رواية ما وراء الصمت بقلم الكاتبة الاء محمد حجازي

اعصي ربك
بييجي يقول ما هو ابن الناس وبيضحكك بس ومفيش حاجة.
بس هو كده بيبدأ خطوة بخطوة لحد ما القلب يتعلق وبعدها تلاقي نفسك تايهة.
اللي حصل النهارده ما جاش فجأة ده نتيجة سكوتك من بدري.
الشيطان يا بنتي ما بيظهرش مرة واحدة ده بيخش على أطراف الكلام على الضحكة على الموقف اللي تقوليه عادي
لحد ما العادي ده يبقى ذنب وإنت مش واخدة بالك.
سكتت شوية وقالت
هو الولد ده اسمه إيه
ياسين.
أهو ما دام بتعرفي اسمه وبتقعدي معاه وتضحكي وتزعلي يبقى حصل قرب.
والقرب بين ولد وبنت حتى لو بريء خطړ.
ربنا قال
ولا تقربوا الژنا إنه كان فاحشة وساء سبيلا.
يعني حتى القرب مش الفعل القرب بس منه ربنا نهى عنه.
خلي قلبك نظيف وحياتك فيها بركة
اللي عايزك بالحلال هييجي لحد بابك
لكن الهزار والضحك والاختلاط ده مش طريق حب ده طريق ۏجع.
اتأثرت فرح بكلامها
كانت حاسة إن كل كلمة نازلة على قلبها زي المية الباردة على ڼار.
الست كملت وقالت وهي تمسك بإيدها
اسمعي كلامي يا بنتي الدنيا مش أمان
الناس شكلها طيب بس القلوب فيها اللي فيها.
خليكي دايما قريبة من ربنا وهو هيبعتلك الخير لحد عندك
يعني حتى الطريق اللي يوصلك تبعدي عنه
لأن الڼار بتبدأ بشرارة.
فرح بصت لها ودموعها بدأت تنزل
قالت الست وهي بتحط إيدها على إيدها بلطف
أنا مش بلومك يا بنتي بس بذكرك.
الاختلاط الكتير بين الولد والبنت بيولد ألف شيطان بينهم
واللي قلبه أبيض ممكن يتلطخ بلحظة ضعف.
النبي ﷺ قال
ما خلا رجل بامرأة إلا كان الشيطان ثالثهما.
تنفست الست وقالت بهدوء مؤلم
وربنا كرمك وحماك وبعتلك إنذار بدري.
خلي بالك يا فرح الدنيا فتنة والقلوب ضعيفة.
لو ربنا نجاكي النهارده من كلمة أو نظرة أو موقف احمديه
لأن المرة الجاية ممكن ما تلحقيش تتوبي.
سكتت لحظة وبصتلها بعين مليانة حنان وقالت
ارجعي لربنا وارجعي لأمك وارجعي لصلاتك.
خلي الحجاب حجاب للقلب قبل ما يكون على الراس
وخلي مساحتك بينك وبين الولاد فيها حدود
عشان اللي بيصون نفسه ربنا بيصونه.
فرح كانت ساكتة بس دموعها نازلة بهدوء
الكلام كان بيدخل جواها كأنه دواء
يوجع بس يطهر.
قالت بصوت مكسور
يمكن كنت بحاول أهرب من التعب بس يمكن فعلا كنت ماشية غلط.
الست ابتسمت وقالت
مش مهم كنتي فين المهم تمشي صح بعد كده.
الرجوع لربنا عمره ما بيحتاج مبررات بس بيحتاج صدق.
قامت وهي بتربت على كتفها وقالت
روحي يا بنتي توضي وارفعي إيدك وقولي له يارب طهر قلبي.
هو هيهديكي زي ما هداني وهدى كل تايه.
فرح سكتت عينيها دمعت
الست كملت بصوتها الهادئ اللي بيدخل القلب
بصي يا بنتي أنا ما بقولكيش ما تكلميش الناس بس اختاري مكانك وحدودك.
اللي بيحافظ على نفسه ربنا بيحافظ عليه.
وانت شكلك بنت طيبة بس طيبتك دي ممكن توقعك لو ما كنتيش صاحية.
