رواية (لحظة وداع مؤقت) بقلم أسماء إبراهيم

قليلا وقالت والدة ميار بابتسامة نسيب العرسان يتعرفوا على بعض
والد العروسة بابتسامة تمام تعالوا نطلع في الصالة
وخرجوا جميعهم من الغرفة وبقى سلطان والعروسة
سلطان مرتبك لا يعرف ماذا يقول أو بماذا يبدأ تضايق أنه لم يسأل ميار لكي ترشده أو تقول له ماذا يقول
أخيرا قال اسمك إيه
نظرت له باستغراب من المفترض أن يكون عارف اسمها فقال في نفسه إيه الغباء دا ولكن نظر لها وقال قصدي يعني هعرف بنفسي ولا أنت الأول
هى اللي أنت حابه
سلطان تمام اسمي سلطان أهلي متوفين وعايش في شقة لوحدي قصاد شقة مرات عمي وأنا راضع مع بنتها ميار يعني أختي في الرضاعة بشتغل نجار وليا ورشتي وليها اسمها والحمد لله المكسب كويس عندي 28 سنة
هى تمام اسمي خلود عندي 22 سنة مخلصة معهد تمريض من سنتين وبشتغل في المستشفى اللي في البلد ولو حصل نصيب إن شاء الله مش هسيب شغلي مش عشان الماديات وكدا لأ عشان أبقى فخر لعيالي وليا إني بشتغل وليا كارير وكدا لأن أنت عارف دلوقتي لما حد بيسأل العيال بيقوله أبوك وأمك بيشتغل إيه والحوارات دي
سلطان تمام أنا مش ضد شغلك وفاهم قصدك بس أنا ما يهمنيش نظرة الناس إيه لكن رأيك كويس وطالما عارفه حدودك في الشغل مفيش مشكلة
ابتسمت خلود وقالت تمام أنت بتصلي الفروض في وقتها
سلطان الحمد لله دا ربنا عز وجل بينادي عليا أتكسف ماسيبش اللي في إيدي وألبي طلبه
خلود بتقرأ قرآن أو حافظ القرآن
سلطان بإحراج لأ حقيقي مش حافظ ولا ملتزم في قراءة القرآن يدوب بخلص شغلي وبطلع على طول لإما أدردش مع ميار شوية وأنام أو أنام على طول لكن اليوم اللي بكون فاضي فيه بقرأ ممكن ربع أو ربعين لكن في آيات حافظها لما بشغل قرآن في الورشة وبردد معه فحفظتهم يعني
خلود خلاص نشجع بعض لو حصل نصيب نقرأ ونحفظ ولو كام آيه في اليوم
سلطان بابتسامة إن شاء الله
دخلوا أهلهم لهم وقال والد العروسة ها يا أولاد في قبول وموافقين ولا إيه
سلطان أنا موافق لكن شوف رأي العروسة
نظر والدها وقال بابتسامة رأيك إيه يا حبيبتي موافقة
نظرت لوالدها بكسوف وقالت اللي تشوفه يا بابا
فرحوا جميعا وبالأخص سلطان فهذه البنت الذي أعجب بها غمزت له ميار بمعنى أهي وافقت وهتتجوزها
بقلم إسراء إبراهيم عبدالله
جلست ميار بجانبه وقالت يا بختك يا عم سلطان وبقيت عريس وهلبس فستان على حسابك
نظر لها برفعة حاجب وقال لوالد العروسة طلباتكم إيه يا عمي
والد خلود بابتسامة احنا الشبكة بالنسبالنا بتبقى هدية من العريس فهات زي ما تحب مش هنضغط عليك في الحتة احنا سألنا عليك قبل ما نقولك تيجي وقالوا عنك أشعار حقيقي يعني
سلطان بابتسامة تسلم يا عمي لكن اللي عروسة تختاره هجيبه إن شاء الله وحددوا المطلوب
في اليوم كانت ميار في الشركة وأتى بسام لمكتب كريم فنظر لها بضيق ودخل
فقالت في نفسها هو بيبصلي كدا ليه يكونش أكلت ورثه ولا أكلت عشاه ربنا يشفي ناس غريبة بجد العقل زينة
أكملت عملها ووجدت عمر أيضا جاء إلى مكتب كريم ودخل دون أن يلقي عليها السلام فنظرت أثره ببلاهة هو أنا نكرة هنا ولا شفافة إلا حتى ما قال السلام عليكم كأني متطفلة عندهم
بعد انتهاء عملها حملت حقيبتها في يديها وخرجت من الشركة وجدت والدتها تتصل عليها السلام عليكم ورحمة الله وبركاته يا ست الحبايب خلصتي عمل المكرونة بالبشاميل
والدتها صابرين وعليكم السلام ورحمة الله وبركاته بدل ما تسألي عن صحتي بتسألي على الأكل اها ياختي خلصتها بقولك لسه قدامك كتير
