لقيت حاجتي معروضة للبيع على النت

محمود؟ دي هبة بنت خالتك اللي قولتلي إنها اتجوزت وسافرت الخليج؟
هناء اكتشفت إن محمود كان بياخد الحاجات اللي أهله بيسرقوها، ويبيعوها عشان يسدد ديون هبة اللي كان واعدها بالجواز بعد ما يخلص على قرشين هناء! المكنسة والسكاكين والبرنس.. كل ده كان مهر للعروسة الجديدة اللي كانت مستنية هناء تتخلع عشان تيجي تقعد في الشقة جاهزة مجهزة.
هناء مكلمتش محمود.. هناء كلمت هبة نفسها! أيوة يا هبة، أنا هناء.. محمود باعتلك المكنسة الدايسون ولا لسه؟ هبة ارتبكت مكنسة أيه؟ أنتي عايزة أيه من خطيبي؟
هناء ضحكت ببرود خطيبك؟ يا حبيبتي محمود عليه قضايا تبديد وسړقة، والبوليس بيدور عليه دلوقتي.. والوصلات اللي باسمك اللي كانت في شقتي، أنا سلمتها للمحامي بتاعي وهتتقدم في البلاغ الجاي.
في أقل من ساعة، هبة كانت قالبه الدنيا على محمود، ومحمود كان بيخبط على باب هناء زي المچنون افتحي يا هناء! أنتي عايزة تخربي بيتي وتفضحيني مع البنت اللي بحبها؟ هناء فتحت الباب سلسلة وقالت له بابتسامة صفرا تؤ تؤ.. أنا بس برجع الحق لأصحابه. مش أنتوا عيلة بتحبوا المستعمل؟ أهو أنت بقيت عريس مستعمل ومطلوب في القسم.. روح بقى لهبة خليها تنفعك!
الحاجة سنية لما عرفت إن محمود خسر الشقة وخسر هناء وكمان هبة سابته وفضحته في البلد، جالها الضغط وقعدت تقول يا ريتنا ما مدينا إيدنا.. البت طلعت عقربة مش فرفورة!
عبير أخته وجوزها عطية اتخانقوا خناقة المۏت، لأن عطية شال قضية السړقة لوحده ومحمود مهنش عليه يدفع له كفالة، فعبير خدت عيالها وراحت بيت أبوها، والبيت اتخرب فعلاً.. بس المرة دي بإيديهم مش بإيد هناء.