قامت الست وهي بتحط إيدها على كتف فرح وقالت بابتسامة
شوفي أنا ساكنة قريب من هنا بنتي متجوزة وسافرت مع جوزها بره وأنا عايشة لوحدي.
تعالي اقعدي معايا يوم لما تحبي بدل الوحدة اللي بتخنقك دي.
أنا قريبتك وما تخافيش مني
وفكري كويس يا بنتي وخدي رقمي
لو احتجتيني في أي وقت كلمني.
طلعت ورقة صغيرة من شنطتها وكتبت رقمها ومدته لفرح.
فرح خدت الورقة بإيدها المرتعشة وقالت بخجل
شكرا يا خالتي والله يمكن كنت محتاجة الكلام ده.
الست ابتسمت وقالت وهي بتقوم
الحمد لله إن ربنا بعتهولي النهارده يمكن هو اللي رتب المقابلة دي.
خدي بالك من نفسك يا فرح
واعرفي إن اللي يصون نفسه ربنا ما بيضيعوش أبدا.
فرح فضلت قاعدة مكانها بعد ما الست مشيت ماسكة الورقة في إيدها
وعنيها بتلمع بشيء جديد خوف ووعي وراحة غريبة.
فرح قامت ودموعها لسه على خدها
بس قلبها كان أنضف أخف
حست إن ربنا بعتها الست دي مخصوص
كأنها رسالة من السما جات في وقتها.
رفعت عينيها فوق وقالت في سرها
يا رب سامحني وثبتني.
ومشيت بخطوات أهدى من اللي نزلت بيها
يمكن دي كانت أول مرة تحس إن ربنا بيكلمها من خلال حد.
رجعت فرح ماشية على مهلها كل كلمة الست قالتها كانت بتلف في دماغها كأنها شريط مش راضي يوقف.
كل ما تاخد نفس تفتكر صوتها وهي بتقول
هو الولد ده اسمه إيه
الشيطان بيبدأ من الضحكة.
اللي بيحافظ على نفسه ربنا بيحافظ عليه.
الكلام كان تقيل على قلبها مش عشان غلط
لكن عشان ۏجعها
ۏجعها لأنها حست فعلا إنها كانت ماشية في طريق غلط ومش واخدة بالها.
هي ما كانتش وحشة
بس كانت بتدور على حتة دفء على حد يسمعها بعد كل اللي عاشته.
وياسين كان موجود
كان بيسمعها بيضحك معاها بيريحها.
بس الست صح القرب حتى لو بريء خطړ.
وقفت في نص الشارع
الهوى خبط في وشها
والكلمات بتتلخبط جواها بين صوت الست وصوت معتز.
صوت الست الهادئ اللي بيفكرها بالصح
وصوت معتز الحقېر اللي كان بيحاول يكسرها بالكلام.
افتكرت شكله وهو واقف قدامها بيشتمها وبيقول بصوت عالي
انتي بنت قليلة الأدب بتستني أي فرصة عشان تلفتي نظر راجل!
افتكرت القلم اللي ادتهوله وهي بتترجف من القهر
افتكرت ازاي ياسين وقف يدافع عنها
وازاي الدنيا كلها اتشقلبت في لحظة.
الدموع نزلت على خدها وهي بتقول لنفسها
أنا غلطت فعلا
أنا كنت سبب في اللي حصل ده كله
فضلت ماشية وهي بتكلم نفسها
كل خطوة كأنها بتغوص في بحر من التفكير والندم.
وصلت لحد البيت من غير ما تحس
دخلت أوضتها قفلت الباب
وقعدت على السرير.
قعدت فرح في سكون كل حاجة حواليها كانت ساكتة بس جواها الدنيا مقلوبة.
الكلام اللي سمعته من الست كان بيزن في ودنها
كل جملة قالتها كأنها سهم داخل في قلبها
اللي بيقرب من الحړام عمره ما هيشوف راحة.
و اللي بيحافظ على نفسه ربنا بيكرمه.
قعدت تبص في الأرض بعين تايهة
مش عارفة تزعل من نفسها ولا من الدنيا ولا من اللي حواليها.
