رواية شيماء

حضرتك كتير من مياده لكن أول مره نتقابل
آسر فرصه سعيده
آسر كان بيبص ل مياده عاوز يشدها من وسطهم ويعرف ازاى جسور عارف اسمها وبيسلم عليها بالثقه دى
جسور يلا نشوف الإجراءات ونطلع الطياره
آسر اتفضلوا انتوا وانا دقايق وهحصلكم
جسور اوك حنسبق احنا ....يلا حبيبتى يلا ياياسو
اخد جسور ميسون ومشيوا وأسر عيونه لونها بقى احمر من كتر غضبه مياده لاحظت تحوله وقفت خاېفه
آسر پغضب ممكن اعرف جسور الشامى يعرف اسمك منين
مياده شافنى مرتين فى النادى وانا قاعده مع مراته
آسر وانتى بقى لما كان بييجى لمراته كنتى بتفضلى قاعده معاهم وتتكلموا مع بعض
مياده لا والله يا حبيبى ده انا كنت يستأذن واقوم علطول لكن أول مره هى عرفته عليا بأسمى وانى مراتك
آسر طيب انا مصدقك طبعا لكن لو سمحتى مش عاوز أى كلام من ده يتكرر مره تانيه انتى عارفه انا مش بحب العلاقات والأصحاب انا قولتلك اهو
مياده حاضر يا اسر بس يعنى لو جت تكلمنى هعمل ايه
اسر كلميها طبعا انا بتكلم على جوزها مش عليها يا مياده
مياده حاضر يا اسر انا بس متوتره من شكلك
آسر ماله شكلى عاوزه شكلى يكون ايه وهو بيعرفنى على مراته وانا الاقيه عارف اسم مراتى
مياده اسفه يا حبيبى مش هكلم حد تانى فى النادى
آسر يكون احسن برده
مياده انا بتشائم من فرنسا دى والله
هنا بقى وبعد كلام مياده ده ضحك آسر بأعلى صوته
آسر ياااه ياميمو ده انتى قلبك أسود اوى لسه فاكره يوم فرحنا
مياده هو ده يوم يتنسى
آسر خلاص بقى انسى واوعدك انى هعوضك عنه فى السفريه دى
مياده ده لو لحقنا الطياره اصلا
آسر يلا بينا
مشى آسر و مياده وخلصوا الإجراءات وركبوا الطياره
آسر كان طول الوقت قاعد وماسك ايد مياده زى مايكون بيأكد لنفسه تملكه ليها
اما جسور كان نفسه يحس ان ميسون مهتمه بيه زى ماهى مهتمه بأبنها
مياده كانت بتفكر ازاى تتلاشى ڠضب آسر وغيرته إللى عمرها ماقلت من جوازهم
ميسون طول الرحله كانت بتلاعب ابنها وتأكله وتشربه وناسيه الراجل إللى ھيموت على نظرة حب منها ده
لكن ياترى بعد مايوصلوا فرنسا هيدوم الحال على كده
أعلنت المضيفه عن ربط أحزمة الأمان.......وعن هبوط الطائره لمطار شارل ديغول بباريس
وصلت الطياره ونزلوا كلهم خلصت الإجراءات وخرج مل واحد ومعاه مراته
آسر جسور حبيبى انتوا نازلين فى اوتيل ايه
جسور لا انا نازل فى بيت كامل العدوى انت عارف ان مالك ابنه متجوز سيلين بنت عمى وهما عازمينا عندهم
اسر تمام ياباشا أشوفك فى الاجتماع
ميسون مياده خلينى أشوفك عاوزه اعرفك على سيلين
مياده ان شاء الله
جسور فى الحفله هتتقابلوا مع بعض كلكم
آسر أيوه طبعا ان شاء الله
سلموا على بعض وأسر اخد مياده واخدوا ليموزين من المطار وصلهم الاوتيل
مياده مش ده نفس الاوتيل إللى كان فيه شهر العسل بتاعنا
آسر بابتسامه أيوه هو
مياده علشان كده قولتلى هتعوضنى
آسر لسه ياحبيبتى انا وانتى عاوزين نعيش يومين اجمل من كل ايام عمرنا
مياده حبيبى انا عمرى ماهلاقى اجمل من ايامى معاك
آسر طيب يلا ناخد مفتاح الجناح بتاعنا بدل ماارتكب چريمه هنا
مياده ههههههه لا وعلى ايه الطيب احسن
وأثناء وجودهم فى الريسيبشن وصل رجل الأعمال سمير الكردى و بوسى
سمير مساء الخير ازيك يا آسر باشا
آسر أهلا اهلا سمير باشا انا بخير وحضرتك
سمير بخير الحمد لله
آسر وهو بيشاور على مياده اعرفك المدام
سمير تشرفت بحضرتك يامدام
مياده ميرسى اهلا بحضرتك
سمير اعرفكم بالمدام بتاعتى
آسر و مياده اهلا وسهلا تشرفنا
بوسى أهلا بيكم الشرف ليا الحمد لله ان معانا حد مصرى نعرفه بدل مااكون لوحدى و سمير فى الاجتماعات
