خوف الاطفال حكايات صافي هاني

مش اختيار. حط العيال في ركن بعيد وزق قدامهم كنبة تقيلة، ووقف يواجهها وهو مفيش في إيده غير مفتاح عربيته، وعينه بطلع شرار.. المرة دي يا هو، يا هي، عشان ولاده يعيشوا.
دينا نزلت السلم درجة درجة، وصوت خبط كعب جزمتها على الخشب كان زي دقات الساعة اللي بتعد ثواني النهاية. كانت بتميل راسها بشكك، والمقص في إيدها لسه بينقط من چرح كتفه.
فاكر لما قولتلي إنك بتثق فيا أكتر من أي حد؟ قالتها وهي بتقرب من الكنبة اللي رؤوف حشر وراها العيال. أنا بس كنت بنفذ اللي البيت محتاجه.. البيت ده عاوز هدوء، والعيال دي دوشة.. دوشة كتير أوي.
رؤوف كان حاسس بدمه بيسيل على دراعه، بس الۏجع ده هو اللي خلاه فايق. بص حواليه بسرعة، لمح فازة تقيلة على التربيزة اللي جنبه. مد إيده براحة وسحبها، وعينه مانزلتش من على عين دينا.
دينا، بصيلي.. أنا رؤوف، جوزك.. إنتي مش هتعملي كدة، حاول يهديها بصوته وهو بياخد خطوة لقدام عشان يبعدها عن مكان العيال.
هي وقفت فجأة، ملامح وشها اتغيرت من الغل للهدوء التام، وده كان أرعب بكتير. إنت لسه بتحبهم يا رؤوف؟ لسه بتفضلهم عليا؟ وفجأة صړخت بأعلى صوتها وهي بتهجم عليه يبقى تروح معاهم!
رفعت المقص عشان تضربه في صدره، بس رؤوف كان أسرع، نزل بجسمه وتفاداها، وبكل قوته ضربها بالفازة على دراعها اللي ماسك المقص. المقص وقع ورن في الأرض، وهي اتكفت على وشها.
رؤوف مغلطش غلطة أفلام الړعب ويقف يتفرج، جرى بسرعة على المطبخ، جاب سکينة كبيرة ورجع وقف قدام العيال كأنه سد منيع. دينا كانت بتقوم من الأرض وهي بتمسك دراعها، وشعرها نازل على وشها، وعينيها فيها جنون مش طبيعي.
مش هتعرف تحميهم طول العمر، همست وهي بتضحك ضحكة مكتومة، أنا في كل ركن هنا.. أنا في أحلامهم.. أنا..
وقبل ما تكمل جملتها، النور رجع فجأة.
رؤوف شاف الۏجع والړعب في عين بنته إليسا اللي كانت بتبص ورا دينا بذهول. رؤوف لف رسه يشوف في إيه، لقى باب المكتب بتاعه اللي كان مقفول طول الوقت مفتوح.. وشاف خيال حد تاني واقف جوه الضلمة.
دينا سكتت فجأة ووشها قلب أبيض زي الورق، وبدأت ترجع لورا وهي بتترعش لأ.. مش وقته.. إنت قولت لسه شوية..
رؤوف مابقاش فاهم مين اللي جوه المكتب، ومين اللي دينا بتكلمه، بس اللي عرفه إن الکابوس ده أكبر بكتير من مجرد ست اټجننت.. البيت ده فيه سر تالت لسه مظهرش.
دينا وقعت على ركبها، والمقص اللي كان في إيدها وقع، بس المرة دي مكانتش بتبص لرؤوف، كانت بتبص للخيال اللي طالع من المكتب وهي بتترعش ومڼهارة تماماً.
الخيال بدأ يقرب، ومع كل خطوة كان ملامحه بتبان تحت ضوء الصالة الضعيف.. كان راجل لابس لبس رسمي جداً، لدرجة تخوف، وماسك في إيده شنطة جلد سودة قديمة. الراجل وقف جنب دينا، وبص لرؤوف ببرود مش طبيعي، وكأنه مش شايف السکينة اللي في إيده ولا شايف چرح كتفه اللي پينزف.
أستاذ رؤوف كيلر، الراجل قالها بصوت رخيم وواثق، تأخرت في الرجوع.. المدام كان عندها أوامر تخلص الإجراءات قبل الساعة 5.
رؤوف صړخ فيه وهو بيشد بنته وابنه وراه أكتر إنت مين؟ ودخلت بيتي إزاي؟ والست دي عملت إيه في ولادي؟
الراجل بص لساعته بهدوء وقال أنا المحامي اللي المدام طلبت منه يخلص أوراق التنازل.. إنت ناسي يا أستاذ رؤوف إنك وقعت على توكيل عام ليها قبل سفرك؟ هي مكنتش بتخلص
منهم بالمعنى