فـخ الـزواج كـاملة بقلم مني السيد

مكالمة نص الليل.. الهروب من الفخ
المكالمة مكملتش ٥ ثواني.. بس كانت كفيلة تهد حياة كاملة كنت برسمها.
خطيبي ياسين كلمني فيديو كول وهو عند أهله بيسألني يا حبيبتي مفارش الترابيزات في القاعة تبقى لونها كشمير ولا أبيض الفرح كان بكره والشقة كانت عبارة عن كراتين في كل حتة.. شمع كروت دعوة أكياس بونبوني صغيرة ولادي ساعدوني نربطها بشرايط ستان بقلم مني السيد
قلت له بابتسامة رغم الهلك والضغط خليها كشمير يا ياسين هتمشي أكتر مع الورد.
قال لي تمام يا قلبي ثواني بس ماما بتنادي عليا.
الشاشة اسودت بس هو مقفلش السكة. أنا افتكرت إنه هيرجع يكمل معايا فسندت الموبايل على فازة ورد وكملت تطبيق الفوط والمناديل.
فجأة سمعت صوت.. مش وش في الخلفية لأ ده كلام واضح جدا وقريب من الموبايل. المكالمة لسه مفتوحة!
سمعت صوت والدته الحاجة صفاء بتقول له بحدة ها يا ياسين خليتها تمضي
ياسين ضحك ببرود وقال لها قربت خلاص.. هي بس بتقلق من كتر الورق بس بعد الفرح هتمضي على أي حاجة أقولها لها هي ما صدقت لقت حد يلمها.
إيدي اتجمدت مكانها. وقفت أبص للشاشة السودة وهي بتنطق غدر.
دخل أخوه هاني في الكلام وهو بيضحك خصوصا إن معاها عيلين هي ھتموت على استقرار وتتجوز وخلاص والفرصة دي بالنسبة لها طوق نجاة.
ياسين كمل وبصوت واثق ومستفز بالظبط.. عيلين من راجل تاني ومطلقة ومعندهاش حد.. أكيد هتمسك في أي حد يعمل لها بيت.
معدتي قلبت. ولادي ياسين الصغير وليلي متوفرة على روايات و اقتباسات كانوا نايمين في الأوضة اللي جنبنا كان عندهم حماس مش طبيعي لبكره.. لبسوا الهدوم اللي هيحضروا بيها وجهزوا الورد اللي هيرشوه في الزفة. ياسين كان راسم عليهم دور الأب الحنين ووعدهم إننا هنبقى عيلة واحدة بجد.
صوت الحاجة صفاء بقى أحد والشقة يا ابني أبوك بيقول لك أوعى تتجوزها من غير ما تضمن حقك في العقد. مش هنسيبها تشاركك في شقا عمرك.
ياسين رد بهدوء يا أمي ارتاحي أنا مرتب كل حاجة مع المحامي. الورق اللي مجهزينه يخلي أي حاجة معاها تبقى ملكي لكن اللي باسمي يفضل باسمي.. ولو فكرت تمشي في يوم تخرج زي ما دخلت بشنطة هدومها بس.
هاني كمل بخبث وموضوع المصاريف أوعى تلبس في مصاريف عيال مش عيالك.
ياسين نفخ بضيق لا طبعا هخليها تمضي على إقرار إن ماليش دعوة بمصاريفهم بعد الجواز. حتى التأمين الصحي بتاعي هسجلهم فيه فترة وأشيلهم وقت ما تعجبنيش عشان تفضل محتاجالي.
الخنقة اللي جت لي في زوري كانت ھټموټني. كتمت نفسي بإيدي عشان ميسمعوش أي صوت.
الحاجة صفاء قالت كويس.. وأول ما تتجوزوا تنسى بقى موضوع الحساب البنكي المشترك ده. الفلوس في إيدك إنت والكلمة كلمتك.
ياسين رد هي أصلا بدأت تقتنع.. عمالة تسألني أسيب الشغل بعد الجواز عشان أتفرغ للبيت والعيال وأنا سايبها تفتكر إن ده قرارها هي.
ضحكوا.. ضحكوا كأن حياتي وحياة ولادي مجرد سبوبة أو لعبة كسبوها.
رجعت لورا بعيد عن الموبايل وكأنه قنبلة. متوفرة على روايات و اقتباسات كل ذكرى حلوة لياسين وهو بيذاكر لليلي أو بيلعب كورة مع ياسين الصغير اتقلبوا في عيني لمشاهد تمثيل. مكنش حب.. كان تخطيط. بقلم مني السيد
الجملة اللي قطعت آخر خيط أمل عندي كانت من أمه المهم الفرح يتم بكره. بعد ما تبقى في بيتك هنعرف نكسر مناخيرها ونعلمها الأدب لو فكرت تتنمر وساعتها هنفكرها إن ملهياش حتة تانية تروحها.
قلبي كان بيدق بقوة خفت يسمعوها من السماعة.
ياسين قال بثقة