رواية كامله

مكالمة عشان برستيجها قدام الناس.
اتغطت وخدت عمر ، ولأول مرة من يوم الحاډثة، نامت وهي مرتاحة.. لأنها أخيراً اتخلصت من حمل أتقل من الحاډثة نفسها.
بعد ما قفلت السكة، ليلى مقعدتش ټعيط. كان فيه برود غريب سيطر عليها، كأن الۏجع الجسدي اللي هي فيه عمل لها تخدير لمشاعرها تجاههم.
فتحت الفيسبوك، لقت مي منزلة بوست جديد كاتب فيه النفوس المړيضة هي اللي بتحاول تفسد فرحة العيلة بتمثيل دور الضحېة.. ربنا يشفي القلوب الحاقدة.
الكومنتات كانت كلها من قرايبهم عندك حق يا مي، ألف سلامة عليكم ومنورين، ومحدش حتى كلف خاطره يكتب هي ليلى فين؟.
ليلى في اللحظة دي قررت تاخد حقها، بس مش بالخناق.
صورت تقرير المستشفى اللي فيه وصف الإصابات والكسور، وصورت عمر وهو نايم بوشه المتخيط، وصورت رسالتها اللي بعتتها ليهم أول يوم ومحدش رد عليها.. والوقت باين في الرسالة.
نزلت البوست وكتبت كلمة واحدة
شكراً لعيلتي اللي سابتني بين الحيا والمۏت عشان ميفسدوش غدا الأحد.. العيلة فعلاً هي كل شيء، بس إنتوا علمتوني إنكم مش عيلتي.
وعملت تاج لكل اللي كانوا في الصورة.
الموبايل مبردش بعدها.. رنات من مي، ورنات من كريم، ورنات من طنط فلانة وعمو فلان.
الكل بدأ يهاجمها إزاي تفضحينا كدة؟، امسحي البوست فوراً أبوكي ضغطه علي بسببك!.
مي بعتت لها رسالة خاصة انتي اټجننتي؟ عايزة الناس تاكل وشنا؟ امسحي القرف ده!.
ليلى ردت عليها بكلمة واحدة اعتبريني مت في الحاډثة.. وريحي نفسك.
وعملت بلوك نهائي وشامل لكل واحد بيحمل اسم منصور.
قامت من السرير بصعوبة، وراحت المطبخ عملت لعمر كوباية عصير ولنفسها قهوة. شمت ريحة البيت الهادي، وبصت لعمر اللي بدأ يفتح عينه ويضحك لها..
في اللحظة دي بس، حست إنها حرة.
العيلة اللي بتمص طاقتك وتذلك بوجودها، البعد عنها مش عقوق.. البعد عنها حياة.
ليلى بدأت صفحة جديدة، بقلب مكسور جسدياً بس مرتاح نفسياً، وعرفت إن السند الحقيقي هو اللي بيطبطب عليك وإنت في قمة انكسارك، مش اللي بيستنى لما تقوم عشان يلومك إنك وقعت.
مر شهر على اليوم ده.
ليلى كانت قاعدة في الصالة، عمر بدأ يرجع لشقاوته تانى والضمادة اللي على عينه اتشالت، بس لسه فيه أثر چرح صغير فوق حاجبه.. ليلى كانت بتبص للچرح ده وبتفتكر إنه كان التمناية اللي دفعتها عشان تشتري راحتها.
الباب خبط، كانت تقى صاحبتها، داخلة وشايلة كيس فاكهة وعلبة حلويات.
تقى ها يا لولو، لسه القوات المسلحة بتاعت عيلتك بتحاول تخترق الحصون؟
ليلى ضحكت وهي بتصب الشاي مي بعتت لي مع واحدة صاحبتنا مشتركة تقول لي إن بابا تعبان بجد وإن من مروءة الست الأصيلة إنها تروح تبوس إيد أبوها مهما عمل.. فكان ردي بسيط جداً.
تقى بفضول قولتي إيه؟
ليلى قولت لها إن المروءة دي كانت المفروض تظهر لما كنت أنا مرمية في الطوارئ وابني پينزف.. المروءة