مياده اه طبعا
آسر طيب بعد اذنكم هنرتاح شويه ولو فى نصيب نتقابل على الغدا
سمير تمام ياباشا اتفضلوا وان شاء الله نتقابل قريب
اكتفوا بال ابتسامه وطلع آسر و مياده جناحهم وطلع سمير و بوسى جناحهم لكن جناح آسر و مياده كان مختلف لان آسر حجز نفس الجناح بتاع شهر العسل
والمفاجأة كانت ل مياده لما دخلت الجناح وشافت نفس الزينه البالونات الحمرا والشموع ماليه الجناح
مياده لفت تبص ل اسر وحضنته وعلقت ايديها فى رقبته وأسر شالها وفضل يلف بيها
مياده كانت فرحانه اوى ان ربنا كرمها براجل زى آسر
بحبه وحنانه وجنونه وغيرته
آسر عجبك الجناح ولا فكرك بأيام وحشه
مياده حطت صوابعها على شفايفه تسكته أوعى تكمل انا عمرى مااتمنيت احسن من كده
آسر حبيبتى ربنا يقدرنى وأسعدك العمر كله
قضوا ليله من ليالى الف ليله وليله
اما فى الجناح الخاص ب سمير و بوسى
دخلت بوسى عجبها الجناح جدا
بوسى حلو اوى الجناح ده بس هو انا هغضل قاعده فيه ولا ايه
سمير كان شارد ومسمعهاش
بوسى وهى بتشاور بايدها فى الهوا سمير انا بكلمك
سمير هااااه كنتى بتقولى حاجه
بوسى أيوه كنت بقول انا عاوزه اخرج
سمير حاضر ياقلبى بس ليا طلب عندك
بوسى أؤمر ياحبيبى
سمير ممكن ماتكلميش حد من الناس إللى هتقابليهم فى الحفله
بوسى بس انا حاسه ان مرات صاحبك دى طيبه
سمير حبيبتى انا مش بتكلم عن مراته لكن ماينفعش تتواجدى فى مكان هو فيه حتى لو مراته موجوده
بوسى حاضرياحبيبى
سمير يلا بقى ننزل نتغدى ونخرج نتفسح
بوسى يلا ياحبيبى
نزل سمير و بوسى اتغدوا الأول و سمير طول الوقت كان باله مشغول و بوسى كانت فاهمه سبب انشغاله ومن جواها قررت ماتسيرش غيرته لانها عارفه كويس اد ايه سمير بيغير عليها
بوسى لنفسها انا عارفه انت بتفكر فى ايه دلوقتى لكن والله انا بحبك وعمر عينى ماهتشوف راجل غيرك
سمير لنفسه انا شكلى جنيت على نفسى لما حبيتك فى مكان فى ناس اعرفها وللاسف معظمهم شباب وسيم ورجال أعمال
فضل الحال على كده بينهم لوقت مش قليل لحد ما بوسى كسرت الصمت ده
بوسى حبيبى على فكره انت ضحكت عليا
سمير انا ليه ياقلبى
بوسى انت قولتلى هنيجى نتبسط مش هتقعد سرحان كده
سمير مضى على الشيك واخدها من ايديها وخرجوا يلفوا فى كل مكان فى باريس
.......................اما فى فيلا كامل العدوى فى كل باريس
وصل جسور و ميسون وابنهم وكان فى استقبالهم كل أفراد العيله
مريم يااهلا وسهلا بالناس الوحشه إللى مش بنشوفها غير كل سنه مره
جسور وهو بيحضنها حبيبتى يامريومه وحشتينى
ميسون جريت عليها هى كمان وحضنتها
سيلين كمان
جريت عليهم وحضنتهم وبعدها شالت ياسين وفضلت تدغدغ فيه وتبوسه وهو يضحك كن قلبه
سيلين حبيب قلب انطى ده ياناس
مريم هاتيه ياسيلى ابوسه
مريم أخدته منها و جسور واقف مستغرب مراته ازاى سيباه فى أيديهم كده دى مش بتخلى مامتها تمسكه
ميسون كانت فرحانه لفرحة ابنها وواثقه فى معاملة مريم و سيلين وحبهم لأبنها
مالك انت ايه يابنى آدم انت مش هتسلم عليا ياواد
جسور تعالى ياحبيبى وانا اسلم
حضڼ الاتنين بعض بقوه وصلوا يهزروا مع بعض
وطبعا مريم كانت محضرالهم الغدا اتجمعوا كلهم على السفره
ميسون وشوشت مريم عوزاكى بعد الغدا انا جيت من مصر مخصوص علشان افهم قصدك كان ايه
مريم وانا عوزاكى اكتر منك
خلص الغدا و مريم أخدت ميسون على فوق
ميسون فهمينى بقى فى ايه
مريم بكدبانتى ازاى تسيبى جوزك لواحده واحده منك
مبسون واحده مين دى ده انا اقتلهم هما الاتنين
مريم بس بس ماانتى السبب خليكى مافيش فى حياتك غير