ميار وهى تنظر حولها لتبحث عن تاكسي قالت لأ مستنية مواصلة أهو وهاجي بس في حاجة
صابرين سلطان بيقول إن هيطلع النهاردة يروح عشان يشتروا الفستان لخلود بتاع الخطوبة وعايزك تبقي معهم عشان ماينفعش يخرجوا لوحدهم
ميار ماشي يا ماما هركب أهو وأجي
ركبت تاكسي وأعطته العنوان وعادت للبيت
ولكن عندما وصلت أمام شقتهم سمعت كلام جعلها تقف مصډومة منه
ياترى سمعت إيه
ولكن عندما وصلت أمام شقتهم سمعت كلام جعلها تقف مصډومة منه
كانت والدتها تقول لسلطان ميار متقدم لها عريس مطلق
سلطان پصدمة طب عملتي إيه لازم ترفضيه
صابرين لأ اديته معاد يجي يتقدم لها هى مش عاجبها حد وكل شوية ترفض ودا لغاية ما هتعنس جمبي
هنا لم تتحمل ميار كلام والدتها فطرقت الباب بقوة
اتخض سلطان وصابرين من طريقة الطارق فقال سلطان مين
قالت ميار بعصبية افتح يا أخويا هيكون مين يعني
فتح لها وقال إيه يا بت الرزع اللي عالباب كأنك هتكسريه ولا شغل البوليس
نظرت ميار لوالدتها وقالت سمعيني بقى يا ماما حكاية العريس اللي بتقولي لسلطان عليه
نظرت لها والدتها برفعة حاجب وقالت جايلك عريس بس مطلق
أنت يا ماما بتهزي عايزاني أتجوز مطلق وسمحتيله يجي يتقدملي
والدتها بنفاذ صبر يعني الراجل محترم وإيه يعني لما يكون مطلق هو ليه محسساني إني بقولك متقدملك تاجر ممنوعات ما أنت ياما جالك عرسان أشكال وألوان ومش بتوافقي
ميار بذهول ويعني هاجي أوافق على اللي مطلق دا
والدتها ببرود اها وإيه يعني مش راجل قد المسؤولية وجدع ومحترم
ميار برفعة حاحب قالت اممم مش يمكن يا ماما مراته اطلقت منه عشان عينه زايغة ولا عصبي زيادة عن اللزوم أو مش بيعرف يحتوي مراته ولا مش فاهمها ولا لازم تطلعوا العيب دايما عالستات
والدتها طب ما يمكن فعلا الغلط منها هى أو مثلا مش متفاهمين
ميار لا بجد بصي من الآخر مش عايزه واحد كان متجوز قبل كدا ولا كان حد في حياته قبلي ولا حتى كان خاطب قبلي
نظرت لها والدتها بضيق بت أنا زهقت منك وهيجي بكرة الساعة تمانية
نظرت لها ميار وقالت أنا بنام الساعة سبعة عشان بصحى بدري
والدتها بامتعاض اممم ما هو باين امشي يا بت عالمطبخ شوفي المواعين دي اغسليها
نظرت ميار لسلطان الذي يقف ينظر لهم كأنه يشاهد مسرحية ومندمج فيها فنظر لها بعينيه كأنه لا يوجد في يديه شيء يفعله من أجلها لأنه يعرف والدتها جيدا
دخلت ميار بقلة حيلة وهى تتمتم بكلمات تدل على ضيقها من غسل الأواني التي تكره غسلها
سلطان لصابرين طب هنمشي كمان نص ساعة يا مرات عمي ابقي عرفيها وتخلص بسرعة وياريت ماتجبريهاش على حاجة عشان أنت عارفاها عنيدة ولو عملتي عكس اللي عايزاه يبقى أنت اللي هتتحملي نتيجة اختيارك ليها خليها على راحتها عشان هى اللي هتكمل مع شريك حياتها يعني لو مارتحتش للعريس اللي هيجي بكرة دا يبقى خلاص
صابرين ماشي ربنا يسهل وبعدين أنت مفكر إنها هتدخل تغسل المواعين دي زمانها فرشت عالأرض وقدامها صينية المكرونة بالبشاميل وخلصت نصها
سلطان مش عارف بتاكلها على إيه دا أنا لما بشوفها نفسي بتقفل بحسها تقيلة ودسمة كدا يلا أهي أذواق
وفتح الباب وخرج بعد أن أغلقت صابرين الباب خلفه ذهبت المطبخ لكي تقول لميار أن تجهز لأنهم سيذهبون إلى خلود بعد نصف ساعة
لكن وقفت عند باب المطبخ بذهول مما تفعله ابنتها
كانت ميار تصور صينية المكرونة في فيديو وتقول فيه

أنها هى من صنعتها بنفسها وتقول في آخر الفيديو إذا أردتم الطريقة أرسلوا لي خاص
