا مش عارف فيه ايه ولا ايه اللي بيحصل !!!
قولت في بالي يبقي الحل الوحيد اننا ننام والنور شغال علشان مش اشوفها قردة
ويادوب لسه بنام ع السرير وبلف جسمي ناحيتها شوفتها بوضوح قردة!!!
اټفزعت وقومت جري وهي مستغربة اوي من اللي بيحصل وبتسألني مالك يا ربيع انت شوفت عفريت قدامك ولا ايه !!!
بصراحه لما اطلع ع السرير بشوفك قردة ولما بقوم بشوفك عادي !!!!!
قردة !!!! انا قردة يا ربيع
لا يا حبيبتي بس اول لما اطلع ع السرير بشوف كده مش عارف ازاي !!!
ربنا يسامحك ما دام شايفني قردة طلقني يا ربيع
يا حبيبتي دا انت قمر دا انتي اجمل واحدة شافتهم عيوني با قلبي دا انتي كوز العسل اللي ربنا رزقني به علشان يحلي دنيتي
يااااه !!! انا كل ده
واكتر كتير
اومال اي حكاية القردة دي !! انت بتهزر معايا
لا ده بجد مش عارف ليه !!!
يبقي اكيد ده عمل
عمل !!! عمل ايه مش فاهم
يعني سحر تلاقي البومة التانية دي عملت السحر ده علشان تشوفني قردة وتطلقني
انا مسمحش اني تقولي عليها كده
وتسمح انها تعملنا سحر علشان تشوفني قردة !!!
سحر
ساعتها افتكرت لما شوفت حمدي خارج من الاوضة واتلخبط وقالي انه بيدور ع الشاحن !!!!!
قولتلها يمكن كل شئ جايز
طيب هنعمل ايه دلوقتي يا بيبي
لازم نروح لحد علشان يعرف فيه سحر ولا لأ ولو فيه سحر يفكه
ماشي ودلوقتي هنعمل ايه
اقولك
نعم
ما تيجي ننام ع الارض يمكن السحر في السرير
انت شايف كده
تعالي بس نجرب مش هنخسر حاجة
طيب لما نشوف
نزلنا فرشة فرشناها علي الارض جنب السرير ونمت وهي جات تنام جنبي لكن بعد حوالي ساعة وبعد محاولات كتير اوي حصلت حاجة اول مرة تحصل
الحلقة ١٢
نزلنا فرشة فرشناها علي الارض جنب السرير ونمت وهي جات تنام جنبي لكن بعد حوالي ساعة حصلت حاجة اول مرة تحصل
ولأول مرة في حياتي اشعر بالفشل !!!!!
كان موقف سئ اوي ومخجل اكتر وبقيت كش عارف اعمل ايه او اقول ايه !!!
مش عارف ازاي لكن اللي حصل وبعد عدة تجارب طول الليل هدير قالتلي انت شكلك تعبت اوي نام بقي
قصدك اي
مقصديش نام يا ربيع
انا النغمة دي مش بحبها علفكرة انا اول مرة يحصل معايا كده
ايوه ايوه مصدقاك طبعا
انا بتكلم بجد حتي اسألي نعمة
انت اټجننت يا راجل !!! هسألها علي ايه !!
شكلك مش مصدقة
مصدقاك احلف يعني اني مصدقاك خلاص متشغلش بالك يلا بقي ننام علشان الليل قرب يخلص واحنا قاعدين ع الفاضي
شوفتي بقي كلامك !!!
مش قصدي انا قصدي قاعدين مش بنعمل حاجة نستفاد بالنوم احسن وكمان هي ليلة غريبة من اولها في الاول تشوفني قردة وبعدين يحصلك كده !!!
طيب يا هدير معلش بكره هتشوفي
طيب نام نام
كانت اصعب ليله واصعب موقف اتعرضله في حياتي
غمضت عينيا وعملت نفسي نايم وانا بفكر ازاي يحصل معايا كده !!! واي سر شكل القردة اللي كنت بشوف عليه هدير !!!! اكيد ده سحر
ايوه اكيد الحاجات الغريبة دي تأثير سحر اتعملنا بس مين اللي هيعملنا سحر معقول نعمة !!!
