حـدود العشـم بقلم منــال عـلـي

ضحك وباس راسي وقال لي
يا ستي كبري مخك.. إنتي عارفة سماح وعشمها اللي بزيادة. دي أختي برضه ما تدققيش في الحاجات الهايفة دي متوفره على روايات واقتباسات
المشكلة إن العشم ده اتكرر بعد أسبوع وبعدين بقى كل تلات أيام. حسيت إنها اكتشفت كنز علي بابا سوبر ماركت مجاني فاتح أبوابه ليها. مرة كنت في مشوار قريب ومرة مروان كان بيعيط عايز يشوف خاله وفي كل مرة التلاجة بتتفتح ووجبات بتنطبخ من خزين بيتي أو أكياس بتتاخد وهي مروحة.
لحد ما جه اليوم اللي رجعت فيه من الشغل ولقيتها قاعدة جوه في المطبخ بتشرب نسكافيه!
اكتشفت إن معاها نسخة من مفتاح الشقة الاحتياطي اللي طارق كان سابه معاها من كام شهر لما كنا مسافرين الغردقة عشان لو حصل حاجة.
قالت لي وهي بتقطم حتة بيتزا
يا رب ما تكونيش زعلتي إني فتحت.. أنا عملت صينية بيتزا تجنن فاضل حتتين في الفرن لو عايزة تدوقي.
قلت لها وعيني مبرقة من الصدمة
بيتزا بس عجينة البيتزا دي أنا اللي كنت عملاها وشايلاها في الفريزر لعشوة رمانسية أنا وطارق يوم الخميس!
ردت وهي باصة في الموبايل ولا كأن في حاجة حصلت
يا نادية ما تبقيش بخيلة كده ومحبوكة! إحنا أهل يا حبيبتي والبيت بيت أخويا بقلم منال علي
لما مشيت دخلت المطبخ أراجع الخساير.. اكتشفت اختفاء برطمان الزيتون الكلاماتا وقالب الجبنة الفلمنك اللي طارق كان جايبه من السوق الحرة وحتى مربى الفراولة البيتي اللي مامتي كانت عملاهالي مخصوص اختفت!
بالليل قعدت مع طارق وكنت جايبة آخري
طارق أختك كده بتستعبط وتجاوزت كل الحدود! دي بتتعامل مع خزين بيتي وتلاجتي كأنه ميراثها الشرعي!
اتنهد وقال لي بنبرة استعطاف مصرية أصيلة
معلش يا نادية استحمليها.. إنتي عارفة ظروفها صعبة ومطلقة وبتربي يتيم لوحدها.
صړخت فيه
ظروف إيه اللي صعبة! دي مديرة حسابات في شركة استيراد وتصدير وبتقبض قد مرتبي مرتين! دي بتنزل من عربيتها أحدث موديل تيجي تلم طلبات من تلاجتي!
حضنني وقال
دي حتة جبنة وشوية زيتون.. هنستخسر في لحمنا الأكل يا نادية عيب في حقنا.
لكن حتة الجبنة دي اتراكمت. بقت تزورنا 3 أو 4 مرات في الأسبوع. بقيت أنزل أشتري طلبات البيت مضاعفة وبرضه التلاجة بتفضى بسرعة مرعبة.
اللي خلاني أجيب آخري بجد كان اختفاء شريحة السلمون المدخن الغالية جدا اللي كنت جايباها مخصوص عشان أعمل بيها مقبلات في عيد ميلاد ماما. ولما اتصلت أسألها لو كانت أخدتها بالغلط مع الحاجات اللي بتسحبها ردت عليا بمنتهى البرود
اه يا حبيبتي أخدتها امبارح. مروان شافها ونفسه راحت لها ما هانش عليا أكسر بخاطره.
أما القشة اللي قطمت ظهر البعير فكانت لما دخلت الحمام مالقيتش سيروم البشرة المستورد بتاعي وكريم الليل الغالي اللي كنت لسه فاتحاه.
لما اشتكيت لطارق المرة دي اتعصب هو كمان بس قال لي
خلاص يا