رواية كامله

إن الشقة اتسحبت والشرط الجزائي هياكل المقدم! انتي عاوزة تخربي بيتي؟
رديت عليه وصوتي أهدى من نسمة الصيف
مش انت اللي بعت لي رسالة بتقول ابعدي عننا؟ أنا نفذت طلبك يا حودة.. شلت اسمي من حياتكم، وشلت ضهري اللي كنتوا ساندين عليه وبتضربوا فيه في نفس الوقت. مش انت إمبراطور؟ ابنِ إمبراطوريتك بفلوسك بقى.. مش بۏجع قلبي.
سارة خطفت منه التليفون وهي بتصوت
والله ما هسيبك! انتي فاكرة إنك كده كسبتي؟ أنا هعرف أخد حقي منك!
قلت لها حقك؟ ده أنا اللي حقق عندي يا سارة.. التقرير الطبي وصور وشي والنيابة مستنيينك. ده غير الشقة اللي ضاعت، والمقدم اللي راح، والديون اللي هتلاحقكم لأنكم مديونين ل طوب الأرض عشان تفرشوا شقة مش بتاعتكم.
أمي جات لي البيت بالليل، كانت جاية بوش اللوم
يا بنتي حرام عليكي.. ده أخوكي، هتفضحيه وتكسري فرحته عشان خناقة ستات؟
بصيت لأمي بحزن، وقلت لها
يا أمي، محمود وسارة سابوني غرقانة في دمي على أرض المطبخ وعدوا من فوقي عشان جزمتهم متبوظش.. ساعتها مكنتش خناقة ستات، كانت قلة أصل. محمود اللي انتي عملتيه ملك، طلع مجرد سراب.. وأنا مش هحرق نفسي تاني عشان أدفي حد فيكم.
النتيجة؟
القرض اتلغى.
الشقة راحت لغيرهم.
محمود وسارة اضطروا يرجعوا يسكنوا في شقة قديمة بالإيجار، والديون اللي استلفوها عشان المنظرة بدأت تطاردهم.
أما أنا.. فغيرت كالون البيت، وغيرت نمرة تليفوني، ولأول مرة في حياتي، بدأت أصرف فلوسي على دينا وبس.
اتعلمت إن الستر مش إنك تغطي على اللي بياكلك.. الستر إنك تبني حيطان لكرامتك، ومحدش يدخلها غير اللي يقدر قيمتها.
هما خسروا بيت كان مبني من ورق.. وأنا كسبت نفسي اللي كانت ضايعة وسطهم.
تمت حكايات انجي الخطيب