لأ مستحيل دي نعمة متربية وعارفه ربنا مش ممكن تعمل كده !!!
اومال مين اللي هيعمل كده غيرها اكيد ڼار الغيرة اللي خلتها تعمل كده
انا لازم بكره اتأكد الاول ان اللي حصلي ده سحر
انا بكره هطلب نعمة ولو حصل نفس اللي حصل النهاردة مع هدير يبقي اللي حصلي ده ربط ولو الدنيا مشيت معها طبيعي يبقي السحر اتعملي ع هدير بس !!!
وبقيت حزين في نفسي ازاي مراتي تعملي سحر !!! ولا واللي يحطلي السحر كمان ابني !!! معقول هما دول اللي انا ضيعت عليهم عمري وشقيت عليهم السنين دي كلها
نمت وصحيت الصبح علي هدير وهي بتصحيني
صحيت الصبح و افتكرت اللي حصل بالليل ولأول مرة اشعر بالخجل بالشكل ده !!!
واحنا قاعدين ع الفطار فكرت اني ابعت هدير اي مشوار علشان اكون انا ونعمة لوحدنا واشوف هيحصل معها ايه
وفعلا بعد الفطار بعت هدير لمشوار مدته تقريبا ساعة
وبعد ما خرجت بخمس دقايق وكانت نعمة قامت دخلت المطبخ علشان تقوم بشغل البيت دخلت وراها المطبخ وبدأت اتغزل فيها واحاول اصالحها
نعومتي انتي لسه زعلانه مني
انت جاي ورايا ليه يلا اخرج يا ربيع خليني اخلص اللي ورايا
لا انا مش هخرج الا لما تقوليلي انك مش زعلانه مني
يلا يا ربيع علشان عروستك متزعلش منك ما انا عارفه انت پتخاف اوي ع زعلها
لا يا نعومتي انتي اغلي واهم حد عندي في الدنيا ومش بخاف الا ع زعلك انتي
انت يا راجل مش هتبطل كلامك

وحركاتك دي !!! خلاص انا حفظتك يا ربيع مباخدش منك غير كلامك الحلو وبس
يا سلام
ايوه بتضحك عليا بكلامك الحلو وانا بصدقك زي الهبلة
عيب عليكي اومال العيال دي جت ازاي
با راجل مش قصدي
ربيع افعال لا اقوال تعالي بقي وانا اوريكي
لا يا ربيع خليني اخلص شغل البيت
روحت واخدها شايلها ومدخلها اوضة النوم
ونفس اللي حصل مع هدير حصل معها !!!
قوم يا ربيع يلا علشان العروسة قربت تيجي
انا انا
خلاص يا ربيع حصل خير يلا قوم دلوقتي
لأ محصلش خير
يعني انا غلطانه اني مش عاوزة احرجك !!! طيب يا سبعي انت حر
قصدك ايه
قصدي ان العروسة الجديدة خلصت عليك وبقيت اقوال بس
انتي اتهبلتي يا وليه !! عروسة اي اللي خلصت عليا !!! دا اتجوز اربعة في ليلة واحده وانتي عارفه
ايوة يا خويا عارفة عارفة يلا بقي قبل البت ما تيجي وهتزعل منك ع الفاضي
نعمة
نعم
قوليلي الصراحة انتي عملتلنا عمل
عمل ايه
قصدي سحر يعني
عملك اسود ومنيل واعملك سحر ليه
انا من البارح وانا كده مش عارف ليه !!!
مش بقولك العروسة خلصت عليك
لا انا بتكلم بجد ده انا حتي البارح كل ما اطلع انام ع السرير كنت بشوفها قرد قدامي !!!
انا مش هعملك سحر يا ربيع لو انت مش عاوزني مش هخليك ليا بالعافية
انا شوفت حمدي في يوم كان خارج من اوضة هدير و الببت فاضي ولما سألته قالي بيدور ع الشاحن
قصدك ايه
بعدها حصل اللي حصل
يعني ايه
يعني حمدي له دخل بالموضوع ده
انت اي مصېبة عاوز تلزقها فيا وفي ابني وخلاص !!!