هي ما كانتش عايزة غير الطمن
بس واضح إن الطمن مش بيتجاب بالطريقة دي.
نفسها تقيلة ومخڼوقة
حطت راسها على المخدة ودموعها مش راضية تقف.
الكلام بيرن في ودنها تاني
الڼار بتبدأ بشرارة.
اللي يصون نفسه ربنا ما بيضيعوش.
غمضت عينيها
بس عقلها مش ساكت.
كل حاجة حصلت بتتعاد قدامها كأنها بتتفرج على فيلم هي بطلته
اللي ضيعت طريقها وهي مش واخدة بالها.
خدت نفس عميق
قامت واقفة على مهلها
وقالت في سرها وهي بتحاول تشد نفسها
خلاص أنا خدت قراري.
المرة دي أنا هبدأ من جديد بطريقتي
وهعرف أرجع فرح اللي كانت زمان.
ولسه بتقوم من على السرير عشان تنفذ القرار اللي خدته
في اللحظة دي بالذات
تليفونها رن.
بصت للشاشة رقم غريب.
حست بحاجة غريبة في قلبها زي رعشة خفيفة
ردت وهي بتقول بصوت واطي
ألو
وبعد ثانيتين وشها اتبدل كله
الډم انسحب من ملامحها
إيديها بتترجف وهي بتسمع الكلام.
الكلمات كانت قليلة
بس كفاية إنها تهزها من جواها.
الصدمة خلتها ما تعرفش تتنفس
الموبايل وقع من إيدها على الأرض
وعينيها معلقة في الفراغ.
يتبع.
بصت للشاشة رقم غريب.
حست بحاجة غريبة في قلبها زي رعشة خفيفة.
ردت وهي بتقول بصوت واطي
ألو
وبعد ثانيتين وشها اتبدل كله
الډم انسحب من ملامحها
إيديها بتترجف وهي بتسمع الكلام.
الكلمات كانت قليلة
بس كفاية إنها تهزها من جواها.
صوت ست بيعيط من الناحية التانية بيقول
يا بنتي أنا أم معتز معتز عمل حاډثة يا فرح حالته صعبة قوي بين الحياة والمۏت.
هو نطق اسمك قال هاتوا فرح.
أنا مش عارفة ليه بس بيطلبك يا بنتي.
سكتت لحظة وبعدين صوتها اتكسر وهي بتقول برجاء حقيقي
لو ليا غلاوة عندك
لو بتعتبريني زي أمك بجد
تعالي عشان خاطري يا فرح هو طالبك.
الكلمة دي بالذات طالبك.
كانت زي ضړبة على صدرها
حست بدقات قلبها بتعلى
صوت نفسها اتقطع وهي بتهمس لنفسها
بين الحياة والمۏت وبيطلبني أنا!
الموبايل وقع من إيدها
قعدت على أول كرسي قابلها وهي مش حاسة بحاجة
نظرتها ثابتة في الفراغ
دموعها نزلت فجأة من غير صوت
وبعدين قامت مرة واحدة
لبست طرحتها بسرعة وهي بتترعش
خدت شنطتها وفتحت الباب تجري.
ولا عارفة هي ماشية فين
ولا بتفكر في حاجة غير صوت الست اللي بيرن في ودانها
تعالي عشان خاطري يا فرح هو طالبك.
قلبها كان بيخبط في صدرها
ورجليها بتجروها بالعافية
كل خطوة كانت ۏجع.
دخلت فرح المستشفى
القلب كان بيخبط جوه صدرها كأنه عايز يهرب
عينيها بتدور في كل اتجاه لحد ما شافت أم معتز قاعدة على كرسي بره أوضة العمليات
وشها كان
باين عليه التعب والقلق.
قربت منها فرح بخطوات مترددة
قالت بصوت هادي
طمنيني يا طنط في إيه
رفعت الست وشها عينيها محمرة من كتر البكا
وقالت وهي بتحاول تثبت نفسها
الدكتور لسه طالع ادعي يا بنتي
قال إن العملية خلصت والحمد لله عدى مرحلة الخطړ
بس ال 24 ساعة الجايين دول أهم حاجة
هم اللي هيحددوا إذا كانت المضاعفات هتظهر ولا لا.
