لقيت حاجتي معروضة للبيع على النت

Number اللي على الجهاز هو اللي في الورقة دي.. يا ترى عبير أختك اشترتها منين وهي مخرجتش من نجع حمادي بقالها سنة؟
أمين الشرطة خد عطية على القسم، وهناك كانت الڤضيحة بجلاجل. عطية خر بكل حاجة عشان ينجد نفسه والله يا باشا محمود هو اللي قالي خدهم بيعهم وخد النص، وقالي هناء دي فرفورة ومعاها فلوس زي الرز ومش هتحس بحاجة!
لما الخبر وصل للبلد، الحاجة سنية مكنتش مصدقة إن الكنة اللي كانت فاكراها هفية عملت فيهم كدة. ركبت القطر وجت بعبايتها السودة ووقفت قدام بيت هناء اللي محمود كان لسه قاعد فيه ببلطجة.
افتحي يا خطافة الرجالة! يا اللي حبستي صهرك وفضحتينا في البلاد! هناء فتحت الباب وهي لابسة أشيك لبس عندها، وماسكة كوباية قهوة ببرود أهلاً يا حاجة.. نورتي التجمع تاني، بس المرة دي مفيش دايسون تتسرق، في كلبشات مستنية اللي يمد إيده.
الحاجة سنية بدأت تولول يا بنتي حرام عليكي، محمود ابني ملوش دخل، دي عبير اللي عينها فارغة وبتاخد الحاجة تذكار! هناء ردت بضحكة رنت في العمارة كلها تذكار ب 60 ألف جنيه؟ لا ده انتوا سياح غاليين قوي! ابنك يا حاجة هو اللي فتحلهم البيت، وهو اللي شجعهم يسرقوني.. وابنك دلوقتي مطلوب في النيابة پتهمة التستر والاشتراك في السړقة.
محمود طلع من جوه وهو مبهدل وشكله يصعب على الكافر خلاص يا هناء، كفاية فضايح، أنا هطلقك بالمعروف بس بلاش المحاضر دي.. مستقبلي هيضيع!
هناء بصت له بقرف مستقبلك ضاع يوم ما فكرت إن شقايا مشاع لأهلك.. أنا مش هتنازل عن المحاضر إلا بشرط واحد. أيه هو؟ سأل محمود بلهفة. تمضي على إقرار بكل حاجة سړقتوها، وترجعوا لي تمن الحاجات اللي عبير باعتها في البلد بضعف تمنها.. والخلع هيتم بهدوء، وإلا السړقة هتبقى جناية!
بعد شهرين.. محمود مضى على كل حاجة وهو مكسور، وخرج من الشقة بشنطة هدومه المقطوعة اللي جه بيها أول يوم. الحاجة سنية رجعت البلد وهي بتجري وراها ڤضيحة عطية اللي قعد أسبوع في الحجز.
هناء غيرت كالون الشقة، وبخرتها بمسك، واشترت مكنسة جديدة أحدث من اللي فاتت.. بس المرة دي حطت كاميرات مراقبة مخفية في كل ركن.
وقفت في نفس الصالة، وبصت للمكان الفاضي اللي جنب الشباك، بس المرة دي كانت مبتسمة.. عرفت إن أغلى حاجة كانت مسروقة منها مش المكنسة، كانت كرامتها وراحة بالها.
بعد ما محمود مشي وشال شنطته، هناء قررت تعمل جرد شامل لكل ركن في الشقة.. مش بس عشان العفش، عشان تطهر المكان من ريحتهم. وهي بتنضف ورا النيش اللي الحاجة سنية كانت ھتموت عليه، لقت ظرف محشور ورا الخشب.
فتحت الظرف وهي إيدها بترعش.. لقت وصلات أمانة بأسماء غريبة، وصور لمحمود مع واحدة تانية خالص! مين دي يا