مش قصدي يا نعمة بس تفسري بأيه اللي بيحصل ده
وفجأة باب الاوضة اتفتح ودخلت هدير و انا ونعمه نايمين ع السرير !!!
الحلقة ١٣
وفجأة باب الاوضة اتفتح ودخلت هدير و انا ونعمه نايمين ع السرير !!!
هدير ايه اللي انا شايفاه ده
انتي ازاي تدخلي كده
رد عليا الاول ايه اللي انا شايفاه ده
في ايه مالك !! دي مراتي !!!! انتي ازاي تدخلي بالطريقة دي
مراتك اه بس النهارده مش يومها
نعمة خلاص يا حبيبتي خديه خالص ليكي انا قولت انا مش عاوزاه وهو اللي جالي
هدير طلقني يا ربيع
انتي اټجننتي !!
هدير لأ انا كنت مجنونه وعقلت خلاص احنا مش نافعين مع بعض لازم تطلقني يا ربيع
طيب روحي دلوقت ونبقي نتكلم في الموضوع ده بعدين
هدير انا ماشية ع بيت ابويا وتبعتلي ورقة الطلاق
مشيت هدير وانا قومت خرجت قعدت بره الدار وجت نعمة بتقولي هتعمل اي دلوقت يا ربيع
العمل عمل ربنا يا نعمة
ونعم بالله انا عاوزة اعرف ان هتطلقها ولا هتعمل ايه
لسه مش عارف
ازاي بقي
انا حاسس ان رد فعلها مش طبيعي ابدا
يعني ايه
يعني طبيعي انها تعرف ان انا معاكي علشان انتي مراتي ليه بقي تتصرف كده وتطلب الطلاق بالسرعة دي اكيد ده تأثير السحر !!!
تاني هتقولي سحر واعمال !!! مفيش حاجة من دي يا ربيع
انا متأكد ان معمولنا سحر بقولك انا شوفتها قردة قدامي بجد !!! ده غير اللي بيحصل معايا ده لأول مرة في حياتي !!!
وحياة عيالي عمري ما عملت سحر ولا فكرت في الكلام ده
انا مصدقك بس اكيد في حد تاني هوه اللي عمله
حد زي مين
غالبا هيكون ابنك او حد من بناتك
بردو بتظن في عيالي كده !!! انا عيالي متربيين يا ربيع وانت عارف
انا عارف بس يمكن عملوا كده حب فيكي او خوف عليكي
لا يا ربيع مستحيل
طيب علي العموم انا لازم اروح افك السحر ده
خرجت من الدار و قعدت ع القهوة وقابلت دسوقي صحبي هناك
دسوقي مالك يا ربيع انت لسه عندك مشاكل !!!
ايوه يا دسوقي المشاكل كل يوم بتزيد
انت اللي جبته لنفسك يا عم ده اللي معاه واحدة ست مغلباه ومطلعه عينه رايح انت تجيب اتنين !!!
مش كل الستات يا دسوقي ماهي نعمة عايشة معايا شوف من كام سنة !! وعمرها ما زعلتني في حاجة
يبقي اكيد العروسة هي اللي مزعلاك
بردو لأ دي العروسة دي النور اللي دخل حياتي ينورها
عجيب امرك يا جدع !!! ما دام الاتنين عجبينك كده اومال بتشتكي من اي !!
احنا اتعملنا سحر
سا وقعة سوخة يا ولاد !!! وعرفت ازاي
كل اللي بيحصل في البيت أكد لي انه سحر وانا عاوزك تشوف لي شيخ من اللي بيفكوا الاعمال والسحر والكلام ده
ده انت عمرك ما روحت للناس دي ولا سألتهم عنهم !!!
الضرورة تحكم يا دسوقي المهم انت تعرف حد كويس
انا اعرف كتير
طيب دلني علي حد كويس و بتثق فيه علشان بسمع ان الناس دي فيهم ڼصابين كتييير اوي
انا اعرف كتير بس احسنهم الشيخ المغواري