فرح وقفت
ماتعرفش ترتاح ولا تقعد
إيدها على صدرها بتنهج
قالت
الحمد لله الحمد لله يا رب.
فضلت قاعدة معاها شوية
تهديها تمسح دموعها
لحد ما الست بصت لها وقالت
أنا بشكرك يا بنتي إنك جيتي
وجودك فرق معايا أوي والله.
فرح ابتسمت ابتسامة خفيفة باهتة وقالت
والله يا طنط أنا جيت عشان خاطرك إنتي بس
ابنك جرحني أوي
وقال كلام صعب ومش سهل يتنسي
بس المهم دلوقتي إن ربنا نجاه وعدى على خير.
هو في الآخر ابن عمي
وفي مقام أخويا
أنا هفضل هنا لحد ما ال 24 ساعة دول يعدوا على خير.
الست مسكت إيدها وقالت
ربنا يخليكي يا فرح
هو هيبقى بخير إن شاء الله.
عدى يوم كامل كأنه سنة.
فرح ما نزلتش من المستشفى لحظة
قاعدة على الكرسي جنب أوضة معتز
كل دقيقة تبص على الساعة
وتستنى إن الدكتورة تطلع تطمنهم.
كل ما تسمع حد بيقفل باب
قلبها يقف ثواني وبعدين يرجع يدق تاني.
أم معتز كانت نايمة على الكرسي المقابل
مرهقة من السهر والتعب
وفرح ساكتة بتدعي في سرها
رغم كل اللي عمله معتز فيها
بس الدعوة طالعة من القلب.
قالت لنفسها
يا رب مش علشانه هو علشان أمه بس
الست دي ما تستاهلش ۏجع تاني.
مع أول ضوء شمس تاني يوم
طلعت الدكتورة من الأوضة.
وشها كان هادي بس فيه حاجة غريبة
الهدوء اللي يخوف.
فرح قامت بسرعة
طمنيني يا دكتورة في إيه
الدكتورة بصتلها بهدوء وقالت
الحمد لله هو فاق
بس للأسف في مضاعفات ظهرت بعد العملية.
فرح حست إن الأرض بتتهز تحت رجليها
قالت پخوف
يعني إيه مضاعفات
يعني حصل تأثر بسيط في الأعصاب
وحاليا معتز عنده شلل نصفي مؤقت
لسه مش عارفين هيستمر ولا لأ
بس أول ما فاق كان بيسأل على واحدة اسمها فرح.
الكلمة دي وقفتها مكانها.
اټشل وبيسأل عليا
جملتين بس كأنهم سكاكين دخلوا قلبها.
و مش عارفة تفرق بين الشفقة والۏجع والصدمة.
أم معتز قامت بصعوبة
دموعها نازلة
بصت لفرح وقالت بصوت متقطع
لو ليا غلاوة عندك
لو بتعتبريني زي أمك بجد
تعالي شوفيه يا بنتي
هو طالبك بنفسه
وقال اسمك أول ما فتح عينه.
فرح فضلت ساكتة
إيديها متشابكة
العيون بتلمع بدموع مش نازلة
وصوتها خرج بهمس
حاضر يا طنط هدخل أشوفه.
دخلت فرح الأوضة بخطوات بطيئة
الإضاءة كانت خاڤتة ريحة المطهر ماليه الجو
وصوت الأجهزة بيقطع الصمت كل ثانية.
عينها وقعت عليه
معتز بس مش نفس معتز اللي كانت تعرفه.
الوش اللي كان دايما متعالي ومليان غرور
بقى شاحبو ملامحه منكسرة
وصوته لما طلع كان بالكاد مسموع.
بص لها بعينين فيها دموع وقال
إنتي جيتي
نطقتها كأنها آخر كلمة يقدر يطلعها.
ما ردتش بس وقفت عند آخر السرير
مش قادرة تقرب
أكتر ولا قادرة تمشي.
كمل هو صوته متكسر مبحوح من الۏجع