صفقت والدتها من خلفها كأنها تشجعها على هذا العمل وقالت لا يا بت بجد إيه الكذب اللي اتسجل في صحيفتك دا يلا يا أبلة على أوضتك وعقاپا على كذبك دا مش هتاكلي حاجة تاني منها
ميار پصدمة يا ماما كنت بهزر مع صحابي
بقلم إسراء إبراهيم عبدالله
صابرين ببرود مش بالكذب حتى لو غرضك الهزار لكن ماتكذبيش لأنه بيتسجل في كتابك استغفري ربنا وادخلي البسي وبردوا هتتعاقبي ومش هتاكلي حاجة منها
خرجت ميار بضيق من المطبخ ولكن قابلت أختها سدرة أمامها فقالت بقولك يا سوسو كان نفسك في شوكولاته صح
نظرت لها سدرة بنصف عين وقالت هاتي من الآخر يا ميار
ميار بصعبنة أمك بتحرمني من المكرونة بالبشاميل يا سدرة أمك قلبها بقى قاسې عليا
سدرة بضيق عايزاني أعمل إيه يعني
ميار بابتسامة بصي يا قلب أختك هتخبيلي حتتين كدا أو تلاتة لما تطلع من المطبخ أصل هروح ألف مع سلطان وخلود على فستان الخطوبة وهرجع هفتانة
سدرة قال يعني سلطان هيسبكوا من غير أكل ماشي يا ميار بس ماتنسيش الشكولاته هتسلميها ليا هسلمك المكرونة بالبشاميل
ميار بابتسامةعيوني
دخلت ميار لكي تجهز وسدرة دخلت لكي تغسل يديها ودخلت المطبخ لوالدتها
بعد نصف ساعة ذهب سلطان وميار إلى بيت خلود وأخذوها وذهبوا إلى المحلات
عند بسام كانت خالته تخبره أنها وجدت له عروس وكانت تمدح فيها وحددت مع أهلها ميعاد غدا
بسام پصدمة بتقولي إيه يا خالتي من غير ما اعرف
حنان يا بني يعني هتفضل كدا لا أنت بتدور ولا بتفكر في الموضوع يبقى أنا أقوم بالمهمة دي وأكيد إن شاء الله هتعجبك
بسام ماشي يا خالتي اللي تشوفيه عالساعة كام كدا
حنان بابتسامة الساعة تمانية
بسام تمام وذهب إلى عمر لأنه كان يتصل عليه
أما حنان فرحت جدا أنه وافق فهى فعلت الصح أنها تضعه أمام الأمر الواقع
في اليوم التالي كانت ميار أنهت عملها وسلمته لكريم واستأذنت منه لكي تعود لبيتها مبكرا عن العادة لتجهز نفسها
أما عند بسام فخالته اتصلت عليه لكي تذكره أن لا يتأخر لكي يعود ويجهز نفسه
في المساء كان بسام وخالته وصلوا بيت العروسة وكانت والدة العروسة تتحدث مع حنان
خرجت وعينيها في الأرض وفي يديها صينية عليها بعض الأطباق من الجاتوه
نظر بسام لها ولكن ركز فيها فقال پصدمة في نفسه إيه دا!
خرجت وعينيها في الأرض وفي يديها صينية عليها بعض الأطباق من الجاتوه
نظر بسام لها ولكن ركز فيها فقال پصدمة في نفسه إيه دا!
همس في أذن خالته وقال حنون العروسة مخطوبة اومال هخطبها إزاي
نظرت خالته له وقال بهمس اسكت مش دي العروسة دي أختها ومتجوزة كمان
نظرة لها ببلاهة من تسرعه وقال ماكنتش أعرف فكرتها العروسة
بعدها دخلت عليهم العروسة وفي يديها صينية عليها عصير وقالت السلام عليكم ورحمة الله وبركاته
قالوا جميعا وعليكم السلام ورحمة الله وبركاته
والدها بابتسامة تعالي يا جنى هنا جنبي
جلست جنى بجانب والدها باستحياء ونظر بسام عليها وهو يقول في نفسه باينلي هوافق ولا إيه
بدأت حنان أن تمدح فيها وتتحدث معها وكل هذا وبسام ينظر لها يراقب أسلوبها في الكلام وقالت حنان طب نسيب العرسان بعد إذنك يا حاج رضوان
رضوان بإيماءة قال تمام مفيش مشكلة
خرجوا جميعهم وبقى بسام والعروسة
تنحنح بسام وقال اسمي بسام عايش مع خالتي بعد انفصال أهلي ۏفاة والدي ليا شركتي وبيشاركها معايا اتنين صحابي الحمد لله بصلي الفروض في وقتها وماعنديش فكرة الاختلاط بين البنات وكدا
اتكلمت العروسة وقالت اسمي