زياره عـلي غـفـلة

بيه حياتنا اللي هتبدأ من غيره!
بعد ما أحمد خرج من البيت وهو بيجر أذيال الخيبة، الحاجة نادية مابردتش نارها. بصت لي وقالت يا منال، اللي زي أحمد ده مابيمشيش ورا قلبه، ده بيمشي ورا مصلحته.. تفتكري البنت اللي معاه دي حبته لجمال عيونه؟ دي عارضة أزياء سابقة ومشهورة بإنها بتصطاد الرجالة اللي ليهم ورث، وأنا عارفة هي مين كويس!
اتضح إن الحاجة نادية كانت مراقبة تصرفات أحمد من بعيد بقالها فترة، وكانت شاكة إنه بيسحب مبالغ كبيرة من حساب الشركة.. وقررت في اللحظة دي إنها توري الست هانم حقيقة أحمد الفقير مش أحمد صاحب الأملاك.
الحاجة نادية خلتني أتصل بأحمد من تليفوني، وأول ما رد وهو بيزعق، قالت له ببرود اسمع يا أحمد، أمك تعبت فجأة ونقلناها المستشفى، وهي قبل ما يغمى عليها قالت إنها شالت اسمك من الميراث نهائياً وكتبت كل المحلات والعمارة لولادك.. يعني أنت دلوقتي حرفياً على الحديدة، والبوليس بيدور عليك بسبب وصولات الأمانة اللي معاهم.
أحمد صړخ في التليفون أنتي بتقولي إيه؟ ده شقايا!.. الحاجة نادية شاورت لي أقفل السكة في وشه. وقالت لي بضحكة ثقة اتفرجي بقى الست اللي معاه هتعمل فيه إيه لما تعرف إنه بقى شحات.
ماعداش ٤٨ ساعة، ولقينا أحمد جرس الباب بيرن عنده.. فتحت لقيته واقف في نص الهدوم، وشه عليه علامات ضړب وخربشة! بدأ يحكي وهو بيعيط وبيبوس إيد أمه يا أمي، أول ما عرفت إني خسړت الورث وشافتني والشرطة بتدور عليا، جابت لي بلطجية أخدوا مني الذهب والفلوس اللي كانت معايا ورموني في الشارع.. وقالت لي أنا كنت فاكرة إني هتجوز باشا مش واحد أمه بتتحكم في لقمته!
الحاجة نادية بصت له باحتقار وقالت له اللي تبيعك عشان قرش، تبيعها بالمداس.. والي يبيع مراته الأصيلة اللي صانت بيته وشالت عياله في الكحل، مايستحقش يدخل البيت ده تاني. أحمد حاول يدخل الشقة، بس الحاجة نادية وقفت قدامه زي السد المنيع أنت دلوقتي غريب.. الشقة دي باسم منال، والمصنع أنا استلمت إدارته.. لو عايز تعيش، هتروح تشتغل عامل في المصنع بمرتب زيك زي أي حد، وتدفع نفقة ولادك كل شهر، ولو غبت يوم واحد، الوصلات اللي معايا هتوديك ورا الشمس!ط
مرت الشهور، وأحمد بقى بيجي كل أسبوع يشوف العيال من على الباب، يوصل الطلبات ويمشي وهو مكسور العين.. الحاجة نادية مابقتش مجرد حماة، دي بقت الأم والأب والسند. نضفت البيت، وخلتني أرجع أهتم بنفسي، ونزلنا الجيم مع بعض، وبقيت أنا اللي بدير حسابات الشركة معاها.. اتعلمت إن الضړبة اللي مابتقتلكش بتقويك، وإن الحماة لما تكون بنت أصول بتبقى أحن من الأم.. والحاجة نادية كانت هي العوض الجميل اللي ربنا بعتهولي عشان يرجع لي حقي وحق
عيالي.